ɛMacu 10:32 - ɛWee ne ìTsɛm iHywas

³² “ɛHiha ɛnyi ne ɛ kɛ tɔɔl wu i soye ɛhaa nge gha ɛnu ɛyisɛ ninyi na, nzɛ ne ma bhɛ tɔɔl wu nzo ɛhaa ɛbhɛ ɛnu ɛyisɛ ɛKyɛɛ nge gha daa ne irywa wo.

ɛMacu 10:32 ပူးပေါင်းရင်းမြစ်များ

Nikɔn ne kɛ Phaal 3:5

Gbik ɛnyi gha ne ɛ kɛ re ɛwɛng ne itsom mɛghaa wo, sɛ́ ne ma sɔɔl ɛbhɛ ɛtura ɛhala wo tɛ ninyi yɛnaa nggyɛ wo. Sɔng naa ne tul irywɛɛk ɛbhɛ ndɔ ɛwee ne iken no nang. Nzɛ ne kyinak ɛnu ɛyisɛ ɛKyɛɛ nge gha, gbik nɛ nimalɛka n yaak n yɔng wu ɛ soye ɛhaa nge.

1 ɛYohana 4:15

Gbik ɛnyi gha ne ɛ kɛ boote ne ɛnu ɛbhɛ ɛ yɔngɔ wu ɛYɛso gha soye ɛNgɔn ɛTaanggbey ya, ɛTaanggbey ya i ne shɛɛ ndɔ ɛbhɛ ɛ ma i shɛɛ ndɔ ɛTaanggbey ya.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

ɛYohana 9:22

ɛKyɛɛ gha ne ɛgyinɛ gha kaa boote ɛlɛ wo daa ɛli nɛ nibhɛ kaa phok ɛnik niYahodawa na. niYahodawa na kaa ku sim me nɛ wu gbik ɛnyi gha ne ɛ kɛ nang ne itin nɛ wu ɛYɛso gha so ɛKiriti gha, yaa ne tul ɛbhɛ ne itɔɔy de.

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛLuka 15:10

Nzi ne tɔng nyini, ɛlɛy ne iphɛ so, niMalɛka ɛTaanggbey ya yaa ne bok irway ihwala daa ɛhaa ne ɛfɔt ɛdaan ne ɛ kɛ san ɛbɔk ka.”