ɛMacu 11:29 - ɛWee ne ìTsɛm iHywas

²⁹ Nang ito mon ndɔ ne ikpii nge da tɛ nɛ mɛmɛ ɛn nɛ ne mee. Nzo lyaak, ne n da so hywɛɛ, aa ne sɛ ɛn ifɔng ndɔ ne irway mon.

ɛMacu 11:29 ပူးပေါင်းရင်းမြစ်များ

1 ɛYohana 2:6

Gbik ɛnyi gha ne ɛ bo wu so ndɔ ɛTaanggbey ya, iphɛ ne so nggbinggbing ɛ hyel ihywel da ɛli ne ɛYɛso ɛKiriti gha kɛ hyel lo.

ɛYohana 13:15

Nggɛ tɔɔrek nyini ɛkɔn ne aa mɔn ɛn, te ɛ ma mɔn ɛn ɛli ne nggɛ mɔn nyini nɛ wo.

ɛMacu 7:24

“iPhɛ ɛlɛy, ɛhiha ɛnyi ne ɛ kɛ tenes ivol lɛdaa wo, ɛ ji mɔn ɛtomɛ ne ifɛ, ne ɛ so te ɛnyi ɛntsɛntsɛng ne ɛ kɛ lɔl ijwee ɛbhɛ daa ne ɛphang.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

iFilibi 2:5

Te icwas mon da ma so ihywee ne icwas ɛYɛso ɛKiriti da.

ɛMacu 21:5

“Mɔng ɛn ninyi ne iSihiyɔɔna na, ‘ɛGɔm mon nɛghaa ɛ yaaso! Ɛ so lyaak, ɛ kɛ taay daa ɛjaakyi, daa ɛngɔn ɛjaakyi ne ɛ sonɛ.’ ”

2 iKɔrɔntos 10:5

Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

1 iTasɔlɔnika 4:2

Daa ɛli ne ˆɛ yɛɛ ɛn ɛkɔn na ne njwi kɛ mɛmɛ nyini nɛ wo le ɛlɔ ɛDaray ɛYɛso.

ɛYohana 13:17

ɛLyilyɛghaa wo ne ˆɛ kɛ seng ɛn nikɔn nɛnaa wo, ˆaa ne sɛ ɛn ɛwɛng wu ɛ kɛ mɔn ɛn nibhɛ.”

ɛMacu 17:5

Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

2 iTasɔlɔnika 1:8

Ɛ sɛ ne baasek ninyi na nɛ nibhɛ mbaray tang seng ɛTaanggbey yegha nggbang, gbik nɛ ninaa nɛ nibhɛ kɛ mbaray tang roos iBol iYɛnɛng ɛDaray njwɛɛn ɛYɛso gha.

1 iKɔrɔntos 9:21

I ne sɛ nzo ɛlɔ ninaa nɛ nibhɛ sang so niYahodawa na, ne iMɛmɛ ɛMuusaa da sang bok ito de daa nibhɛ wo, ne ma n te tɛ nibhɛ te nzɛ n hɔ ninaa ne iMɛmɛ ɛMuusaa da sang bok ito de daa nibhɛ wo. Gbik ne iphɛ ɛlɛy sɔng i bo wu hang nzi roos ikpii ɛTaanggbey ba nang, kwa, nzo me ɛhaa ne roos ikpii ɛKiriti da ririk.

ɛTomɛ 7:37

Ne ta so ɛMuusaa ɛdaan kɛgha wo ne ɛ kaa yaak ninyi niSɛrɛla na, ‘ɛTaanggbey ya sɛ tom nyini ne ɛdɛ ɛNɛbi gha te mee wo, ɛ sɛ ne so ɛdɛ ɛnyi mon na.

ɛLuka 8:35

Ninyi na ne phɛ, tɛ nibhɛ bhɛ yaang ɛkɔn na ne ɛ kɛ te wo. Kɛ ne sɛ nibhɛ kɛ phɛ ɛlɔ ɛYɛso gha, nibhɛ ne bhɛ sɛ ɛnyi gha nɛ niphoo na kɛ wuru ndɔ ɛbhɛ wo kɛ soos ne itiita ɛYɛso de, ɛ bok ɛtura ne ibek ɛbhɛ, ihywɛɛ ɛbhɛ kɛ bhɛ kyii. Ninyi na ne wum ɛnik.