ɛMacu 11:5 - ɛWee ne ìTsɛm iHywas

⁵ Ɛ kɛ yaang ɛ ɛli nɛ niwil la kɛ yaa wɛɛ, nigyamil la kɛ yaa hyel tsik, nikparong nga kɛ tes wɛwɛy, nirwan na kɛ yaa tenes ivol, ikpom ba ta semese, ne ta tɔng nihala na iBol iYɛnɛng ngge.

ɛMacu 11:5 ပူးပေါင်းရင်းမြစ်များ

ɛLuka 4:18

“iKabyik ɛDaray de so daa mee, daa ɛli ne ɛbhɛ kɛ kasa me, te n tɔng nihala ninyi ibol iyɛnɛng ngge. Ɛ kɛ ne tom me te n yaak ninyi na ne kɛ robhos so, wu yaa biisi nibhɛ. Wu yaa ne phaasel niwil la irwisɛ. Te n phyik ninyi na ne i kɛ nggbɛɛt to.

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

ɛMacu 21:14

Ninaa niwil la, nɛ nilɔɔm ne yɛɛs ɛlɔ ɛYɛso gha ndɔ ne iDeng ngge, ne ɛ tes nibhɛ niken.

ɛYohana 10:38

Wu nzi ne mɔn ɛlɛy, wu aa ne sang nang ɛn itin nɛ ne me wo, ne ɛ nang ɛn ne itin nɛ ne ɛtomɛ gha, tɛ nɛ ɛ yɛɛ ɛn ɛ ta seng ɛn wu ɛkyɛɛ gha so ndɔ mee, ne ma nzo ndɔ ɛbhɛ wo.”

ɛYohana 10:25

ɛYɛso gha ne kyii nɛ ɛ yɔngɔ, “Nggɛ ku mɔng nyini, sɔng ɛ kɛ nang ɛn ne itin nɛ nang. Nikɔn ne kparat ta ne nggɛ mɔn ndɔ ne irywɛɛk ɛKyɛɛ nge wo kɛ bol daa ne ito nge,

ɛYohana 5:36

“N bok idɛ ibol de daa ne ito nge de ne iphɛ phyin idee de ne ɛYohana gha kɛ tɔng nyini wo. Nikɔn na ne nzi mɔn no, ninaa ne ɛKyɛɛ nge gha kɛ nang me te mɔn no, nibhɛ ne tɔng nyini wu ɛKyɛɛ nge gha ɛbhɛ kɛ tom me wo.

ɛYohana 3:2

Kaa ne sɛ ɛdɛ ɛtuk kɛ ne ɛ yel-le ne ɛbyin ɛtuk ɛbhɛ sɛ ɛYɛso yegha ɛ ji yaak ɛbhɛ, “ɛKyɛɛ ne iCwam, njwii ku yɛɛ ɛ soyɛ ɛkyɛɛ ne icwam ne ɛTaanggbey kɛ tom. Daa ɛli ne sɔng ɛnyi sɛɛ yɛɛ ne mɔn nikɔn ne kparat ta ne ɛ mɔn no ne hame ɛTaanggbey kɛ tom ɛbhɛ nang.”

ɛYohana 2:23

Kaa ne sɛ ɛli ne ɛYɛso gha so ne iYɛrushɛlɛm be, nten ne iDira ne Tes iDee de Tsak ko, ninyi na gbom kaa ne yaang nikɔn ne kparat ta ne ɛ kɛ mɔn no, nibhɛ nang ne itin nɛ ne ɛbhɛ.

ɛMarakus 9:25

Ne sɛ ɛYɛso kɛ yaang ɛli nɛ ninyi na kɛ ya tumɛy ɛlɔ ɛbhɛ gha nang ne ɛ shii sit ɛphoo gha ne ɛbung ɛ yaak iphɛ, “iGyɛ ne ikabyik ne irwan ne ikabyik igbɔy, nzi bok kɛ wuru te ɛ tek ibek ɛngɔn nɛdee wo, sɔng ɛ tang lel ndɔ ɛbhɛ dɔng nang.”

ɛMarakus 7:37

Ninyi na ne yaang ɛkɔn ne kparat gbom. Nibhɛ ne ji yɔngɔ, “Nikɔn ɛbhɛ na ku so niyɛnɛng ngɛ gbik. Ɛ kɛ phaasel nirwan na itoro ɛ ta phaasel ningkpɔy ye ninu.”

ɛMacu 10:8

Tes ɛn ninaa nisha na niken, semese ɛn ninaa nibhɛ kɛ kus so, tes ɛn nikparong wɛwɛy, tuul ɛn ikpabyik ivebhe da ndɔ ninyi na nɛ nibhɛ bok ko. Sɔng ɛ kɛ tal ɛn ɛkɔn kyi nang nyini nang, sɔng aa ne ma say ɛn ɛkɔn ɛ kyi nang ɛn nang.

ɛMacu 9:30

iRwisɛ nibhɛ da ne shii phaale. ɛYɛso gha ne kpɛngke nibhɛ, ɛ yaak nibhɛ, “Sɔng ɛ tɔng ɛn ɛnyi ibol lɛ nang.”

ɛMacu 5:3

“Ninaa ɛwɛng ngaa nggyɛy nɛ nibhɛ kɛ seng itaasek ne ikabyik nibhɛ da, daa ɛli ne igbɔm ɛdaa ne irywa da so ivaa nibhɛ.

ɛTomɛ 2:22

“Nyinɛn niSɛrɛla wo, tenes ɛn ibol lɛdee wo. ɛYɛso ne iNazarat ta so ɛnyi ne ɛTaanggbey ya kaa ku tɔɔl nyini wu iyee kɛ tom ɛbhɛ. ɛTaanggbey ya kaa tɔɔl nyini ndɔ ne igbaang nitomɛ da nɛ nikɔn ne kparat ta gbik ne nyu nikɔn ne ɛnik ge ne ɛ kaa mɔn ndɔ mon no lenɛ ne ɛYɛso gha. Nyinɛn no ɛ yɛɛn iphɛ ɛlɛy.

ɛMacu 11:4

ɛYɛso gha ne kyii nɛ, ne ɛ yaak nibhɛ, “Kyii ɛn te ɛbhɛ tɔng ɛn ɛYohana yegha ɛkɔn na ne ɛ kɛ phok ɛn ɛ ta yaang ɛn no.

ɛMacu 12:13

ɛYɛso gha ne yaak ɛnyi gha ne kɛ baghat iwɔ wo, “Sinɛ iwɔ mo wo.” ɛNyi gha ne sinɛ iwɔ wo, ifɛ ne te ikpen gbik te ihoo ne ifaa yɛ.

ɛYohana 9:7

ɛ yaak ɛbhɛ, “Cwi ɛbhɛ kuus ɛyisɛ mo gha ɛrenes ne iSilɔm.” Kaa ne i bok irywɛɛk ne iSilɔm mo “ìTom.” ɛNyi gha ne phɛ ɛbhɛ kuus ɛyisɛ ɛbhɛ gha, ɛbhɛ kyii ɛɛ wɛɛ.