ɛMacu 10:4 - ɛWee ne ìTsɛm iHywas

⁴ ne ɛSimɔn ne ɛ kaa sim ɛgarang ɛbhɛ gbom, ɛYahuza ne iSikɔrɔti. Ɛbhɛ kaa ne kyii mɔɔng ɛ rɛp ɛYɛso yegha.

ɛMacu 10:4 ပူးပေါင်းရင်းမြစ်များ

ɛMacu 26:14

ɛDɛng ndɔ ninɔn ne icwam ɛnduwubɔ nɛ ninyi ifaa ɛYɛso na ne kaa bok ɛbhɛ ɛYahuza ne iSikɔrɔti ne ɛ phɛ ɛlɔ nindiinday nibo niYahodawa na,

ɛYohana 13:2

Nibhɛ kaa ne so ne re ire ɛtuk, ɛlɛy ɛShɛtan na kɛ ku lel ne irway ɛYahuza ne iSikɔrɔti ne ɛ so ɛngɔn ɛSimɔn na, wu te ɛ rɛp ɛYɛso yegha.

ɛYohana 6:71

ɛLɛy, ɛ kaa bol ibol ɛYahuza ne ɛ so ɛngɔn ɛSimɔn ɛSikɔrɔti. ɛYahuza gha kaa ma so ɛdaan ndɔ ninyi ɛnduwubɔ nɛ ninyi ifaa na, ne ɛ kyii mɔɔng ɛ rɛp ɛYɛso yegha.

ɛMarakus 14:43

Kɛ ne sɛ ɛli ne ɛYɛso gha tɔ bol nɛ nibhɛ wo nang, ɛYahuza gha ne ɛ kaa so ɛdaan ndɔ ninyi ɛnduwubɔ nɛ nibhɛ ifaa na ne tuu. Ɛ kaa ne bok idɛ idira ninyi de nɛ nibhɛ kaa bok ihywa ne ncwɛng. Nindiinday nibo ɛTaanggbey, nɛ ninaa ne kpɛl ɛShara gbik nɛ nindiinday ne igbagha bhɛ kaa ne tom ninyi yɛnaa nggyɛ wo.

ɛMacu 26:47

Kɛ ne sɛ ɛYɛso gha ne tɔ ndɔ ne ivol da, ɛYahuza gha ne ɛ kaa so ɛdaan ndɔ ninɔn ne icwam ɛnduwubɔ nɛ ninyi ifaa ɛYɛso gha ne i tuu ne ɛgbaang ne idira ninyi nibhɛ bok ihywa nɛ nikɔn ne itsom. Nindiinday nibo ne niYahodawa na, nɛ nindiinday ne igbagha nibhɛ bhɛ kaa tom nibhɛ.

ɛLuka 22:47

ɛYɛso gha ne tɔ ndɔ ne ivol ba nang iwa ninyi ne wuru, duu, nibhɛ phɛɛs ɛlɔ ɛbhɛ. ɛYahuza ne ɛ kaa so ɛdaan ndɔ ninɔn ne icwam ɛbhɛ na, ɛbhɛ kɛ ne ho ɛyisɛ, ɛ phɛɛs ne nang nibhɛ ɛYɛso yegha. Kɛ ne sɛ nibhɛ kɛ tuu ɛlɔ niYɛso yena nang, ɛYahuza gha ne phɛ ɛlɔ ɛYɛso gha, ɛbhɛ wum ɛbhɛ hap, ɛ kyili ɛbhɛ.

ɛLuka 22:3

ɛShɛtan na ne lel ndɔ ne irway ɛYahuza ba ne i bok ɛbhɛ ɛSikɔrɔti gha ne ɛ so ɛdaan ndɔ ninɔn ne icwam ɛnduwubɔ nɛ ninyi ifaa na.

ɛMarakus 14:10

Kɛ ne so ɛnggyɛ wo nang, ɛYahuza ne iSikɔrɔti gha, ne ɛ kaa so ɛdaan ndɔ ninɔn ne icwam ɛYɛso na, ne phɛ ɛlɔ ne nindiinday nibo ɛTaanggbey ya tɛ nibhɛ bhɛ bol en nɛ, ɛli ne aa nang nibhɛ ɛYɛso yegha.

ɛMacu 27:3

Kɛ ne sɛ ɛYahuza gha, ne ɛ kɛ rɛp ɛYɛso yegha, kɛ yaang ɛli ne kɛ hyɛ ɛYɛso yegha ɛshara ne iku gha, ne ɛ san ɛbɔk daa ɛkɔn na ne ɛ kɛ mɔn no. Ne ɛ bo ijam kyɔsɔk nzuwubɔ icwat da ne kɛ ryɔng ne ɛzurufa wo gha ɛ kyii nindiinday nibo na nɛ gbik nɛ nindiinday ne igbagha na.

ɛTomɛ 1:25

ne aa teye ɛNgɔn ne tom ma, te ɛ bo ɛlɔ ne soos ɛYahuza gha ne ɛ kɛ tek ɛ yek ghe ɛlɔ gha ne ɛ ku so ɛhaa ɛbhɛ gha.”

ɛTomɛ 1:13

Ne sɛ nibhɛ kɛ bhɛ tuu ndɔ ɛgarang nga, nibhɛ ne bhɛ wara dak ne ijwee ne irywa wo nɛ nibhɛ ku shɛɛ nɛ wo. Ninaa nibhɛ kaa sonɛ wo: ɛBiturus, ɛYohana, ɛYakub, ɛNdarawus, ɛFilibus, ɛToma, ɛBatɔlɔmi, ɛMacu, ɛYakub ne ɛ so ɛngɔn ɛLifiyos, ɛSimɔn ne ɛ kaa sim ɛgarang ɛbhɛ gbom, ne ɛYahuza ne ɛ so ɛngɔn ɛYakub.

ɛMacu 26:2

“Ɛ yɛɛ ɛn idira ne Tes iDee de Tsak ko kɛ mak nituk ifaa, sɛ ne nang ɛNgɔn ɛNyi i bhɛ gangat ɛbhɛ.”

ɛMacu 26:15

ɛbhɛ yaak nibhɛ, “Aa nang ɛn mɛɛn ikyee wu nggɛ nang nyini ɛYɛso yegha?” Nibhɛ ne nang ɛbhɛ ijam kyɔsɔk ne kɛ ryɔng ne ɛzurufa nzuwubɔ icwat.

ɛYohana 6:64

Gbik ne iphɛ ɛlɛy, ɛbyin mɔn ne sonɛ nɛ nibhɛ kɛ sang nang ne itin nɛ.” ɛLɛy ɛYɛso gha kaa ku i yɛɛ ne ile ne ɛtum mɛ ninaa nɛ nibhɛ sɛ sang nang ne itin nɛ wo ne ɛhaa ne ɛ sɛ rɛp ɛbhɛ wo.