ɛMacu 10:41 - ɛWee ne ìTsɛm iHywas

⁴¹ ɛNyi gha ne ɛ kɛ say ɛnɛbi gha daa ɛli ne ɛ so ɛnɛbi gha, sɛ ne mɔn ɛbhɛ iyɛnɛng ɛli ne yaa ma mɔn ɛnɛbi gha iyɛnɛng gha nɛ wo. ɛNyi gha ne ɛ kɛ ne say ɛnyi ɛcik ka daa ɛli ne ɛ so cik ko, sɛ ne mɔn ɛbhɛ iyɛnɛng ɛli ne yaa ma mɔn ɛnyi ɛcik ka iyɛnɛng ngge.

ɛMacu 10:41 ပူးပေါင်းရင်းမြစ်များ

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

2 ɛYohana 1:8

Wɛɛ ɛn nyini yɛnɛng ɛlɔ ne ˆɛ sɛ yung wɔs ɛn ilong ɛtomɛ mɔn de, te yang bhɛ tal nyini ilong mon de hyɔrɔ.

1 iKɔrɔntos 9:17

Te sɛ yɔng nzi mɔn ɛtomɛ nge gha daa ne kasa nge, sɛ ne mɔn me iyɛnɛng. Daa ɛli ne naa ne sang yɛɛ ne kasa wo nang, nzi ne mɔn ɛtomɛ gha ne ɛTaanggbey kɛ tek me nɛ ndɔ ne iwɔ nge.

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 6:18

ɛli ne hame ninyi na yaa seng wu ɛ kuma ɛn, te ɛKyɛɛ mon na ne ɛ so gying ngo ɛbhɛ seng zɔng; ɛlɛy ɛKyɛɛ mon na ne ɛ wɛɛ nikɔn na ne i mɔn gying ngo, yaa ne nang nyini ilong mon de.

iRooma 16:23

ɛGayus ne ɛ kɛ say me ne ijwee ɛbhɛ wo, ɛ ta saasel ninaa ne roos ne ijwee ɛbhɛ wo i kyiisi nyini. ɛRasatus ne ɛ so ɛhaa ne wɛɛ ijam ne ivel ɛgarang ne iRooma i kyiisi nyini. ɛGwaa njwɛɛn ɛKwaratus sa ne ma kyiisi nyini.

ɛMacu 6:6

Wu aa ne bol ɛn ne ɛTaanggbey ya, cwi ɛbhɛ lel ɛn ndɔ ne iduk mo te ɛ cwaal ɛn ɛlɔ yɛ, ɛ ji roo ne ɛKyɛɛ mo gha ne ɛ so gying ngo, ɛKyɛɛ mo gha ne ɛ wɛɛ ɛkɔn na ne ɛ mɔn gying ngo yaa ne mɔn nɛ iyɛnɛng.

ɛTomɛ 16:15

Kɛ ne sɛ ɛtsim mɛ ne kɛ yɛk ɛbhɛ ne ibatisima nɛ ninaa ne ijwee ɛbhɛ gbik, ne ɛ roo njwii ɛ yɔngɔ, “Wu ɛ kɛ sim ɛn wu nggɛ te me ɛhaa ne roos ɛDaray yegha ɛtsak, nɛ njwi ɛn ɛbhɛ shɛɛ ɛn ne ijwee nge.” Ne ɛ roro ne njwit, njwi ne roos ɛbhɛ njwi phɛ ne ijwee ɛbhɛ wo.

ɛMacu 6:4

te ìnang mo da ne so gying. ɛKyɛɛ mo gha ne ɛ wɛɛ ɛkɔn na ne ɛ mɔn gying ngo yaa ne nang nyini ilong mon de.

ɛMacu 6:1

“Wu aa mɔn ɛn ɛtomɛ ɛyɛnɛng nga, sɔng ne ɛ mɔn ɛn te ninyi na yaang nibhɛ ton nyini wo nang. Wu ɛ kɛ mɔn ɛn ɛlɛ wo, sɔng ɛ sɛ ne sɛ ɛn ɛkɔn ɛlɔ ɛkyɛɛ mon na ne ɛ so dak ne irywa wo nang.

ɛMacu 7:8

Daa ɛli ne ɛhiha ɛnyi ne ɛ kɛ phom mo, yaa nang ɛbhɛ, ɛhaa ne ɛ tɔk ɛɛ ne sɛ, ɛhaa ne ɛ kɛ ne kyinak ɛnu ne izuk ka ɛ yel-le wo, yaa ne phaal ɛbhɛ nɛ.

ɛMacu 25:44

“Nibhɛ sɛ ne ma kyii nɛ, nibhɛ yɔngɔ, ‘ɛDaray, njwi kaa yaang ngɛ ne nggyibhii ɛ so kpyak ko, irway mo da has so, ɛ so yɛ ɛhaa ne kpoo gha, ɛ sang ɛtura wo, ɛ so shwa wo, ɛ ta so ndɔ ne ijwee ne nyang njwi ne shɛɛ tang phyik kɛwoo?’

ɛMacu 25:45

“ɛGɔm ma sɛ ne ma kyii nɛ, ɛ yaak nibhɛ, ‘Nzi tɔng nyini nɛ, ɛli ne ɛ kaa shɛɛ tang mɔn ɛn ɛdɛng ne ɛ kɛ taasek ndɔ ninaa wo, mee ne ɛ kaa ne shɛɛ tang mɔn ɛn mɛɛn nɛ.’