ɛMacu 10:8 - ɛWee ne ìTsɛm iHywas

⁸ Tes ɛn ninaa nisha na niken, semese ɛn ninaa nibhɛ kɛ kus so, tes ɛn nikparong wɛwɛy, tuul ɛn ikpabyik ivebhe da ndɔ ninyi na nɛ nibhɛ bok ko. Sɔng ɛ kɛ tal ɛn ɛkɔn kyi nang nyini nang, sɔng aa ne ma say ɛn ɛkɔn ɛ kyi nang ɛn nang.

ɛMacu 10:8 ပူးပေါင်းရင်းမြစ်များ

ɛTomɛ 3:6

ɛBiturus sa ne yaak ɛbhɛ, “Sɔng n bok ijam, ne ɛzurufa, ne izinariya nang, gbik ne iphɛ ɛlɛy, naa ne nang ngɛ ɛkɔn na ne n bok. Ndɔ ne irywɛɛk ɛYɛso ɛKiriti ne iNazarat, nzi bok kɛ yilitsik te ɛ hyel.”

ɛTomɛ 4:30

Tɔɔrek igbom mo tes nisha na niken, te tɔɔrek nyu nikɔn ne kparat nɛ nikɔn ne ɛnik lenɛ ne irywɛɛk ɛkpuru mo ɛYɛso ɛKiriti ne ɛ so kang.”

ɛLuka 10:9

Tes ɛn ninaa nisha ɛgarang ngɛ niken; ɛ yaak ɛn ninaa ɛgarang, ‘iGbɔm ɛTaanggbey ba so cɛcɛk ne nyinɛn.’

ɛMacu 10:1

ɛYɛso gha ne yel-le ninɔn ne icwam ɛbhɛ ɛnduwubɔ nɛ nibhɛ ifaa na, ɛ nang nibhɛ igbɔm nɛ nibhɛ yaa bhɛ tuul ikpabyik ivebhe, nibhɛ ta tes ninaa nishwa na ihywee-ihywee niken gbik.

ɛMarakus 16:18

Wu nibhɛ kɛ ne phyii wumus izɔ igywebhe, sɔng ihywɛ sɛ ne mɔn nibhɛ ne ɛkɔn nang. Wu nibhɛ kɛ re irɔ, sɔng ifɛ ne ma ta mɔn nibhɛ ne ɛ ɛkɔn nang. Nibhɛ sɛ ne i darat nishwa nibhɛ tes nibhɛ niken.”

ɛMacu 10:7

Ya sɛ ɛ kɛ phɛ ɛn no, tɛ nɛ ɛbhɛ tɔng ɛn ibol lɛdee bɛ, ɛ yɔngɔ ɛ: ‘iGbɔm ɛdaa ne irywa da yek cɛcɛk.’

ɛMacu 10:9

Sɔng nɛ boos ɛn ijam mang, sɔng ɛ me yung boos izinariya, ne ɛzurufa gbik ne itugula nang.