ɛMacu 11:13 - ɛWee ne ìTsɛm iHywas

¹³ Ninabawa na gbik ne iMɛmɛ ɛMuusaa da kaa tɔng bol igbɔm ɛTaanggbey de nyɛɛn ɛYohana gha kyi yɛɛs.

ɛMacu 11:13 ပူးပေါင်းရင်းမြစ်များ

iRooma 3:21

ɛLyilyɛghaa wo, ɛTaanggbey ya kɛ ne ji phaal njwɛɛn ɛdɛ nkiinɛ wo ne ɛ sɛ say njwɛɛn nɛ wu njwɛɛn so cik ko. Sɔng i ne sɛ icik kɛdee wo lenɛ ne kɛ roos iMɛmɛ ɛMuusaa nang, gbik ne iphɛ ɛlɛy, ɛMuusaa gha nɛ ninabawa na kaa ne ma ku tɔɔrek wu ɛnkiinɛ yɛwoo wo yaaso.

ɛTomɛ 13:27

Sɔng ninyi ne iYɛrushɛlɛm na nɛ nindiinday nibhɛ na kaa yɛɛ te ɛYɛso gha bhɛ so ɛhaa ne phɔt ninyi na nang. Sɔng nibhɛ ne ta seng ibol ninabawa de ne i tɔng cɛcɛɛy Nituk ne iWɛsɛ na nang. Nibhɛ kaa ne shwaak ibol de nɛ ninabawa na kaa ku bol lo nten de nɛ nibhɛ kɛ phoo ɛYɛso yegha.

ɛLuka 24:44

Ne ɛ yaak nibhɛ, “iBol lɛdee wo ne nggaa mɔng nyini ɛli ne nggaa tɔ ne nyinɛn no: iPhɛ so nggbinggbing i shwaak nikɔn na ne kɛ haa daa ne ito nge de ndɔ iMɛmɛ ɛMuusaa da ninabawa na ma ta haa wo, i kyii ta haa ndɔ ne ɛWee ne iGhel lo.”

ɛLuka 24:27

ɛYɛso gha ne ji kpɛl nibhɛ ɛkɔn na ne ɛWee ne iBol ɛTaanggbey yo kɛ bol daa ne ito ɛbhɛ de. Ɛ kaa tsa ne ɛkɔn na ne ɛMuusaa kɛ bol ɛ phyii bhɛ hɔn ne ɛhaa nɛ ninabawa na kɛ ma bol lo.

ɛMacu 11:12

Kaa ne ku nten ɛYohana ne Yaak ne iBatisima de i phyii hɔn izenge wo, igbɔm ɛTaanggbey da i ne sɔ nggbang, ninaa ne baasek nggbang ngga nibhɛ bhɛ tɔk tɛ nibhɛ sɛɛ phɔt igbɔm ɛTaanggbey da ne ihwet.

ɛMacu 11:14

Wu ɛ kɛ ne sim ibol nibhɛ de, ɛYohana gha ɛbhɛ ne ɛ soye ɛnyi gha ne kaa mɔng ibol ɛbhɛ de wu ɛLiya gha sɛ yɛɛs so.