ɛMacu 11:11 - ɛWee ne ìTsɛm iHywas

¹¹ “Nzi tɔng nyini itin nɛ, gbik ɛnyi gha ne ɛkuk kɛ yɛk ɛbhɛ, ɛYohana ne Yaak ne iBatisima gha ne phyin ɛbhɛ. Gbik ne iphɛ ɛlɛy, ɛnyi gha ne ɛ kɛ ne taasek gbom ndɔ igbɔm ɛTaanggbey, ne ɛ phyin ɛbhɛ.

ɛMacu 11:11 ပူးပေါင်းရင်းမြစ်များ

ɛLuka 7:28

ɛYɛso ne ta yɔngɔ, “Nzi tɔng nyini, gbik ɛnyi ne ɛkuk kɛ yɛk ɛbhɛ, ɛYohana gha phyin. Gbik ne iphɛ ɛlɛy, ɛnyi gha ne ɛ kɛ ne taasek gbom ndɔ ne igbɔm ɛTaanggbey ba, ne ɛ phyin ɛbhɛ.”

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

ɛYohana 1:15

ɛYohana kaa ne tɔng ninyi na ibol ɛbhɛ. Ɛ kaa tɔɔk izɔlɔs, ɛ yɔngɔ, “ɛNyi yeghaa bɛ ne nggaa bol ibol ɛbhɛ de ɛli ne ngga yɔngɔ, ‘Ɛ sɛ yɛɛs ɛtsim nge, gbik ne iphɛ ɛlɛy ne ɛ phyin me, daa ɛli ne ɛ ku sonɛ ɛyisɛ nge.’ ”

ɛMacu 5:19

ɛHiha ɛnyi ne ɛ kɛ mbaray ɛdɛ kyikyɔnɔ ncɛt ndɔ ne ikpii da, ɛ ma ta mɛmɛ nihak ngɛ tɛ nibhɛ mɔn ɛlɛy, ɛ sɛ ne bhɛ teye ɛtsim mɛ ne igbɔm ɛdaa ne irywa da, ɛhiha ɛnyi ne ɛ kɛ ne roos, ɛ ma ta mɛmɛ nihak ngɛ tɛ nibhɛ ma mɔn ɛlɛy ɛ sɛ ne bhɛ teye ɛgbaang ngɛ ne igbɔm ɛdaa ne irywa da.

ɛMacu 3:11

Nzi yaak nyini ne ibatisima de ne inɛn te i tɔɔrek wu ɛ kɛ san ɛn ɛbɔk ka. Ɛdɛ ɛnyi gha ne yaaso, ɛtsim nge ne ɛ phyin me, sɔng nggɛ ma yung hɔn nzɛɛ boos ɛbhɛ ikpikpangat ɛbhɛ nang. Ɛbhɛ ɛ sɛ ne ji yaak nyini ne ibatisima idee ne iKabyik ɛTaanggbey ne igboo.

ɛLuka 9:48

Ne ɛ ji yaak nibhɛ, “ɛHiha ne ɛ kɛ say ɛnyinyɔn neghaa lenɛ ne irywɛɛk nge wo, mee ne ɛ kɛ say. ɛHiha ne ɛ kɛ ne say me wo, ɛ kɛ ne ma say ɛnyi gha ne ɛ kɛ tom me. ɛNyi gha ne ɛ kɛ taasek ɛ shɛs ndɔ mon no, ɛbhɛ ne ɛ phyin nyini ne igbom be.”

1 ɛBiturus 1:10

Daa ne ibol ne iphɔrɔt tɛdee wo, ninabawa na nɛ nibhɛ kaa tɔng ibol lɛ wo kaa bo nten nibhɛ phɛl iphɛ tɛ nibhɛ seng ibol ne izɛɛng ngɛdee wo ne ɛTaanggbey ya sɛ nang nyini wo.

iBirani 11:40

daa ɛli ne ɛTaanggbey ya kɛ ku ryɔng njwɛɛn ɛdɛ ɛkɔn ɛyɛnɛng nga, te njwɛɛn no nɛ nibhɛ wo sɛ te hyɔrɔ nten idaan nɛ.

