ɛMacu 10:2 - ɛWee ne ìTsɛm iHywas

² Nibhɛ kaa ne so ɛlɛ: ɛHaa ɛyisɛ yɛ kaa so ɛSimɔn ne ɛYɛso gha kaa nang ɛbhɛ idɛ irywɛɛk ko ɛ bok ɛbhɛ ɛBiturus, ne ɛgwaa ɛbhɛ ɛNdarawus, ne ɛYakub ne ɛ so ɛngɔn ɛZɛbɛdi, gbik ne ɛgwaa ɛbhɛ ɛYohana.

ɛMacu 10:2 ပူးပေါင်းရင်းမြစ်များ

ɛTomɛ 1:13

Ne sɛ nibhɛ kɛ bhɛ tuu ndɔ ɛgarang nga, nibhɛ ne bhɛ wara dak ne ijwee ne irywa wo nɛ nibhɛ ku shɛɛ nɛ wo. Ninaa nibhɛ kaa sonɛ wo: ɛBiturus, ɛYohana, ɛYakub, ɛNdarawus, ɛFilibus, ɛToma, ɛBatɔlɔmi, ɛMacu, ɛYakub ne ɛ so ɛngɔn ɛLifiyos, ɛSimɔn ne ɛ kaa sim ɛgarang ɛbhɛ gbom, ne ɛYahuza ne ɛ so ɛngɔn ɛYakub.

ɛMacu 4:21

ɛYɛso gha ne hyeete, ne ɛ a yaang nidɛng nigwaa na ifaa, ɛYakub pa ne ɛ so ɛngɔn ɛZɛbɛdi ne ɛgwaa ɛbhɛ ɛYohana, nibhɛ so ndɔ ne ɛkparak, gbik ne ɛkyɛɛ nibhɛ ɛZɛbɛdi gha, nibhɛ ryɔng ikpara nibhɛ. ɛYɛso gha ne yel-le nibhɛ,

ɛYohana 12:22

ɛFilibus sa ne phɛ ɛbhɛ mɔng ɛNdarawus se, nibhɛ ifaa ba ne ji mɔng ɛYɛso yegha.

ɛYohana 6:8

ɛDaan ndɔ ninɔn ne icwam ɛYɛso na ne i bok ɛbhɛ ɛNdarawus, ne ɛ kaa so ɛgwaa ɛSimɔn ɛBiturus, ne boote ɛ yɔngɔ,

ɛLuka 5:10

ɛlɛy nɛ nitɛɛrɛk ɛSimɔn na, ɛYakub pa gbik ne ɛYohana gha, nɛ nibhɛ so ninɔn ɛZɛbɛdi na. ɛYɛso gha ne yaak ɛSimɔn negha, “Sɔng ɛ wum ɛnik ko nang, yaa tsa izenge wo, aa yaa hɔ me ninyi.”

ɛMacu 4:18

Kaa ne sɛ ɛYɛso gha i hyel ɛmbambang ne ɛLing ne iGalili gha, ne ɛ yaang nidɛng nigwaa na ifaa, ɛSimɔn ne i ta bok ɛbhɛ ɛBiturus, ne ɛgwaa ɛbhɛ ɛNdarawus. Nibhɛ kaa ne i cwaasek ne ɛkara ndɔ ɛling nga daa ɛli nɛ nibhɛ so ninaa ne lok izing.

ɛLuka 11:49

iPhɛ, iphɛ kɛ te ɛTaanggbey ya, ndɔ ne ntsɛntsɛng ɛbhɛ de, ɛ kaa boote ɛ yɔngɔ, “Naa tom nibhɛ nɛ niNabawa na, gbik nɛ ninɔn ne tom nge, nibhɛ sɛ ne bhɛ phobho nidɛng, nibhɛ ne ji baasek nidɛng nggbang.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

2 ɛYohana 1:1

ɛWee yɛwoo le ɛlɔ ɛndiinday ɛYohana, ɛbhɛ phɛɛs ɛlɔ ɛgyinɛ ne ijwee ne ɛTaanggbey kɛ kasa gbik nɛ ninɔn ɛbhɛ ninaa ne nzi sim gbom. Sɔng mee zɔng nzi sim nibhɛ wo nang, gbik nɛ ninyi na nɛ nibhɛ ma yɛɛ itin ne bol ɛTaanggbey de.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

1 ɛBiturus 1:1

ɛWee yɛwoo wo le ɛlɔ ɛBiturus, ɛngɔn ne tom ɛYɛso ɛKiriti, ɛbhɛ phɛɛs ɛlɔ ninyi ɛTaanggbey, ninaa ne ɛ kɛ kasa, ne kɛ te nibhɛ shwaa, nibhɛ kɛ tes en ninaa ne kpoo ne ivel ne iPantus, ne iGalatiya, ne iKapadosiya, ne iSiya, gbik ne iBitaniya.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

iFisus 4:11

Ɛbhɛ ɛ kɛ ne ta naas ninyi na ìnang ngga kang-ka-kang, tɛ nidɛng teye ninɔn ne tom, nidɛng teye ninabawa, nidɛng teye ninaa ne sanga iBol iYɛnɛng, nidɛng teye ninaa ne hyep ᐩigyol ɛTaanggbey, nidɛng teye nikyɛɛ ne icwam.

1 iKɔrɔntos 15:7

Ne ɛ ta bhɛ wuru ɛYakub bhe, ɛtsim mɛ ne ɛbhɛ wuru ninɔn ne tom ma gbik.

ɛTomɛ 12:2

Ɛ kaa yɛk ngɛ i phoo ɛYakub bhe ne ɛ so ɛgwaa ɛYohana ne ɛwal.

ɛTomɛ 3:1

Kaa ne sɛ ɛdɛ ɛtuk kɛ, niBiturus se na ne ɛYohana ne phɛɛs ne iDeng tɛ nibhɛ bhɛ roo ne ɛTaanggbey, nten nɛ kaa ne so igyɔs itat izee ne igbey.

ɛTomɛ 1:26

Nibhɛ ne kasa ikasa da, iphɛ ne ho daa ne ito ɛMatayas. Ne ɛ teye ɛngɔn ne Tom ɛ hantey yɛdaa nibhɛ ɛnduwubɔ ne ɛnyi ɛdaan na.

ɛYohana 21:24

ɛNgɔn ne icwam mɛghaa wo ɛbhɛ kɛ ne tɔng ibol nikɔn nɛdee wo, ɛbhɛ ta haa. Njwɛɛn ne yɛɛ wu ibol lɛdee wo ne i tɔng ngo iphɛ so itin nɛ.

ɛYohana 21:20

ɛBiturus sa ne hyereey ne ɛ yaang ɛngɔn ne icwam ma ne ɛYɛso kaa sim mo ɛ kungus nibhɛ. ɛNgɔn ne iCwam ma ne ɛ kaa teye nggbɛɛ ne ibek ɛYɛso de nten de nɛ nibhɛ kaa re ire de ɛ phom ɛbhɛ ɛ yɔngɔ, “ɛDaray ɛhay ɛbhɛ yaa rɛp pɛ woo?”

ɛYohana 21:2

ɛSimɔn ɛBiturus, ne ɛToma ne i bok ɛbhɛ ɛYambiyu, ne ɛNatanyɛl ne ɛ so ɛnyi ɛgarang ne iKaana ne iphɛ ivel ne iGalili, nɛ ninɔn ɛZɛbɛdi nɛ nidɛng ifaa kaa so ɛlɔ ɛdaan.

ɛYohana 20:2

Ne ɛ kyii ne nggbiy ɛbhɛ sɛ ɛSimɔn ɛBiturus segha gbik ne ɛngɔn ne icwam ma ne ɛYɛso gha sim mo, ɛ yaak nibhɛ, “Nibhɛ kɛ bo ikom ɛDaray de ndɔ ne ikpuu ba, sɔng njwii ne yɛɛ ɛlɔ gha ne nibhɛ kɛ tek ɛbhɛ nɛ nang.”

ɛYohana 13:23

ɛDɛng ndɔ nibhɛ wo, ɛhaa ne ɛYɛso gha sim ɛ shɛs so, kaa ne soos ɛ te ita ɛbhɛ nggyuk cɛcɛk ne ɛYɛso gha.

ɛLuka 22:14

Kɛ ne sɛ nten nɛ kɛɛ tuu, ɛYɛso gha ne bo ninɔn ne Tom ɛbhɛ na nibhɛ bhɛ soos ɛlɔ ne re ire gha.

ɛLuka 22:8

ɛYɛso gha ne tom niBiturus se, nibhɛ ne ɛYohana, ɛ yaak nibhɛ, “Cwi ɛn ɛbhɛ ryɔng ɛn njwɛɛn ɛlɔ gha ne njwɛɛn yaa re ne iDira ne tes iDee de Tsak ko.”

ɛLuka 9:10

Kɛ ne sɛ ninɔn ne tom ma kɛ bhɛ kyii, nibhɛ ne tɔng ɛYɛso yegha nikɔn na nɛ nibhɛ kɛ bhɛ mɔn no gbik. ɛYɛso gha ne ji tul nibhɛ zɔng, nibhɛ phɛ ɛdɛ ɛgarang nga ne i bok ɛbhɛ iBasɛda.

