ɛMacu 10:5 - ɛWee ne ìTsɛm iHywas

⁵ Ninyi ɛnduwubɔ nɛ nibhɛ ifaa yɛnaa wo nang, ɛYɛso gha kaa tom nibhɛ ɛ yaak nibhɛ, “Sɔng ɛbhɛ lel ɛn ɛlɔ ninyi na ne hame nibhɛ so niYahodawa na nang, sɔng ne ɛbhɛ lel ɛn ɛgarang ninyi ne iSamariya gha nang.

ɛMacu 10:5 ပူးပေါင်းရင်းမြစ်များ

ɛYohana 4:9

ɛKuk ka ne kyii nɛ ɛ yɔngɔ, “Ɛ soyɛ ɛnyi ne niYahodawa ne nzo ɛkuk ne iSamariya, aa ne mɔn ɛlii ɛ phom me inɛn baa?” ɛKuk ka kaa boote ɛlɛ wo ɛli ne sɔng ninyi ne niYahodawa na nɛ ninaa ne iSamariya na kaa bok ìtsɛm mang.

1 iTasɔlɔnika 2:16

Nibhɛ ring njwi ne tɔng ninyi na ne hame nibhɛ soye niYahodawa na ibol iyɛnɛng ngge, ɛlɔ nɛ nibhɛ aa ma yung sɛ iphɔrɔt da. Ɛlɛ wo nɛ nibhɛ ne hanas ne shwaasek ɛgyuuru ne ɛfɔt nibhɛ gha hyɔrɔ. iPhɛ dee njenjek ɛTaanggbey de kɛ ne tɔm daa nibhɛ.

ɛLuka 17:16

Ne ɛbhɛ ho ne itiita ɛYɛso de, ɛ tɔɔl ɛbhɛ irway ihwala. Ɛ kaa ne so ɛnyi ne iSamariya.

ɛTomɛ 10:45

niYahodawa na nɛ nibhɛ soye ninaa ne roos sa nɛ nibhɛ le ne iJoopa de nɛ niBiturus se na, ne wum en zii ɛtsim mɛ nɛ nibhɛ kɛ yaang kɛ ma kɛ ma sit ninyi na ne hame nibhɛ so niYahodawa na ne izɛɛng ne iKabyik ɛTaanggbey de.

ɛLuka 9:2

Ɛ ji tom nibhɛ, tɛ nibhɛ bhɛ tɔng ibol ne iGbɔm ɛTaanggbey ba, nibhɛ ta bhɛ tes nishwa na niken.

ɛTomɛ 1:8

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

ɛYohana 20:21

ɛYɛso gha ne ta yaak nibhɛ, “Te irway ne laal shɛɛ ne nyinɛn! ɛLi ne ɛkyɛɛ gha kɛ tom me wo, nzi ne ma tomos nyini.”

ɛYohana 7:35

niYahodawa na ne yaa bol ndɔ nibhɛ nibhɛ bo, “Ɛ sɛ ji phɛ ɛbii ne hame njwɛɛn sɛ yɛɛ ne phɛ wo lɛɛ? Hang ɛ sɛ yung phɛ ɛlɔ niYahodawa na nɛ nibhɛ sos ne ivel ne iGirik ga, ɛbhɛ mɛmɛ ninyi ne iGirik ka nɛ bɛ?

ɛYohana 4:5

Ne ɛbhɛ tuu ɛdɛ ɛgarang ne iSamariya gha ne i bok ɛbhɛ iSiika. ɛGarang ngɛghaa nggyɛ wo so cɛcɛk ne ihwap ne ɛYakub kaa nang ɛNgɔn ɛbhɛ ɛYisifu ye.

ɛLuka 10:33

Kɛ ne maa so ɛnggyɛ wo, ɛdɛ ɛnyi ne iSamariya gha ne ma roos ɛnkiinɛ ye. Kɛ ne sɛ ɛ kɛɛ tuu ɛlɔ ɛnyi gha, ne ɛ san iyɔm ɛbhɛ.

ɛMacu 4:15

“iVel ne iZɛbalun ne ivel iNatali ndɔ ne iGalili, ne iphɛ so ne ɛnkiinɛ ɛling, ne iWurudun gbik ne, ikpang ne ihywel iYɛrushɛlɛm. iGalili, ivel ninyi nɛ nibhɛ sang so niYahodawa!

ɛTomɛ 8:1

ɛShawulu gha ne sim ɛli ne kɛ phoo ɛSitivin ne gha. ɛTuk kɛghaa nggyɛ wo ɛgbaang nggbang ne sɛ idira ninaa ne roos de nɛ nibhɛ so ne iYɛrushɛlɛm be. Nibhɛ ne tes en shwaa nibhɛ phɛ ne iYahudiya ne iSamariya. Ninɔn ne tom ma zɔng nibhɛ mak ne iYɛrushɛlɛm be.

ɛYohana 8:48

niYahodawa na ne yaak ɛYɛso yegha, “Sɔng ibol mos de so itin nɛ ne njwi kaa yɔng wu ɛ soyɛ ɛnyi ne iSamariya gha, ɛphoo gha ta so ndɔ mo de nang nge?”

ɛYohana 4:20

niKyɛɛ mos sa kaa re ɛTaanggbey yegha ntsong ngga daa ne ɛwarang ngɛwoo nggyɛ, nyinɛn niYahodawa na nang, ɛɛ ne bo ɛn wu iYɛrushɛlɛm iphɛ soye ɛlɔ gha ne yaa bhɛ re ɛTaanggbey yegha ne ntsong ngga.”

ɛLuka 10:1

ɛTsim mɛ ɛlɛy yang, ɛYɛso gha ne karase ninyi na, nzuwubɔ ɛniitaa nɛ ninyi ifaa, ɛ tom nibhɛ; wu tɛ nibhɛ ho ɛyisɛ, nibhɛ hyel ifaa-ifaa, nibhɛ bhɛ leesel ndɔ nigarang nga ne ɛ phɛɛs so.

ɛMacu 22:3

Ne ɛ tom nikpuru ɛbhɛ ɛlɔ ninyi na ne kɛ mɔng nibhɛ idira de wu tɛ nibhɛ yɛɛs, ninyi na ne bhɛ mbaray.

ɛMarakus 6:7

Ne ɛ yel-le ninɔn ne icwam ɛbhɛ, ɛnduwubɔ nɛ ninyi ifaa na, ɛ nang nibhɛ ito ne tuul ikpabyik niphoo, ne ɛ ji byingis nibhɛ ifaa-ifaa ɛ tom nibhɛ.

ɛLuka 9:1

ɛYɛso gha ne yel-le ninɔn ne icwam ɛbhɛ ɛnduwubɔ nɛ ninyi ifaa na ɛlɔ ɛdaan, ɛ nang nibhɛ ito-ndiinday gbik ne igbɔm ne tuul niphoo, tɛ nibhɛ ta tes ninyi niken.

ɛYohana 17:18

ɛLi ne ɛ kɛ tom me ndɔ ɛzay ya, nggɛ ne ma tom nibhɛ ndɔ ɛzay ne mang.