ɛMacu 13:11 - ɛWee ne ìTsɛm iHywas

¹¹ ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛMacu 13:11 ပူးပေါင်းရင်းမြစ်များ

1 iKɔrɔntos 2:14

ɛNyi gha ne iKabyik ge i sang hyel ɛbhɛ wo, sɔng aa ne say nikɔn na nɛ nibhɛ le ne iKabyik ɛTaanggbey de nang daa ɛli nɛ nibhɛ so te iwamang ɛlɔ ɛbhɛ gha, sɔng aa ma yung seng nibhɛ nang, daa ɛli ne i seng nibhɛ lenɛ ne iKabyik ge.

ɛMacu 19:11

ɛYɛso gha ne kyii nɛ, ɛ yaak nibhɛ, “Sɔng gbik ninyi na ya yɛɛ ne roos ibol lɛdee wo kang nɛ ninaa ne ɛTaanggbey ya kɛ nang nibhɛ irway yɛ nang.

ɛYakub 1:5

Wu ɛdɛ mon ne sang ntsɛntsɛng, te ne ɛ roo ɛTaanggbey ye ne ɛbhɛ ɛ so ɛhaa ne nang izɛɛng ngge walala tang kyii bol ivol ne ɛdak kɛ, ɛTaanggbey ya yaa ne nang ɛbhɛ.

1 ɛYohana 2:27

Nyinɛn no nang, ɛKiriti gha kɛ ne tul nyini kang lenɛ ne ɛ kɛ sit nyini ne iKabyik ɛbhɛ. ɛLi ne iKabyik ɛbhɛ de so ndɔ mon no, sɔng ne ˆɛ ta tɔtɔk ɛn ɛdɛ ɛkyɛɛ ne icwam ma kang ne aa mɛmɛ nyini nɛ nang. Daa ɛli ne iKabyik ɛbhɛ de i mɛmɛ nyini nɛ nikɔn na gbik, imɛmɛ ɛbhɛ da ne so itin nɛ sɔng irywɛɛk nang. iPhɛ ɛlɛy, ne ˆɛ roos ɛn imɛmɛ ne iKabyik ge te ˆɛ shɛɛ ɛn ndɔ ne ìtsɛm be ne ɛKiriti gha.

1 ɛYohana 2:20

Nyinɛn no, ɛKiriti gha ɛhaa ne ɛ so kang ngo kɛ ne tul nyini kang, iphɛ ɛlɛy gbik mon no ˆɛ yɛɛ ɛn itin de.

ɛMacu 16:17

ɛYɛso gha ne kyii nɛ ɛ yaak ɛBiturus segha, “ɛSimɔn ne ɛ soyɛ ɛngɔn ɛYunana, ɛ soyɛ ɛhaa ɛwɛng! Sɔng ɛten ɛsii ɛbhɛ kɛ mɔng ngɛ ibol lɛdee wo nang, ɛKyɛɛ nge ne ɛ so daa ne irywa ɛbhɛ kɛ mɔng ngɛ.

iFisus 1:9

ɛTaanggbey ya kɛ yɛk ngɛ njwɛɛn seng ɛduk ne icwas ɛbhɛ daa ɛkɔn na ne aa mɔn, ɛhaa ne ɛ kɛ ryɔng ɛ shwaak lenɛ ne ɛKiriti gha.

iFisus 5:32

iBol lɛdee wo so gying, iphɛ so kyukyum gbom, nggɛ ne bo iphɛ daa ne ibol ne ìtsɛm ne ɛKiriti bok ne idira ninaa ne roos.

iRooma 16:25

Te ne nang ɛTaanggbey yegha ne ndiinday cɛcɛɛy. Aa yɛɛ ne te nyini ɛ kyinak ɛn gɛgɛy ndɔ ne ìnang ne itin mon de lenɛ ne iBol iYɛnɛng ɛYɛso ɛKiriti de ne nzi sanga wo. iShay de kɛ ne hɔn maa ne kaa rɛɛ iBol iYɛnɛng ngɛdee wo,

ɛLuka 8:10

ɛYɛso gha ne yaak nibhɛ, “Kɛ phaal nyini ɛduk ne bol ne igbɔm ɛTaanggbey ba. Ɛbyin ninyi na nang, naa ne i bol nɛ nibhɛ ndɔ ne igɔrɔp, tɛ ‘Nibhɛ ne i wɛɛ, sɔng nibhɛ ne yaang nang, nibhɛ ne i tenes, sɔng nibhɛ ne seng nang.’ ”

1 iKɔrɔntos 15:51

Te mɔng nyini idɛ ibol igying ngge ne njwɛɛn kaa sang ku yɛɛ. Sɔng gbik njwɛɛn no sɛ kus nang, gbik njwɛɛn no, sɛ yang sunusi ibek njwɛɛn de,

1 iKɔrɔntos 2:7

Ntsɛntsɛng ngge ne nzi bol lɛ wo so ntsɛntsɛng igying ɛTaanggbey ne ɛ kɛ rɛɛ ɛten ɛsii nɛ, ntsɛntsɛng ngge ne ɛ kaa ku ryɔng ɛli ne kɛ tang ryɔng ɛzay ya te ihywɛ te i nang njwɛɛn ne ndiinday.

