ɛMacu 12:44 - ɛWee ne ìTsɛm iHywas

⁴⁴ iPhɛ ne ji yɔngɔ, ‘Na kyii mbɛ ne ijwee wo ne nggaa tek ko.’ Yaa ne sɛ iphɛ kɛ tuu, iphɛ ne sɛ ijwee wo buu, iwɛwɛy kɛ ryɔng byirik.

ɛMacu 12:44 ပူးပေါင်းရင်းမြစ်များ

1 ɛYohana 4:4

Nyinɛn ninɔn nge ne nzi sim, ˆɛ so ɛn nyini ninɔn ɛTaanggbey. ˆƐ kɛ re ɛn daa ninabawa ne irywɛɛk ka daa ɛli ne iKabyik ɛTaanggbey de ne iphɛ so ndɔ mon no phyin idee ninaa ɛzay de ne ihwet.

1 ɛYohana 2:19

Ninaa ne iphup ɛKiriti yɛnaa wo kaa so ndɔ njwɛɛn ne ile, nibhɛ kɛ ne tek njwɛɛn, daa ɛli ne sɔng nibhɛ gha ku soye ninaa njwɛɛn nang. Sɛ yɔng nibhɛ kaa ku soye ninaa njwɛɛn na, nibhɛ sɛ ne tɔ ne njwɛɛn no. Nibhɛ kɛ tek njwɛɛn, iwuru nibhɛ da kɛ ne tɔɔrek kpas wu hang nibhɛ soye ninaa njwɛɛn.

1 iKɔrɔntos 11:19

iPhɛ so ngbingbing i sɛ ihosop en da ndɔ mon no te sɛ seng ninyi na nɛ nibhɛ kɛ hɔn sɛɛ kyinak daa ne ibol nibhɛ ndɔ mon no.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

ɛYohana 13:27

Kɛ ne sɛ ɛYahuza gha kɛ say ibɛrɛdi de, ɛShɛtan na ne lel ndɔ ɛbhɛ. ɛYɛso gha ne yaak ɛbhɛ, “Yɔng ɛhywarat ɛ mɔnte ɛkɔn na ne aa mɔn no.”

ɛYohana 13:2

Nibhɛ kaa ne so ne re ire ɛtuk, ɛlɛy ɛShɛtan na kɛ ku lel ne irway ɛYahuza ne iSikɔrɔti ne ɛ so ɛngɔn ɛSimɔn na, wu te ɛ rɛp ɛYɛso yegha.

ɛYohana 12:6

Sɔng ɛYahuza gha kaa yɔng ɛlɛ wo daa ɛli ne ɛ tas nihala ninyi na nang, ɛ kaa ku so ɛhaa ɛyi, daa ɛli ne ɛbhɛ ɛ kaa so ɛhaa ne boos irambak ne ijam niYɛso yede, ne ɛ kyii mɔɔng ɛ shii tul izɛng nɛ ndɔ yɛ ɛ phyik ito ɛbhɛ nɛ.

ɛMacu 12:29

“Sɔng ɛnyi yɛɛ ne lel ndɔ ne ijwee ɛhaa ne ihwet to ɛ kpuusi nikɔn ɛbhɛ tang ɛ kɛ kyi tsa ɛ wum ɛhaa ne ihwet ta nang. Ɛɛ tsa ɛ rop ɛbhɛ nyɛɛn, ne ɛ ji kpuusi nikɔn ɛbhɛ na.

ɛMacu 12:43

“Yaa sɛ ikabyik ɛphoo de kɛ wuru ndɔ ɛnyi gha, iphɛ yaa ne bhɛ kaan nilɔ nihowo iphɛ tɔk ɛlɔ gha ne iphɛ yaa shɛɛ nɛ, yaa ne sɛ iphɛ kɛ sang bhɛ sɛ ɛlɔ.

ɛMacu 12:45

iPhɛ ne ji phɛ iphɛ bhɛ bo ihwak ikpabyik ɛniitaa ne ifɛ phyin iphɛ ne ibebhe nibhɛ ji bhɛ lel ɛnggyɛ wo, nibhɛ shɛɛ nɛ. ɛTsim mɛ gbik ishwɛɛ ɛnyi yɛdaa nggyɛ wo yaa bees se ifɛ phyin ɛli ne ɛ kaa so ɛyisɛ gha. Ɛlɛy ne phɛ sɛ ne te nɛ nibebhe ninyi ne izam nɛnaa wo.”

ɛLuka 11:25

Wu iphɛ kɛ ne tuu iphɛ sɛ ijwee wo ywɛywɛy kɛ ryɔng.