ɛMacu 10:17 - ɛWee ne ìTsɛm iHywas

¹⁷ Wɛɛ ɛn nyini yɛnɛng ɛlɔ ninyi na, nibhɛ sɛ nang nyini ɛlɔ ne itɔrɔng nibhɛ, i ji bhɛ hal nyini ndɔ ne idee ne itsɔɔy nibhɛ de.

ɛMacu 10:17 ပူးပေါင်းရင်းမြစ်များ

ɛMarakus 13:9

Nyinɛn ne ninyi nge wo nang, ne ɛ wɛɛ ɛn nyini yɛnɛng. Sɛ lenɛ ne ibol nge de, ne bol nyini nishara, i phɛɛs ne nyinɛn ndɔ itsɔɔy bhɛ hal nyini. Ne kpuusi nyini i phɛɛs nɛ ɛlɔ ne igbaang nigɔm gbik nɛ nishɛrɛng ngɛ. ɛNggyɛ yo ne ɛ sɛ ne bhɛ sɛ ɛn ikɛk ɛ tɔng ɛn nibhɛ ibol nge de.

ɛMacu 23:34

iPhɛ ɛlɛy, Nzi ne tomos nyini nɛ ninabawa, nɛ ninaa ne ishweng, nɛ ninaa ne kpɛl ɛShara, aa ne phobho ɛn nidɛng, nɛ gangat ɛn nidɛng, nɛ hal ɛn nidɛng ndɔ idee ne itsɔɔy mon, ne ˆɛ ji roos ɛn nigarang ˆɛ baasek ɛn nibhɛ nggbang.

ɛTomɛ 26:11

Nggaa ne ta i roos idee ne itɔɔy niYahodawa de gbik nzi baasek nibhɛ nggbang nzi sim te nzɛɛ yɛk nibhɛ ne nggbinggbing nibhɛ toke irywɛɛk ɛYɛso wo. Ngga phok njenjek nibhɛ gbom, iphɛ ne te me n roos nihak nigarang nɛ nibhɛ kaa sonɛ nzi bhɛ baasek nibhɛ nggbang ngga.”

ɛYohana 16:2

Sɛ́ kas nyini ndɔ ne itsɔɔy mon da; nten yaaso nɛ ninyi na sɛ jii wɛɛ tɛ nibhɛ mɔn ɛTaanggbey ye ɛtomɛ daa ne phobho nyini wo.

ɛLuka 12:11

“Sɛ ne sɛ kɛ phɛ nɛ nyinɛn ne idee ne itɔɔy de, ne ɛlɔ nigɔm ma gbik ne ɛlɔ nindiinday ya, sɔng ɛ sap ɛn ibol de ne ˆaa bhɛ kyii ɛn nɛ nang.

ɛMacu 5:22

Mee wo nzi ne bok nyini, ɛnyi gha ne kɛ te njenjek ne ɛgwaa ɛbhɛ gha, sɛ ne bol ɛbhɛ ɛshara. ɛHiha ɛnyi gha ne ɛ bol ivol ivebhe da ɛgwaa ɛbhɛ gha, itɔrɔng ngge sɛ ne soosek ɛbhɛ ɛnu ɛyisɛ. ɛHiha ɛnyi ne ɛ kɛ ne ta yaak ɛgwaa ɛbhɛ wu ɛ soye ɛwamang, ɛ sɛ ne bhɛ lel ne ijwee ne igboo.

ɛTomɛ 22:19

“Ne nggyii nɛ n yɔngɔ, ‘ɛDaray, ninyi yɛnaa wo ne ito nibhɛ, nibhɛ yɛɛ wu nggɛ roos idee ne itɔɔy de gbik, wu nggɛ wumus ninyi na nɛ nibhɛ kɛ nang ne itin nɛ ne igyɛ wo, wu nggɛ robhos nibhɛ ne ijwee ne nyang, wu nggɛ ta baasek nibhɛ nggbang.

iBirani 11:36

Kaa ne bɛɛs nidɛng i hal nibhɛ, ne ta robhos nidɛng, i bhɛ cwaasek nibhɛ ne ijwee ne nyang.

2 ɛTimɔti 4:15

iGyɛ ne ɛTimɔti wo, ne ˆɛ ma wɛɛ yɛ yɛnɛng ɛlɔ ɛbhɛ gha, daa ɛli ne ɛ so ɛhaa ne iphup gbom daa ne ibol de ne njwii tɔng ngo.

iFilibi 3:2

Wɛɛ ɛn nyini yɛnɛng ɛlɔ ninyi nibebhe yɛnaa nggyɛ wo, ninyi na nɛ nibhɛ so tɛ nibabu na. Ninyi na nɛ nibhɛ bo wu iphɛ so nggbinggbing i hyɛ ɛhaa ne ɛ kɛ nang ne itin nɛ ne ɛDaray ya itee de.

ɛYohana 11:47

iPhɛ ɛlɛy, niFarisawa na nɛ nindiinday nibo ɛTaanggbey ya ne yeres ninaa ne iTɔrɔng nga gbik, nibhɛ ne yɔngɔ, “iKyee ne njwɛɛn yaa mɔn daa mɛɛ? Yaang ɛn nikɔn ne kparat ta ne ɛnyi yeghaa wo mɔn no!

ɛMarakus 13:12

ɛNyi sɛ ne nang ishwap ɛgwaa ɛbhɛ i phoo ɛbhɛ, ɛkyɛɛ sɛ ne ma nang ishwap ɛngɔn ɛbhɛ. Ninɔn sɛ ne bɛɛs nikyɛɛ nibhɛ, nibhɛ te i phobho nibhɛ.

ɛMacu 26:59

Nindiinday nibo na gbik ne itɔrɔng ge ne tɔk ɛli nɛ nibhɛ sɛɛ rop ɛYɛso yegha ne ihyoo tɛ nibhɛ phoo ɛbhɛ.

ɛTomɛ 17:14

Ninaa ne roos sa ne shii tom ɛBulus segha ɛnu ɛrenes ɛSila gha ne ɛTimɔti gha ne kyi phyɔngɔle ne iBiriya de.

ɛMacu 20:19

Nibhɛ ne nang ɛbhɛ nɛ ninyi na ne hame nibhɛ so niYahodawa tɛ nibhɛ ne towos ɛbhɛ, nibhɛ hal ɛbhɛ, nibhɛ ne ji gangat ɛbhɛ. Ɛ sɛ ne yilitsik ɛtuk ne itwat tɛ.”

ɛMacu 10:18

Sɛ ne lenɛ ne me wo, ne hɔ nyini i phɛɛs nɛ ɛlɔ nindiinday gbik nɛ nigɔm, ɛ ji bhɛ tɔng nibhɛ ibol iyɛnɛng ngge, ɛ ta tɔng ɛn ninaa ne hame nibhɛ so niYahodawa na.

ɛTomɛ 9:2

ɛbhɛ phom ɛbhɛ ɛ yaak ɛbhɛ te ɛhaa ye ɛwee te i phɛ nɛ ne idee ne itɔɔy niYahodawa de ndɔ ne ivel ne iDimaskus. Te yaa sɛ ɛ kɛ bhɛ sɛ idɛ idira ninaa ne roos de ɛnggyɛ wo, hang nikuk kɛ yɔɔ, hang niras sɛ yɔɔ, te ɛ wum nibhɛ ɛ yɛɛs nɛ nibhɛ ne iYɛrushɛlɛm be.