ɛMacu 11:23 - ɛWee ne ìTsɛm iHywas

²³ iGyɛ wo lɛɛ? iKafanahum, ɛ ji wɛɛ te sɛ tɔɔk kɛ daa ne irywa naa? Kwa! Sɛ yang cwaak kɛ ndɔ ɛtata ɛlɔ ne ikpom ma. Sɛɛ yɔng kɛ mɔn ihywee nikɔn ne kparat de ne kɛ mɔn ndɔ ne igyɛ ɛgarang ne iSɔdɔm, ninaa ne iSɔdɔm na saa ne shɛɛ nɛ ɛbhɛ hɔn izenge.

ɛMacu 11:23 ပူးပေါင်းရင်းမြစ်များ

ɛMacu 4:13

ɛYɛso gha kaa ne tek iNazarat de ɛ phɛ ɛgarang ne iKafanahum ne ɛ so cɛcɛk ne ɛling nga. ɛGarang ngɛghaa nggyɛ wo kaa ne soye ɛgyeng ne ivel ne iZɛbalun ne iNatali.

Nikɔn ne kɛ Phaal 11:8

Sɛ ne tek ikpom nibhɛ da ne ɛnkiinɛ ɛgbaang ɛgarang ngo ne kaa ma gangat ɛndiinday nibhɛ gha nɛ wo. I ten ɛgbaang ɛgarang ngɛwoo nggyɛ wo ne iSɔdɔm, ne iMasad.

ɛYahuza 1:7

Ne ˆɛ taate ɛn ne iSɔdɔm ne iGomora wo gbik ne ɛbyin nigarang nga nɛ nibhɛ so cɛcɛk nɛ nibhɛ wo. Ninyi nilɔ yɛnaa nggyɛ wo kaa ma ra nzangas de, nibhɛ roos ihyop ne ibek ge ne hame iphɛ so cɛcɛɛy ɛli ne ɛTaanggbey kɛ ryɔng ngo, ɛTaanggbey ya na bak nibhɛ nggbang ne inat te iphɛ teye ɛkɔn ne njwɛɛn yaa mɛmɛ nɛ.

ɛTomɛ 2:27

Sɔng ɛTaanggbey ya sɛ tek iken nge de ndɔ ne ikpuu da nang. N so ɛnyi ne nzi roos ɛbhɛ ne irway nge gbik. Sɔng ɛ sɛ ne tek ibek nge de iphɛ sa nang.

ɛLuka 14:11

Gbik ɛnyi gha ne ɛ kɛ tɔɔk ito ɛbhɛ de, yaa ne tɔmɔsek ɛbhɛ, ɛhaa ne ɛ kɛ ne laasek ito ɛbhɛ de nang yaa ne tɔɔk ɛbhɛ.”

ɛMacu 16:18

Nzi ne tɔng ngɛ igyɛ ne ɛ soyɛ ɛBiturus, ɛ soye ɛphang, daa ne ɛphang ngɛwoo wo ne nzɛ ne lɔl ne idira ninaa ne roos nge de. Sɔng iku sɛ ne phyin iphɛ ne ihwet tang.

ɛMacu 8:5

Kɛ ne sɛ ɛYɛso gha kɛ bhɛ lel ndɔ ɛgarang ne iKafanahum, ɛdɛ ndiinday Nisooja ne iRooma na ne yɛɛs ɛlɔ ɛbhɛ, ɛ roro ɛbhɛ iphyik,

ɛLuka 16:23

ɛNyi yɛghaa nggyɛ wo ne so ne ijwee ne igboo ɛ sɔ nggbang. Ne ɛ waal ito ne ɛ shii yaang ɛBaraying nge, ɛLaazaru gha ji so cɛcɛk ne ɛbhɛ.

ɛLuka 4:23

ɛYɛso gha ne yaak nibhɛ, “Nzi yɛɛ aa boote ɛn mɛɛn ibol de ne iphɛ bo, ‘Te ɛhaa ne ihwal la te ito ɛbhɛ ɛken!’ Aa ne ta yaak ɛn mɛɛn wu te mɔn nikɔn ne kparat ta ndɔ ɛgarang nge gha, ne ɛ kɛ phok ɛn nggɛ mɔn ne ivel ne iKafanahum ma.”

ɛMacu 17:24

Kɛ ne sɛ ɛYɛso gha nɛ ninɔn ne icwam ɛbhɛ ne kɛ tuu iKafanahum, ninaa ne saasel ijam ne ideng ngge ne yɛɛs ɛlɔ ɛBiturus sa, nibhɛ phom ɛbhɛ nibhɛ yɔngɔ, “ɛKyɛɛ ne icwam mon na i tal ijam ne ideng nggee?”

ɛMacu 10:15

Nzi ne tɔng nyini itin nɛ, sɛ ne san iyɔm ɛgarang ne iSɔdɔm gbik ne iGomora i phyin ɛgarang ngɛghaa nggyɛ wo ɛtuk ɛshara gha.

ɛLuka 10:15

Nyinɛn ninaa ɛgarang ne iKafanahum mo, ɛ ji wɛɛ ɛn te sɛ bhɛ yinɛ nyini daa ne irywa wo naa? Kwa! sɛ́ bhɛ cwaak nyini ɛtata ɛlɔ ne ikpom.

ɛTomɛ 2:31

ɛDoda gha kaa ne ku i yɛɛ ɛlɛ wo, iphɛ phɛ ne te ɛDoda yegha ɛ bol ibol ne yilitsik ne ikpuu ɛKiriti da, ɛ yɔngɔ wu hang ɛ kɛ bol ɛ yɔngɔ, ɛTaanggbey ya sɛ tek ibek ɛbhɛ de ɛtata ɛlɔ ne ikpom ba, wu hang iphɛ sɛ sa wo.

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

Nikɔn ne kɛ Phaal 6:8

Ne nyɛɛn, ne n yaang inantse ne ihywɛ kɛ haatel te ɛtura ne igbey kɛ tang inɛn ne. I bok ɛsaa yɛ iKu, ɛLɔ ne iKpom ne i kungus ɛbhɛ ɛtsim. Ne nang nisaa yɛnaa nggyɛ wo ito tɛ nibhɛ bo ihywa, ne iyɔm, ne ishwa igywebhe, gbik ne ᐩinyam ɛhay nibhɛ phobho ne ihop idaan ndɔ ne ihop nwaas ɛzay de.

Nikɔn ne kɛ Phaal 20:13

ɛLing nga tul ikpom ba ne ifɛ so ndɔ ɛbhɛ wo. iKu de gbik ne ɛlɔ ne ikpom ma ne ma tul ikpom ba ne ifɛ so ndɔ nibhɛ wo. Ne ji bol ɛrɔngɔ ɛshara gha kancɛng ne ɛkɔn na ne ɛ kɛ mɔn.