ɛMacu 12:18 - ɛWee ne ìTsɛm iHywas

¹⁸ “ɛKpuru ngeghaa bɛ ne nggɛ kasa, nzi ne sim ɛbhɛ, nzi phok yɛnɛng ɛbhɛ. Naa sit ɛbhɛ ne ikabyik nge, aa ne tɔng ɛzay ya ibol ne iphɔrɔt de.

ɛMacu 12:18 ပူးပေါင်းရင်းမြစ်များ

ɛLuka 4:18

“iKabyik ɛDaray de so daa mee, daa ɛli ne ɛbhɛ kɛ kasa me, te n tɔng nihala ninyi ibol iyɛnɛng ngge. Ɛ kɛ ne tom me te n yaak ninyi na ne kɛ robhos so, wu yaa biisi nibhɛ. Wu yaa ne phaasel niwil la irwisɛ. Te n phyik ninyi na ne i kɛ nggbɛɛt to.

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.

ɛYohana 3:34

ɛNyi gha ne ɛTaanggbey ya kɛ tom mo nang, ɛ ne bol ivol ɛTaanggbey daa ɛli ne ɛTaanggbey ya kɛ nang ɛbhɛ iKabyik wɛlɛng ɛgak.

1 ɛBiturus 2:4

Yɛɛs ɛn cɛcɛk ɛlɔ ɛbhɛ, ne ɛbhɛ so ikɛɛ ne iken de. iKɛɛ de nɛ ninyi na kɛ mbaray yo, ikɛɛ de ne ɛTaanggbey ya bo iphɛ ɛ nang ɛbhɛ ne ndiinday ne iphɛ phyin gbik ko.

2 ɛBiturus 1:17

Njwi kaa sonɛ nten de ne ɛ kaa say ndiinday de ne igbom be ɛlɔ ɛTaanggbey ya ne ɛ so ɛTaa gha, nten de ne izɔlɔs ɛTaanggbey de ne ihywɛ shɛs ne igbom be kaa boote wo, ihywɛ yɔngɔ, “ɛNgɔn ngeghaa wo ne nzi sim ɛbhɛ gbom, ɛbhɛ ne n bok irway ihwala ne ɛbhɛ.”

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

iKɔlɔsi 1:1

ɛWee yɛwoo wo le ɛlɔ ɛBulus ne ɛ so ɛngɔn ne tom ɛYɛso ɛKiriti lenɛ ne icwas ɛTaanggbey gbik ne ɛgwaa mos ɛTimɔti.

iFisus 1:6

Ɛ kɛ mɔn ɛlɛ wo te njwɛɛn dɛp ito-ndiinday ne izɛɛng ɛbhɛ ne ɛ kɛ nang njwɛɛn walala lenɛ ne ɛNgɔn ɛbhɛ ne ɛ sim.

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛTomɛ 11:18

Ne sɛ nibhɛ kɛ phok ibol lɛdee wo, nibhɛ ne kɔɔng ishamas de, nibhɛ ne yaa dɛp ɛTaanggbey ye nibhɛ bo, “ɛTaanggbey ya kɛ ma sim ninyi na ne hame nibhɛ so niYahodawa na nɛ tɛ nibhɛ san ɛbɔk nibhɛ sɛ iken.”

ɛLuka 23:35

Ninyi na ne kyinasek nibhɛ wɛɛ. Nindiinday ya ne i cɔk ɛbhɛ irway nibhɛ bo, “Ɛ kɛ phɔrɔt nidɛng te ne ɛ ma phɔt ito ɛbhɛ de, wu ɛbhɛ ɛ so ɛKiriti gha ne ɛTaanggbey ya kɛ kasa wo.”

ɛLuka 9:35

iZɔlɔs ne ji le ndɔ ne inɔp be, ihywɛ yɔngɔ, “ɛNgɔn nge gha wo, ɛhaa ne nggɛ kasa, phok ɛn ɛbhɛ.”

ɛLuka 3:22

iKabyik ɛTaanggbey ne iphɛ so te ihywiyhwaa, ne tɔm iphɛ soos daa ɛYɛso gha. iZɔlɔs ne le daa ne irywa wo, ihywɛ boote, ihywɛ yɔngɔ, “iGyɛ ɛ so ɛngɔn nge ne nzi sim, nzi ne phok yɛnɛng mo.”

ɛMarakus 9:7

iNɔp ne shii yɛɛs iphɛ cwaal niYɛso yena, ne ji phok idɛ izɔlɔs de kɛ yaa bol nɛ ndɔ yɛ ihywɛ bo, “ɛNgɔn ngeghaa wo ɛhaa ne n nzi sim ɛbhɛ, roos ɛn ibol ɛbhɛ de.”

ɛMarakus 1:11

iZɔlɔs ne ji le daa ne irywa wo ihywɛ boote ne ɛYɛso gha ihywɛ yaak ɛbhɛ, “iGyɛ ɛ soyɛ ɛNgɔn nge ne nzi sim. Ne n bok irway ihwala ne igyɛ gbom.”

ɛMacu 17:5

Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

ɛMacu 12:17

Ɛ kɛ mɔn ɛlɛ wo te sɛ ɛ shwaasek ɛkɔn na ɛnɛbi ɛShaa gha bol, ɛ bo: