ɛMacu 10:1 - ɛWee ne ìTsɛm iHywas

¹ ɛYɛso gha ne yel-le ninɔn ne icwam ɛbhɛ ɛnduwubɔ nɛ nibhɛ ifaa na, ɛ nang nibhɛ igbɔm nɛ nibhɛ yaa bhɛ tuul ikpabyik ivebhe, nibhɛ ta tes ninaa nishwa na ihywee-ihywee niken gbik.

ɛMacu 10:1 ပူးပေါင်းရင်းမြစ်များ

ɛLuka 10:19

Phok ɛn! Nggɛ nang nyini igbɔm daa ne ito ɛhaa ne iphup be, aa sɛng ɛn ne izɔ gbik nɛ nitapoo, ɛ mbalak ɛn. Sɔng ɛkɔn yaa ne sɛ nyini nang.

ɛLuka 24:49

Naa ne bhɛ tom nyini ne ɛHaa gha ne ɛKyɛɛ nge kɛ ku sim-mɛ wo. Ne ɛ shɛɛ ɛn ne iYɛrushɛlɛm be ɛ hyep ɛn te nang nyini ihwet ɛdaa ne irywa ba.”

ɛTomɛ 1:8

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

ɛYohana 3:27

ɛYohana gha ne kyii nɛ ɛ yɔngɔ, “Sɔng ɛdɛ ɛnyi gha sonɛ, ne ɛ bok ɛkɔn na ne hame ɛTaanggbey ɛbhɛ kɛ nang ɛbhɛ nang.

ɛLuka 6:13

Kɛ ne sɛ ihwɛlɛ wo kɛ wuru wo nang, ne ɛ yel-le ninɔn ne icwam ɛbhɛ na gbik. Ɛ karase nidɛng, ndɔ nibhɛ wo, ɛnduwubɔ nɛ ninyi ifaa, ɛ yaak nibhɛ, ninɔn ne tom.

ɛLuka 21:15

Nzɛ nang nyini ivol ne ntsɛntsɛng ɛli ne hame ɛdɛ ɛhaa ne iphup mon na sɛ yee ne hyere ibol mon de, ɛ ta re ishamas ne nyinɛn.

ɛTomɛ 19:15

Ne sɛ ɛdɛ ɛtuk kɛ, ikabyik ibebhe de ne yaak nibhɛ, “Nzi yɛɛ ɛYɛso yegha, nzi ne ta yɛɛ ibol ɛBulus de, ne ɛ ji soyɛ ɛhay?”

ɛYohana 17:2

Daa ɛli ne ɛ kɛ nang ɛbhɛ igbɔm daa ninyi na gbik, te ne ɛ nang gbik ninyi na ne ɛ kɛ nang ɛbhɛ wo iken ne inat.

ɛYohana 6:70

ɛYɛso gha ne kyii nɛ ɛ yɔngɔ, “Mee nggɛ kasa nyini ɛnduwubɔ nɛ ninyi ifaa na nang? Hang ma sang so mee naa? Gbik ne iphɛ ɛlɛy, ɛdɛ mon ne so ɛShɛtan!”

ɛYohana 3:35

ɛKyɛɛ ghaa sim ɛNgɔn na, ɛ kɛ ne nang ɛbhɛ igbɔm nikɔn na gbik.

Nikɔn ne kɛ Phaal 12:1

Ne yaang nyu ɛdɛ gbaang ɛkɔn ne kparat ta daa ne irywa wo, ɛkuk ne ɛ kɛ cwaal le ne iroy te ɛzene, ifɛl so ne itiita ɛbhɛ, ɛkɔn ne ito ne igbɔm ne ɛ bok niyuyɔrɔ ɛnduwubɔ nɛ nibhɛ ifaa so daa ito ɛbhɛ.

ɛMacu 26:47

Kɛ ne sɛ ɛYɛso gha ne tɔ ndɔ ne ivol da, ɛYahuza gha ne ɛ kaa so ɛdaan ndɔ ninɔn ne icwam ɛnduwubɔ nɛ ninyi ifaa ɛYɛso gha ne i tuu ne ɛgbaang ne idira ninyi nibhɛ bok ihywa nɛ nikɔn ne itsom. Nindiinday nibo ne niYahodawa na, nɛ nindiinday ne igbagha nibhɛ bhɛ kaa tom nibhɛ.

ɛMacu 26:20

Ne sɛ ɛlɔ yɛ kɛ teye irwirywɛ, ɛYɛso gha ne soos ɛlɔ ne re ire gha nɛ ninɔn ne icwam ɛbhɛ na.

ɛMacu 19:28

ɛYɛso gha ne yaak nibhɛ, “Nzi tɔng nyini itin nɛ, ɛzay ɛphas sa, nten de ɛNgɔn ɛNyi gha sɛ bhɛ soos ɛlɔ ne soos ɛndiinday ne igbɔm ɛbhɛ da, nyinɛn no ne ɛ kɛ roos ɛn mɛɛn no, ɛ sɛ ne ma sooset en daa nicuruu ne igbɔm ɛnduwubɔ nɛ nibhɛ ifaa, ɛ bol ɛn itaang ɛnduwubɔ nɛ nibhɛ ifaa niSɛrɛla de ɛshara.

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛMacu 4:23

ɛYɛso gha ne kaan ne ivel ne iGalili da gbik, ɛ mɛmɛ ninyi na nɛ ndɔ ne idee ne itsɔɔy niYahodawa na, ɛ tɔng nibhɛ ibol iyɛnɛng ne igbɔm ɛTaanggbey da, ɛ ta tes nishwa nɛ ninaa ne irɔ niken.

ɛMacu 9:35

ɛYɛso gha roos nigarang ne ndiinday ya nɛ nishɛɛrɛng ngɛ gbik, ɛ leesel ne idee ne itsɔɔy da, ɛɛ mɛmɛ nibhɛ nɛ, ɛ tɔng ibol iyɛnɛng ne igbɔm be, ɛ ta tes ninaa nɛ nibhɛ bok ishwa de ihywee-ihywee niken gbik.

ɛMacu 9:38

Roo ɛn ɛDaray yegha ne ɛbhɛ ɛ so ɛhaa ne ihwap pa te ɛ tom nɛ ninaa ne pha yɛ ndɔ ɛhay ya.”