ɛMacu 10:3 - ɛWee ne ìTsɛm iHywas

³ Ne ɛFilibus, ɛBatɔlɔmi, ɛToma, ɛMacu ne ɛ so ɛhaa ne saasel ijam ne ivel, ɛYakub ne ɛ so ɛngɔn ɛnyi ɛLifiyos, ɛTadiyus,

ɛMacu 10:3 ပူးပေါင်းရင်းမြစ်များ

ɛTomɛ 1:13

Ne sɛ nibhɛ kɛ bhɛ tuu ndɔ ɛgarang nga, nibhɛ ne bhɛ wara dak ne ijwee ne irywa wo nɛ nibhɛ ku shɛɛ nɛ wo. Ninaa nibhɛ kaa sonɛ wo: ɛBiturus, ɛYohana, ɛYakub, ɛNdarawus, ɛFilibus, ɛToma, ɛBatɔlɔmi, ɛMacu, ɛYakub ne ɛ so ɛngɔn ɛLifiyos, ɛSimɔn ne ɛ kaa sim ɛgarang ɛbhɛ gbom, ne ɛYahuza ne ɛ so ɛngɔn ɛYakub.

ɛMarakus 3:18

Ne ɛNdarawus, ne ɛFilibus, ɛBatɔlɔmi, ne ɛMacu, ne ɛToma, ne ɛYakub ne so ɛngɔn ɛLifiyos, ne ɛTadiyus, ne ɛSimɔn ne ɛ kaa sim ɛgarang ɛbhɛ gbom,

ɛMarakus 2:14

Kɛ ne sɛ ɛɛ phebhe, ne ɛ yaang ɛngɔn ɛLifiyos se ne i bok ɛbhɛ ɛLawi, ɛ kɛ soos, ɛɛ saasel ijam ne ivel. ɛYɛso gha ne yaak ɛbhɛ, “Roos me.” ɛLawi gha ne shii yilitsik, ɛ roos ɛYɛso yegha.

ɛMacu 9:9

Kɛ ne sɛ ɛYɛso gha kɛ bo nikɔn ɛnggyɛ wo, ne ɛ yaang ɛdɛ ɛhaa ne saasel ijam ne ivel la ne i bok ɛbhɛ ɛMacu ɛ so ɛnu ɛtomɛ ɛbhɛ. ɛYɛso gha ne yaak ɛbhɛ, “Roos me.” ɛMacu gha ne yilitsik ɛ roos ɛYɛso yegha.

ɛYohana 21:2

ɛSimɔn ɛBiturus, ne ɛToma ne i bok ɛbhɛ ɛYambiyu, ne ɛNatanyɛl ne ɛ so ɛnyi ɛgarang ne iKaana ne iphɛ ivel ne iGalili, nɛ ninɔn ɛZɛbɛdi nɛ nidɛng ifaa kaa so ɛlɔ ɛdaan.

ɛYohana 11:16

ɛToma, ne i bok ɛbhɛ ɛDidamus, ne yaak ɛbyin ninɔn ne icwam ma, “Njwɛɛn te kungus ɛKyɛɛ ne iCwam megha, te njwɛɛn bhɛ kus ne ɛbhɛ.”

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.

ɛYakub 1:1

ɛWee yɛwoo wo le ɛlɔ ɛYakub, ɛkpuru ɛTaanggbey gbik ne ɛhaa ɛDaray ɛYɛso ɛKiriti. Ɛbhɛ phɛɛs ɛlɔ ninyi ɛTaanggbey ne kɛ te shwaa ndɔ ne igbagha ɛzay yo gbik ko te itaang ɛnduwubɔ ne iphɛ ifaa niSɛrɛla de. Nzi kyiisi nyini gbom.

iGalatiya 2:9

ɛYakub pa ne ɛBiturus sa, ne ɛYohana gha ne kaa ku bo nibhɛ tɛ nindiinday ya kaa ne ma seng wu ɛTaanggbey ya kɛ nang me ɛtomɛ yɛghaa wo. Nibhɛ ne sɔ iwɔ ne ìtsɛm ninaa ne roos. Nibhɛ ne sim me nɛ wu te mee wo ne ɛBanabas sa te njwi phɛ ɛlɔ ninyi na ne hame nibhɛ soye niYahodawa na tɛ nibhɛ wo ne ji phɛ ɛlɔ niYahodawa na.

iGalatiya 1:19

Sɔng nggaa ne bhɛ yaang ɛdɛ ɛNgɔn ne Tom ma kang ne ɛYakub pa ne so ɛgwaa ɛDaray ya nang.

ɛTomɛ 21:18

Ne cwiil ne ihwɛlɛ yɛ, ɛBulus sa ne ɛbyin mos njwi ne phɛ njwi bhɛ kyili ɛYakub bhe. Gbik ninu ne ikɔɔn ninaa ne roos sa kaa ne sonɛ.

ɛTomɛ 12:17

ɛBiturus sa ne te nibhɛ ne iwɔ dɛɛ wu tɛ nibhɛ shɛɛ nggbyak. Ne ɛ ji tɔng nibhɛ ɛli ne ɛDaray ya kɛ tul ɛbhɛ ndɔ ne ijwee ne nyang ngo. Ne ɛ ji yaak nibhɛ, “Tɔng ɛn ɛYakub bhe gbik ne ɛbyin nigwaa na ibol lɛdee wo.” Ne ɛ ji tek nibhɛ ɛ phɛ ɛhak ɛlɔ.