ɛMarakus 13:3

Kɛ ne sɛ ɛli ne ɛYɛso gha kɛ bhɛ soos dak ne iGol Niphaa de ne iphɛ wɛɛ iDeng ngge nang, ɛBiturus sa ne ɛYohana gha gbik ne ɛNdarawus ne boote ne ɛYɛso gha ne itsoro nibhɛ yaak ɛbhɛ,

ɛMarakus 1:29

Kɛ ne sɛ nibhɛ kɛ wuru ndɔ ne ijwee ne itɔɔy yo nang, ɛYɛso gha ne bo ɛYakub bhe ne ɛYohana nibhɛ phɛ ne ijwee niSimɔn ne, ne ɛNdarawus.

ɛMacu 26:37

ɛYɛso gha ne bo ɛBiturus se nɛ ninɔn ɛZɛbɛdi na ifaa ne ɛ kyii yaa bees irway ɛbhɛ ɛ yɛk irway ishwii.

ɛMacu 20:20

ɛGyinɛ ninɔn ɛZɛbɛdi na ne yɛɛs ɛlɔ ɛYɛso gha nɛ ninɔn ɛbhɛ ifaa, ɛ cwi ne irwa-nggburuk ɛnu ɛyisɛ ɛYɛso gha ɛ roo ɛbhɛ ɛdɛ ɛkɔn na.

ɛMacu 17:1

Kɛ ne sɛ nituk ɛtaraa kɛ phee, ɛYɛso gha ne bo ɛBiturus se, ne ɛYakub, ne ɛgwaa ɛbhɛ ɛYohana ɛ phɛ nɛ daa ɛco ne idɛ gbaang ne ɛwarang ngo, nibhɛ bhɛ shɛɛ nɛ ɛdak kɛ ndɔ nibhɛ.

Nikɔn ne kɛ Phaal 22:8

Mee ɛYohana, mee nggɛ phok n da yaang nikɔn nɛnaa wo. Kɛ sɛ nggɛ phok n da yaang nikɔn nɛnaa wo gbik, ne n ji ho ne ita ɛmalɛka de ne ɛ kɛ tɔɔsel me nibhɛ wo te n re ɛbhɛ ntsong.

Nikɔn ne kɛ Phaal 1:1

ɛWee yɛwoo wo so ɛwoo nikɔn ne ɛTaanggbey kɛ phaal ɛYɛso ɛKiriti ye, te ɛ tɔɔrek nikpuru ɛbhɛ nikɔn na nɛ nibhɛ yunga te. ɛYɛso gha kɛ ne phaal ɛkpuru ɛbhɛ ɛYohana ye ibol lɛdee wo lenɛ ne ɛmalɛka ɛbhɛ ne ɛYɛso gha kɛ tom ɛbhɛ ɛlɔ ɛYohana gha.

3 ɛYohana 1:1

ɛWee yɛwoo wo le ɛlɔ ɛndiinday ɛYohana, ɛbhɛ phɛɛs ɛlɔ ɛtaay nge ɛGayus se nɛ ɛhaa ne nzi sim ɛbhɛ nɛ ne itin nɛ.

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

ɛMarakus 6:30

Ninɔn ne tom ma ne bhɛ kyii ɛlɔ gha ne kaa tom nibhɛ nɛ wo, nibhɛ ne tɔng ɛYɛso yegha nikɔn na nɛ nibhɛ kɛ bhɛ mɔn no, gbik ne imɛmɛ ba nɛ nibhɛ kɛ bhɛ mɛmɛ ninyi na nɛ wo.

ɛYohana 6:67

ɛYɛso gha ne ji phom ninyi ɛnduwubɔ nɛ ninyi ifaa na ɛ yaak nibhɛ, “Nyinɛn no lɛɛ? Aa ne ma kyii ɛn ne?”

ɛYohana 6:70

ɛYɛso gha ne kyii nɛ ɛ yɔngɔ, “Mee nggɛ kasa nyini ɛnduwubɔ nɛ ninyi ifaa na nang? Hang ma sang so mee naa? Gbik ne iphɛ ɛlɛy, ɛdɛ mon ne so ɛShɛtan!”

ɛYohana 6:71

ɛLɛy, ɛ kaa bol ibol ɛYahuza ne ɛ so ɛngɔn ɛSimɔn ɛSikɔrɔti. ɛYahuza gha kaa ma so ɛdaan ndɔ ninyi ɛnduwubɔ nɛ ninyi ifaa na, ne ɛ kyii mɔɔng ɛ rɛp ɛYɛso yegha.