1 iKɔrɔntos 15:9

Mee nggɛ taasek n shɛs ndɔ ninɔn ne tom ma gbik, sɔng nggɛ ma yung hɔn ɛli ne sɛ yaak me ɛngɔn ne tom ma nang, daa ɛli ne nggɛ baasek idira ninaa ne roos ɛTaanggbey de nggbang.

1 iKɔrɔntos 6:4

Wu ɛ bok ɛn ihywee ivol ndɔ ɛzay yɛdaa wo, ikyee iphɛ yaa ne te ɛ phɛ ɛn nɛ ɛlɔ ninyi na ne hame ninaa ne roos sa i yɛɛ nibhɛ woo?

ɛYohana 10:41

Ninyi gbom ne phɛɛs ɛlɔ ɛbhɛ gha, nibhɛ ne yɔngɔ, “Sɔng ɛYohana gha kaa mɔn nikɔn ne kparat tang, gbik ne iphɛ ɛlɛy, nikɔn na ne ɛ kaa ne bol daa ɛnyi yɛghaa wo ne so itin nɛ.”

ɛYohana 3:30

iPhɛ ne so nggbingbing ɛYɛso gha hanas se nɛ, mee wo ne ji i tɛbhɛ me.

ɛYohana 5:35

ɛYohana gha kaa so te ɛPitila ne ɛbhɛ kaa re ɛbhɛ naas iwɛwɛy, ne ɛ sim ɛn aa roos ɛn iwɛwɛy yɛ ɛ phok ɛn iyɛnɛng ngɛ ndɔ ne nten ncɛt.

ɛYohana 1:27

Ɛbhɛ yaaso ɛtsim nge. Sɔng nggɛ ma yung hɔn nzɛ biri ɛbhɛ irwik ne ikpikpangat nang.”

ɛYohana 7:39

ɛYɛso gha kaa ne i bol ibol ne iKabyik nɛ ninaa ne nang ne itin na sɛ kyii mɔn nibhɛ sɛ. Nten nɛdee nggyɛ wo nang, sɔng kaa ku nang iKabyik ge nang, daa ɛli ne kaa kyi tɔ tang tɔɔk ɛYɛso yegha ndɔ ne ndiinday.

iFisus 2:3

Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.

2 ɛTimɔti 1:10

ɛLyilyɛghaa wo, kɛ ne ji phaal iphɛ lenɛ ne yɛɛs ɛHaa ne Phɔt njwɛɛn, ɛYɛso ɛKiriti. Ɛbhɛ kɛ ba iku de, kɛ ne ta lenɛ ne sanga ibol iyɛnɛng ngge ne phaal njwɛɛn ishwɛɛ ne iken ne iphɛ i sang ku wɛsɛrɛk.

ɛLuka 1:15

Ɛ sɛ so ɛgbaang ɛnyi ɛnu ɛyisɛ ɛDaray ya. Sɔng ɛ sɛ ne sɔ inɛn nzɔwɔkɔk nang, sɔng nɛ ɛ ta sɔ idee ne iphɛ yaa te ɛbhɛ ito ziizii nang. Sɛ ne yɛk ɛbhɛ ne iKabyik ɛTaanggbey hyɔrɔ ne ile ne ne shesheng ɛbhɛ.

ɛMacu 3:1

Nten nɛ de nggyɛ wo ɛYohana ne Yaak ne iBatisima gha kaa ne yɛɛs ɛ shɛɛ ndɔ ɛhay iYahudiya gha ɛ ji sanga ibol ɛTaanggbey de,

ɛMacu 11:10

Ɛbhɛ ɛ so ɛnyi gha ne kɛ haa ibol ɛbhɛ de ndɔ ne ɛWee ne iBol ɛTaanggbey yo i bo; ‘Naa tom ɛngɔn ne tom nge ɛ ho ɛyisɛ mo, ɛbhɛ aa bhɛ ryɔng ngɛ ɛnkiinɛ mo wo nyɛɛn.’

ɛMacu 11:12

Kaa ne ku nten ɛYohana ne Yaak ne iBatisima de i phyii hɔn izenge wo, igbɔm ɛTaanggbey da i ne sɔ nggbang, ninaa ne baasek nggbang ngga nibhɛ bhɛ tɔk tɛ nibhɛ sɛɛ phɔt igbɔm ɛTaanggbey da ne ihwet.