ɛMacu 11:12 - ɛWee ne ìTsɛm iHywas

¹² Kaa ne ku nten ɛYohana ne Yaak ne iBatisima de i phyii hɔn izenge wo, igbɔm ɛTaanggbey da i ne sɔ nggbang, ninaa ne baasek nggbang ngga nibhɛ bhɛ tɔk tɛ nibhɛ sɛɛ phɔt igbɔm ɛTaanggbey da ne ihwet.

ɛMacu 11:12 ပူးပေါင်းရင်းမြစ်များ

ɛLuka 16:16

“Kaa ne sanga ibol ɛShara ɛMuusaa de ne idee niNabawa de phyii bhɛ hɔn nten ɛYohana, ne ji le ɛnggyɛ wo, ne yaa tɔng ibol iyɛnɛng ne iGbɔm ɛTaanggbey da, ɛrɔngɔ ne yɛk ne ɛhyɛhyɛk ne lel nɛ ndɔ yɛ.

ɛLuka 13:24

“Maa Kyanke nyini nɛ, ɛ lel ɛn ɛnu ne izuk ɛnggbyak ka, daa ɛli nɛ ninyi na gbom sɛ tɔk tɛ nibhɛ sɛ nibhɛ lel ɛnggyɛ wo, sɔng nibhɛ sɛ ne yɛɛ nɛ nang.

iFilibi 2:12

iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.

ɛYohana 6:27

Sɔng ɛ tak ɛn iyɔm be daa ɛtomɛ ne tɔk ire de ne iphɛ sɛ́ bɛɛs se wo nang, yang tak ɛn iyɔm be daa ɛtomɛ ne tɔk ire de ne iphɛ i nang iken ne inat de. iRe yɛdee nggyɛ wo ne ɛNgɔn ɛNyi gha yaa ne nang nyini, daa ɛli ne ɛTaanggbey ne ɛ so ɛTaa bhɛ kɛ sim ɛbhɛ nɛ te ɛ mɔn ɛlɛy.”

ɛMacu 3:15

ɛYɛso gha ne kyii nɛ ɛ yɔngɔ, “Te iphɛ ne te ɛlɛy ɛlyilyɛghaa wo te ne shwaak nikɔn na nɛ nibhɛ ku so cik ko ɛli ne ɛTaanggbey ya sim mo.” ɛYohana gha ne ji sim ɛ yɛk ɛYɛso yegha ne ibatisima de.

ɛMacu 11:11

“Nzi tɔng nyini itin nɛ, gbik ɛnyi gha ne ɛkuk kɛ yɛk ɛbhɛ, ɛYohana ne Yaak ne iBatisima gha ne phyin ɛbhɛ. Gbik ne iphɛ ɛlɛy, ɛnyi gha ne ɛ kɛ ne taasek gbom ndɔ igbɔm ɛTaanggbey, ne ɛ phyin ɛbhɛ.

ɛMacu 11:13

Ninabawa na gbik ne iMɛmɛ ɛMuusaa da kaa tɔng bol igbɔm ɛTaanggbey de nyɛɛn ɛYohana gha kyi yɛɛs.