ɛMacu 11:1 - ɛWee ne ìTsɛm iHywas

¹ Kɛ ne sɛ ɛYɛso gha kɛ taal ivol lɛdaa wo nɛ ninɔn ne icwam ɛbhɛ ɛnduwubɔ nɛ nibhɛ ifaa na, ne ɛ tek ɛlɔ yɛghaa nggyɛ wo, ɛ phɛ ndɔ nigarang nga nɛ nibhɛ so cɛcɛk ɛnggyɛ ɛbhɛ mɛmɛ ninyi na nɛ, ɛ ta sanga ibol iyɛnɛng ngge.

ɛMacu 11:1 ပူးပေါင်းရင်းမြစ်များ

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.

ɛLuka 8:1

ɛTsim mɛ ɛlɛy, ɛYɛso gha ne leesel ndɔ nigarang nga nɛ nigyigyaarang ɛ tɔng ibol iYɛnɛng ne igbɔm ɛTaanggbey de. Ninɔn ne icwam ɛbhɛ ɛnduwubɔ nɛ ninyi ifaa na kaa ne i kungus ɛbhɛ,

ɛMacu 9:35

ɛYɛso gha roos nigarang ne ndiinday ya nɛ nishɛɛrɛng ngɛ gbik, ɛ leesel ne idee ne itsɔɔy da, ɛɛ mɛmɛ nibhɛ nɛ, ɛ tɔng ibol iyɛnɛng ne igbɔm be, ɛ ta tes ninaa nɛ nibhɛ bok ishwa de ihywee-ihywee niken gbik.

2 iTasɔlɔnika 3:10

ɛTsak, ɛli ne njwi kaa sonɛ nyinɛn no, njwi kaa ne i bol ne nyinɛn, njwii bo, “Gbik ɛnyi gha ne ɛ mbaray tang mɔn ɛtomɛ gha, sɔng ne nang ɛbhɛ ire nang.”

2 iTasɔlɔnika 3:6

Nigwaa en njwii bol ne nyinɛn ndɔ irywɛɛk ɛDaray njwɛɛn ɛYɛso ɛKiriti wu te ɛ shɛɛ ɛn kyaam ne gbik ɛhiha ɛgwaa ne ɛ bok itek ge ɛ ta sang shɛɛ ihywee ne imɛmɛ da ne ˆɛ kɛ say ɛn ɛlɔ mos sa.

1 iTasɔlɔnika 4:2

Daa ɛli ne ˆɛ yɛɛ ɛn ɛkɔn na ne njwi kɛ mɛmɛ nyini nɛ wo le ɛlɔ ɛDaray ɛYɛso.

ɛTomɛ 10:42

ɛYɛso gha kaa ne yɛk njwii nɛ te njwi tɔng ninyi na ɛnu ne bol ɛbhɛ gha, te njwi ta tɔɔrek nibhɛ wu ɛYɛso gha ne ɛTaanggbey ya kɛ kasa, ɛbhɛ sɛ bol ninyi na nɛ nibhɛ kɛ kus nɛ ninaa nibhɛ sonɛ niken na ɛshara.

ɛTomɛ 1:2

Phyii bhɛ hɔn igbey yo ne ɛTaanggbey ya kɛ bo ɛbhɛ ɛ phɛ nɛ dak ne irywa, ɛtsim mɛ ne ɛ kɛ mɔng ninɔn ne tom ɛbhɛ na ɛkɔn na nɛ nibhɛ yaa mɔn lenɛ iKabyik ɛTaanggbey de.

ɛYohana 15:14

Wu ɛ kɛ mɔn ɛn ɛkɔn na ne nggɛ yɛk nyini nɛ wo, ne ɛ so ɛn nitaay nge.

ɛYohana 15:10

Wu ɛ kɛ roos ɛn ikpii nge da, aa ne shɛɛ ɛn ndɔ ne ishwim nge da, ɛli ne nggɛ roos ikpii ɛKyɛɛ nge da n da shɛɛ ndɔ ne ishwim ɛbhɛ da.

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

ɛMacu 7:28

Kɛ ne sɛ ɛYɛso gha kɛ taal ivol lɛdaa wo, idira de wum ɛnu zii daa ne imɛmɛ ɛYɛso da,

ɛMacu 4:23

ɛYɛso gha ne kaan ne ivel ne iGalili da gbik, ɛ mɛmɛ ninyi na nɛ ndɔ ne idee ne itsɔɔy niYahodawa na, ɛ tɔng nibhɛ ibol iyɛnɛng ne igbɔm ɛTaanggbey da, ɛ ta tes nishwa nɛ ninaa ne irɔ niken.

1 ɛTimɔti 6:14

Nzi bok kɛ te ˆɛ roos ikpii ne ivol lɛdaa wo gbyak tang ɛkɔn ne tok ne irwirwik, ɛDaray njwɛɛn ɛYɛso ɛKiriti gha phyii bhɛ kyii.

ɛMarakus 6:12

iPhɛ ɛlɛy yang, ninɔn ne icwam ma ne leesel ndɔ nigarang nga nibhɛ sanga ibol ɛTaanggbey de, nibhɛ bok ninyi na wu tɛ nibhɛ san ɛbɔk.

ɛLuka 23:5

Nibhɛ ne jung re ɛnu ɛyisɛ nibhɛ yɔngɔ, “Lenɛ ne mɛmɛ ɛbhɛ da ɛ kɛ te ninyi ne ivel ne iYahudiya na yɛk ishishim. Ɛ kɛ tsa ɛkɔn neghaa wo ne iGalili, ɛbhɛ ghaa kɛ ne i hɔn ne ɛbɛ.”