ɛMacu 11:8 - ɛWee ne ìTsɛm iHywas

⁸ iKyee ne ɛ kaa phɛɛs ne yaang ɛn lɛɛ? ɛNyi ne ɛ bok itsura ne izel naa? Kwa! Ninyi ne yaak ne itsura ne izel da sos ne idee nigɔm.

ɛMacu 11:8 ပူးပေါင်းရင်းမြစ်များ

ɛMacu 3:4

Kaa ne ryɔng itsura ɛYohana da ne itsotso ne ilangkumɛ, ne ɛ ji robhos se ɛgagha ne ihuhu ɛta. iRe ɛbhɛ de kaa ne so itse gbik ne itsong iven.

Nikɔn ne kɛ Phaal 11:3

Naa ne tom nishɛɛda nge ifaa ndɔ ne itsura ne ishwin. Ne nang nibhɛ ito ne tɔng ninyi na ibol ɛTaanggbey de nituk ɛnom ɛdaan ne ikpɔl ifaa ne nzuwubɔ ɛtaraa (1,260).”

2 iKɔrɔntos 11:27

Nggɛ kyangas me ne ɛtomɛ, nggɛ tabha ilong, nggɛ shɛɛ tang nwa, nggɛ shɛɛ kpyak, nggɛ shɛɛ tang sɔ inɛn. Nggɛ wɔs ire, nggɛ shɛɛ ne ntsentseng, nggɛ shɛɛ tang ɛtura ne ibek.

1 iKɔrɔntos 4:11

ɛLyilyɛghaa wo, njwi so kpyak, irway mos i has, sɔng njwi bok itsura iywɛnɛng nang, i lɛng njwii, sɔng njwi bok ijwee nang.

ɛMacu 11:7

Ne sɛ nibhɛ kɛ kyii, ɛYɛso gha ne ji yaa bol ne idira ninyi de daa ne ito ɛYohana de ɛ bo, “ɛLi ne ɛ kaa phɛ ɛn ɛlɔ ɛYohana gha ndɔ ɛhay ya, ɛya ɛkɔn ne ɛ kaa tas ɛn aa bhɛ yaang ɛn lɛɛ? Inzang ne igbil i bɛm naa?

ɛMacu 11:9

Ne so iKyee ne ɛ kaa jung phɛɛs ne yaang ɛn lɛɛ? ɛNɛbi yee? Ɛɛy, nzi ne tɔng nyini, ɛnyi gha ne ɛ phyin ɛnɛbi gha.

ɛLuka 7:25

iKyee ne ɛ kaa phɛɛs ne yaang ɛn lɛɛ? ɛNyi ne ɛ bok itsura ne izel naa? Kwa! Ninyi ne sɔsɔɔy itsura ne izel da, nibhɛ ta i phok itso nibhɛ ba iyɛnɛng ngge i shɛsɛ ne idee nigɔm.