ɛMacu 11:3 - ɛWee ne ìTsɛm iHywas

³ wu tɛ nibhɛ bhɛ yaak ɛbhɛ, “iGyɛ ɛ soye ɛnyi gha ne kaa yaak njwii wu ɛ sɛ yɛɛs so, hang njwi hyep ɛhak?”

ɛMacu 11:3 ပူးပေါင်းရင်းမြစ်များ

ɛYohana 11:27

ɛMata gha ne kyii nɛ ɛ yɔngɔ, “Ɛɛy ɛDaray yɔɔy, nggɛ nang ne itin nɛ, igyɛ ɛ soyɛ ɛKiriti gha, ɛNgɔn ɛTaanggbey ya ne njwi ku hyep iyɛɛs ɛbhɛ da.”

iBirani 10:37

Daa ɛli ne ɛWee ne iBol ɛTaanggbey yo i bo, “Yaa phyɔngɔle ncɛt, ɛhaa ne yaaso gha ne yɛɛs, sɔng aa rɔn nang.

ɛYohana 7:31

Gbik ne iphɛ ɛlɛy ɛbyin nɛ gbom, ndɔ ne idira de ne say ibol ɛbhɛ de. Nibhɛ ne yɔngɔ, “Sɛ́ sɛ ɛKiriti gha kɛ yɛɛs so, ɛ sɛ mɔn nikɔn ne kparat ta nɛ nibhɛ phyin ninaa ɛnyi yɛghaa wo bɛ?”

ɛYohana 6:14

Kɛ ne sɛ ninyi na kɛ yaang ɛkɔn ne kparat ta ne ɛYɛso gha kɛ mɔn no, nibhɛ ne yɔngɔ, “ɛTsak, ɛNyi yɛghaa wo ɛbhɛ ɛ so ɛNɛbi gha ne ɛMuusaa gha kaa yɔng ɛ sɛ yɛɛs ndɔ ɛzay ya.”

ɛYohana 16:14

iPhɛ sɛ tɔɔrek ito-ndiinday nge daa ɛli ne iphɛ sɛ bo nikɔn na ne nggɛ bol iphɛ tɔng nyini.

ɛYohana 12:13

Nibhɛ ne tang izezeres nibhɛ phɛɛs ne sɛ ɛbhɛ nɛ, nibhɛ tɔɔk izɔlɔs, nibhɛ dɛp ɛTaanggbey ye, nibhɛ bo, “Hosana! ɛHaa ɛwɛng ngaa nggyɛy ne ɛ kɛ yɛɛs ndɔ ne irywɛɛk ɛTaanggbey yo! ɛGɔm niSɛrɛla gha soye ɛhaa ɛwɛng.”

ɛYohana 4:21

ɛYɛso gha ne yɔngɔ, “ɛGyinɛ ɛNyɛn ɛɛy, nang ne itin nɛ ne ibol de ne nzi tɔng ngɛ wo, nten yaaso ne sɔng ninyi na sɛ ta bhɛ re ɛTaa yegha ntsong ngga ne ɛwarang ngo nang, sɔng nibhɛ sɛ ne ta re ɛbhɛ ne iYɛrushɛlɛm nang.

ɛLuka 19:38

Nibhɛ bo, “Te sit ɛgɔm ma ne ɛ kɛ yɛɛs ndɔ ne irywɛɛk ɛDaray yo nɛ ɛwɛng. Kɛ ne sɛ irway ne laal ɛdaa ne irywa ne ito-ndiinday daa Nyu ne irywa.”

ɛMarakus 11:9

Ninaa nɛ nibhɛ so ɛyisɛ, nɛ ninaa nɛ nibhɛ so ɛtsim ne i tabha ikpiil nibhɛ bo, “Hosana” “Te nang ɛTaanggbey yegha ne ndiinday!” “Te ɛTaanggbey ya sit ɛnyi gha ne ɛ kɛ yɛɛs ndɔ ne irywɛɛk ɛHaa ne Inat to ne ɛwɛng!”

ɛMacu 21:9

ɛGbaang ne idira ninyi wo nɛ nibhɛ so ɛyisɛ ɛYɛso gha gbik ninaa nɛ nibhɛ so ɛtsim ɛbhɛ gha ne tɔk izɔlɔs nibhɛ bo, “Hosana ne ɛNgɔn ɛDoda gha! ɛHaa ɛwɛng ngaa nggyɛy ne ɛ yaaso ndɔ ne irywɛɛk ɛDaray yo. Hosana ne ɛTaanggbey ɛdaa nyu ne irywa!”

ɛMacu 21:5

“Mɔng ɛn ninyi ne iSihiyɔɔna na, ‘ɛGɔm mon nɛghaa ɛ yaaso! Ɛ so lyaak, ɛ kɛ taay daa ɛjaakyi, daa ɛngɔn ɛjaakyi ne ɛ sonɛ.’ ”

ɛMacu 11:4

ɛYɛso gha ne kyii nɛ, ne ɛ yaak nibhɛ, “Kyii ɛn te ɛbhɛ tɔng ɛn ɛYohana yegha ɛkɔn na ne ɛ kɛ phok ɛn ɛ ta yaang ɛn no.

ɛMacu 11:10

Ɛbhɛ ɛ so ɛnyi gha ne kɛ haa ibol ɛbhɛ de ndɔ ne ɛWee ne iBol ɛTaanggbey yo i bo; ‘Naa tom ɛngɔn ne tom nge ɛ ho ɛyisɛ mo, ɛbhɛ aa bhɛ ryɔng ngɛ ɛnkiinɛ mo wo nyɛɛn.’