ɛLuka 5:27

ɛTsim mɛ ɛlɛy, ɛYɛso gha ne wuru, ɛbhɛ sɛ ɛdɛ ɛhaa ne saasel ijam ne ivel la ne i bok ɛbhɛ ɛLawi, ɛ so ɛnu ɛtomɛ ɛbhɛ. ɛYɛso gha ne yaak ɛbhɛ, “Roos me.”

ɛTomɛ 15:13

Kɛ ne sɛ ɛBulus sa ne ɛBanabas sa kɛ taal ivol da, ɛYakub pa ne yilitsik ɛ yɔngɔ, “Nigwaa nge tenes ɛn mɛɛn.

ɛYohana 14:22

ɛYahoda gha (sɔng ɛYahuza ne iSikɔrɔti nang) ne yaak ɛbhɛ, “ɛDaray, ɛ sɛ ne tɔɔrek njwii ito mo de ɛlii ɛ ji sang tɔɔrek ɛzay yaa?”

ɛYohana 14:9

ɛYɛso gha ne kyii nɛ ɛ yaak ɛbhɛ, “Nggɛ maa phyɔngɔle ne nyinɛn ɛbɛ wo, ne ˆɛ maa tɔ tang seng me ɛFilibus see? Gbik ɛnyi gha ɛ kɛ yaang me ɛ kɛ ne yaang ɛKyɛɛ gha. Aa ne mɔn ɛli ɛ yɔng wu te n tɔɔrek nyini ɛKyɛɛ ngeghaa?

ɛMacu 27:56

Ndɔ nibhɛ wo, ɛMɛri ne iMagadala kaa sonɛ, ne ɛMɛri ne ɛ so ɛgyinɛ ne ɛYakub ye ne ɛYisifu, ne ɛgyinɛ ninɔn ɛZɛbɛdi gha.

ɛMacu 18:17

Wu ɛ kɛ ne ta bhɛ mbaray tang phok nibhɛ, ne ɛ cwi ne ɛbhɛ ɛlɔ ne idira ninaa ne roos, wu ɛ kɛ ne ji ta bhɛ mbaray tang phok idira ninaa ne roos sa, ne ɛ bo ɛn ɛbhɛ te ɛ kɛ teye ɛhaa ɛzay ne ɛhaa ne ɛfɔt.”

ɛMarakus 15:40

Nidɛng nikuk ka kaa ne so ɛnggyɛ wo, nɛ nibhɛ kaa taay kyaam, nibhɛ shɛɛ wɛɛ ɛkɔn na ne ɛ tes so. Ndɔ nibhɛ wo nang, ɛMɛri ne ɛ le ne iMagadala kaa ne sonɛ, ɛSɔlɔmi ne sonɛ, ɛMɛri ne ɛ kaa so ɛgyinɛ ɛYakub ɛshɛɛrɛng, ne ɛYisifu kaa ne ma sonɛ.

ɛLuka 18:10

Ɛ kaa yɔngɔ, Nidɛng ninyi na ifaa kaa phɛ ndɔ ne ideng nibhɛ phɛɛs ne boote ne ɛTaanggbey, ɛdɛng kaa ne so ɛFarasii ɛdɛng ne so ɛhaa ne saasel ijam ne ivel.

ɛLuka 18:11

“ɛFarasii gha ne kyinak tsik, ɛ tɔɔk ito ɛbhɛ, ɛ boote ne ɛTaanggbey ya ɛ yɔngɔ, ‘ɛTaanggbey, N bok irway ihwala ne igyɛ. Sɔng nzo te ɛbyin ninyi na nang. Sɔng nzi ne hyel ɛyi nang; sɔng nzi ne luk ɛnyi nang. Sɔng nzi ne sang hyel cik ndɔ ne ikpii ne tom ɛyɛl nge nang. Sɔng ne nzo te ɛhaa ne saasel ijam ne ivel lɛghaa nggyɛ wo nang!

ɛLuka 18:13

“ɛHaa ne saasel ijam ne ivel la ne kyinak kyakyak ne ɛnu ne idɛng nga. Ɛ see ito ɛbhɛ ne ivel. Ɛ habhare ibɔ ɛbhɛ gɛy, Ɛ ji roo ne ɛTaanggbey ya ɛ yɔngɔ, ‘ɛTaanggbey, san iyɔm nge, nzo ɛhaa ne ɛfɔt.’ ”

ɛLuka 19:2

ɛDɛ ɛndiinday ninaa ne saasel ijam ivel la kaa ne so ɛnggyɛ wo ne kaa bok ɛbhɛ ɛZaka, ɛ kaa ne bok iryat gbom.

ɛYohana 1:48

ɛNatanyɛl la ne phom ɛYɛso yegha ɛ yɔngɔ, “ˆƐ kɛ mɔn ɛli ˆɛ seng mee?” ɛYɛso gha ne yaak ɛbhɛ, “Nggɛ ku yaang ngɛ nten de ne ˆɛ kɛ soos ndɔ ne itin ɛpharang ngge ɛFilibus sa tang yel-le yɛwo.”

ɛYohana 14:5

ɛToma gha ne yaak ɛbhɛ, “ɛDaray sɔng njwii yɛɛ ɛlɔ gha ne ɛ phɛɛs sang, njwi yaa ne mɔn ɛlii njwi seng ɛnkiinɛ yɛwoo?”