ɛYohana 6:65

Ne ɛ hante nɛ ɛ yɔngɔ, “iPhɛ phɛ kɛ te nggɛ ku yaak nyini wu hang ɛnyi sonɛ ne aa yɛɛ ne yɛɛs ɛlɔ nge gha kang ne ɛhaa ne ɛKyɛɛ nge gha ɛbhɛ kɛ nang ɛbhɛ ito ne yɛɛs sɛ wo.”

1 ɛTimɔti 3:9

iPhɛ so nggbinggbing nibhɛ wum ìnang ne itin de ne kɛ phaal lo nɛ itin nɛ nibhɛ tenes izɔlɔs ne irway iywɛnɛng.

1 iKɔrɔntos 13:2

Nzɛ kyi bok izɛɛng ne bol te ɛnɛbi, n da yɛɛ ne seng ɛkɔn na ne ɛ so gying, n da bok ishweng nikɔn na gbik, n da bok ìnang ne itin ne iphɛ bok ihwet ne iphɛ sɛ yɛɛ ne shoom ivarang, wu ne n sang bok ishwim ba, sɔng ne nzo ɛkɔn nang.

ɛMarakus 4:11

ɛYɛso gha ne kyii nɛ ɛ yaak nibhɛ, “Nyinɛn ne kɛ nang nyini ɛduk ne igbɔm ɛTaanggbey ya. Ninaa ne hame nibhɛ ne so ndɔ mon no nang, yaa ne i bol nɛ nibhɛ ndɔ ivol ne igɔrɔp.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

1 iKɔrɔntos 4:7

ɛHay ɛbhɛ ɛ bok kɛ wu ɛ phyin ɛbyin niten nisii naa? iKyee ne ɛ bok ne hame ɛTaanggbey ɛbhɛ kɛ nang ngɛɛ? Wu iphɛ ne so ɛlɛ wo ikyee iphɛ kɛ ne te ɛ hal ɛgyɛy ya te hame kɛ nang woo?

1 iKɔrɔntos 4:1

iPhɛ ɛlɛy, bo ɛn njwii njwi soye nikpuru ɛKiriti, ninaa ne ɛTaanggbey ya kɛ tek ɛtomɛ ne kpɛl itin ne ibol igying ɛbhɛ ndɔ ne iwɔ mos.

ɛYohana 7:17

ɛHiha ɛnyi ne ɛ kasa aa mɔn ɛkɔn na ne ɛTaanggbey ye sim mo, aa ne seng, hang nzi mɛmɛ ninyi na ne ɛkɔn na ne ɛ le daa ɛlɔ ɛTaanggbey yɔɔ, hang nzi yung mɛmɛ nibhɛ ɛhaa ne ito nge yɔɔ.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

ɛTomɛ 16:14

Ndɔ nikuk kɛnaa nggyɛ wo, ɛdɛng kaa ne sonɛ ne bok ɛbhɛ ɛLidiya ne ɛ kaa le ɛgarang ne iTiyatira. Ɛ kaa ne i lɛbhɛl itsura ne jam ne ifɛ bok inɛn ntseng ngɛ mpumpuk ne ɛ re ɛTaanggbey ye ntsong. ɛDaray ya ne yɛk ngɛ ɛ kyii ne irway ɛbhɛ daa ne ibol de ne ɛBulus sa tɔng ngo, ɛ say iphɛ.

ɛMacu 13:10

Ninɔn ne icwam ɛYɛso na ne yɛɛs ɛlɔ ɛbhɛ, nibhɛ ne yaak ɛbhɛ, “iKyee phɛ kɛ te ɛ bol nɛ ninyi na ndɔ ne ivol ne igɔrɔp baa?”

ɛMacu 20:23

ɛYɛso gha ne yaak nibhɛ, “Ɛ sɛ sɔ ɛn ɛhyihyangas nge gha ɛtsak, daa ne ibol ne soos ne iwɔ ne irwye nge de ne iwɔ ne itsan nge wo, sɔng me nzi ne yɛk ngɛ nang. Nilɔ yɛnaa nggyɛ wo so nilɔ ninaa ne ɛKyɛɛ nge gha kɛ ku ryɔng nibhɛ nɛ.”

ɛMarakus 10:40

Bɛs, sɔng mee ne n bok igbɔm mɛ ne naa kasa ɛnyi gha ne aa soos ne iwɔ ne irwye wo gbik ne iwɔ ne itsan no nang. ɛTaanggbey ɛbhɛ nang ninyi na ne ɛ kɛ ku ryɔng nibhɛ nilɔ yɛnaa nggyɛ wo.”

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.