ɛMacu 10:22 - ɛWee ne ìTsɛm iHywas

²² Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.

ɛMacu 10:22 ပူးပေါင်းရင်းမြစ်များ

ɛMacu 24:13

ɛNyi gha ne ɛ kɛ ne rop iku i bhɛ phyii taal, ɛbhɛ sɛ ne iphɔrɔt.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

ɛMarakus 13:13

Ninyi gbom sɛ ne yaa mbaray nyini ɛlɔ me wo. ɛNyi gha ne ɛ sɛ ne kyinak gɛgɛy ndɔ ne ibol nge de nang ɛbhɛ sɛ ne phɔrɔt.

ɛMacu 10:39

ɛHiha ɛnyi ne ɛ ne sim iken ɛbhɛ de aa ne wɔs iphɛ, ɛhaa ne kɛ ne wɔs iken ɛbhɛ de ɛlɔ me wo aa ne sɛ iphɛ.

1 ɛYohana 3:13

Nigwaa en, sɔng iphɛ so nyini ɛkɔn ne kparat wu ninaa ɛzay ya kɛ mbaray nyini wo nang.

ɛMacu 24:9

“Sɛ ne wumus nyini i naas ninyi nɛ ninaa ne baasek nyini nggbang, nibhɛ ne phobho nyini. iGbagha wo gbik sɛ ne mbaray nyini ɛlɔ me wo.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

iBirani 6:11

Njwi sim te ɛrɔngɔ sɛ tɔɔl ihywee ɛtomɛ yɛdee wo ɛ phyii bhɛ hɔn itaal lɛ te iphɛ ne te nyini ɛ sɛ ɛn nikɔn na ne ɛ kɛ sit ɛn irwisɛ da.

ɛYohana 17:14

Nggɛ tɔng nibhɛ ibol mo de, ɛzay ya kɛ ne mbaray nibhɛ daa ɛli ne hame nibhɛ soye ninaa ɛzay ya ɛli ne hame ma nzo me ɛhaa ɛzay ya.

iGalatiya 6:9

Sɔng njwɛɛn te kpos ne mɔn nikɔn ne yɛnɛng nga nang, daa ɛli ne nten nɛ yaaso ne njwɛɛn sɛ bhɛ pha nikɔn na ne njwɛɛn kɛ tubhus so, wu njwɛɛn kɛ sang te kpos kɔp.

ɛLuka 6:22

Ninaa ɛwɛng ngaa nggyɛy, ne ɛzay kɛ mbaray nibhɛ wo, ɛ towos nibhɛ wo ɛ yaak nibhɛ wu nibhɛ soye nibebhe na lenɛ ne ɛNgɔn ɛNyi gha.

2 iKɔrɔntos 4:11

Gbik ndɔ ne ishwɛɛ mos da, njwi so ɛnu ne iku ɛlɔ ne ibol ɛYɛso de, te sɛ yaang ishwɛɛ ɛYɛso da ndɔ ne ibek mos de ne iphɛ so idee ne iku de.

ɛMacu 5:11

“Ɛ so ɛn nyini ninaa ɛwɛng wu ninyi na i towos nyini, nibhɛ baasek nyini nggbang, nibhɛ robhos nyini ne ihyoo nikɔn nibebhe ihywee-ihywee ɛlɔ mee wo.

Nikɔn ne kɛ Phaal 2:17

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, naa ne nang ɛbhɛ idɛng ndɔ ne imana de ne kɛ rɛɛ wo. Naa ne ta nang ɛbhɛ ikɛɛ ihala ne kɛ haa ne irywɛɛk ifas ne hame ɛnyi iyɛɛ kang ne ɛnyi gha ne ɛ kɛ say iphɛ wo.

ɛYohana 7:7

Nyinɛn no nang, sɔng ɛzay ya yaa ne yɛɛ mbaray nang, ɛ mbaray mee daa ɛli ne nzi tɔng ɛbhɛ wu ɛkɔn ne ɛ mɔn ɛ so ɛkpɛɛ yɛ.

ɛLuka 8:15

iHywee de ne ihywɛ kɛ ne ho ne ivel nyɛnɛng ngga ne ji so tɛ ninyi nɛ nibhɛ kɛ phok ibol de, nibhɛ say iphɛ, nibhɛ boos iphɛ yɛnɛng ne irway ilyaak, nibhɛ kyinak ngɛ nting, nibhɛ phyii yɛk ibɔrɔk.”

Nikɔn ne kɛ Phaal 3:21

Gbik ɛnyi gha ne ɛ kɛ re ɛwɛng ndɔ ne itsom mɛdee wo, nzɛ ne nang ɛbhɛ ɛnkiinɛ ɛ soos ne mee ɛcuruu ne igbɔm nge gha te ɛli ne nggɛ ma re ɛwɛng nga nggɛ soos ne ɛKyɛɛ nge gha ɛcuruu ne igbɔm ɛbhɛ gha.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

Nikɔn ne kɛ Phaal 2:26

Gbik ɛnyi gha ne ɛ kɛ ne re ɛwɛng daa ne itsom mɛdee wo, ɛ mɔn ɛkɔn na ne nzi sim phyii hɔn itaal lɛ nzɛ ne nang ɛbhɛ igbɔm daa ne igbagha ɛzay.

ɛTomɛ 9:16

Na tɔɔrek ɛbhɛ nggbang ngga ne iphɛ so ngbingbing ɛ sɔ mpɛ ɛlɔ me wo.”

Nikɔn ne kɛ Phaal 2:3

Nzi yɛɛ ɛ bok ɛbɔk, ɛ kɛ ne sɔ nggbang gagak ɛlɔ ne irywɛɛk nge wo, sɔng ɛ kɛ ne te kpos nang.

ɛLuka 21:17

Ninyi na gbik sɛ ne mbaray nyinɛn ɛlɔ me wo.

ɛLuka 21:19

Kyinak ɛn nting, ɛ sɛ ne phɔt ɛn ito mon.