ɛMacu 12:13 - ɛWee ne ìTsɛm iHywas

¹³ ɛYɛso gha ne yaak ɛnyi gha ne kɛ baghat iwɔ wo, “Sinɛ iwɔ mo wo.” ɛNyi gha ne sinɛ iwɔ wo, ifɛ ne te ikpen gbik te ihoo ne ifaa yɛ.

ɛMacu 12:13 ပူးပေါင်းရင်းမြစ်များ

ɛLuka 13:13

ɛYɛso gha ne ji bo iwɔ ɛbhɛ ɛ dad ɛbhɛ nɛ. Nɛ nten nɛ, ɛkuk ka ne shii te cik, ɛ yaa naas ɛTaanggbey ye ne ndiinday.

ɛMacu 8:3

ɛYɛso gha ne dat ɛnyi gha ne iwɔ ne ɛ ji yaak ɛbhɛ, “Nggɛ sim, te ivebhe da tek kɛ.” Nɛ nten nɛ, ɛnyi gha ne te ɛken, ikparong ngga ne tek ɛbhɛ.

ɛMacu 11:5

Ɛ kɛ yaang ɛ ɛli nɛ niwil la kɛ yaa wɛɛ, nigyamil la kɛ yaa hyel tsik, nikparong nga kɛ tes wɛwɛy, nirwan na kɛ yaa tenes ivol, ikpom ba ta semese, ne ta tɔng nihala na iBol iYɛnɛng ngge.

ɛTomɛ 28:8

ɛKyɛɛ ɛbhɛ kaa ne so shwa, ɛ kɛ tɛlɛng ɛ ta i hyis ɛtini. ɛBulus sa ne lel ɛlɔ ɛbhɛ te ɛbhɛ boote ne ɛTaanggbey da ne ito ɛbhɛ. ɛBulus ne boote ne ɛTaanggbey ya ɛ bo iwɔ ɛbhɛ ɛ tek ɛbhɛ nɛ daa ne ito ɛnyi gha ne ɛ te ɛken.