ɛMacu 1:20 - ɛWee ne ìTsɛm iHywas

²⁰ Kɛ ne sɛ ɛ so ndɔ ne icwas sɛda nggyɛ wo, ɛmalɛka ɛTaanggbey ne bhɛ wuru ɛbhɛ ndɔ nibok, ɛ yaak ɛbhɛ, “ɛYisifu ɛNgɔn ɛDoda, sɔng ɛ phok ɛnik ne bo ɛyɛl mo ɛMɛri yegha ɛ teye ɛkuk mo gha nang, daa ɛli ne isik ɛbhɛ de so idee ne iKabyik ɛTaanggbey.

ɛMacu 1:20 ပူးပေါင်းရင်းမြစ်များ

ɛLuka 1:19

ɛMalɛka gha ne kyii nɛ, ɛ yaak ɛbhɛ, “I bok me ɛGyɛbɛrɛl. Nzi shɛɛ ɛnu ɛyisɛ ɛTaanggbey. ɛTaanggbey ya ɛbhɛ kɛ tom me ɛlɔ mo te n tɔng ngɛ ibol iyɛnɛng ngɛdee wo.

ɛMacu 1:18

iBol ne iyɛk ɛYɛso ɛKiriti de kaa so ɛlɛ: ɛGyinɛ ɛbhɛ ɛMɛri gha kaa soye ɛyɛl ɛYisifu, ɛMɛri gha kaa ne tɔ tang hyili ne ɛ say isik lenɛ iKabyik ɛTaanggbey.

ɛMacu 2:19

ɛTsim mɛ ne ɛHyiridus sa kɛ ji ku, ɛmalɛka ɛDaray ya ne bhɛ wuru ɛYisifu yegha ndɔ nibok ne iMasad de,

ɛLuka 2:4

ɛYisifu gha kaa ne ma bo nikɔn ne iNazarat ne ɛ so ne ivel ne iGalili, ɛ phɛ ne iBatalami ne ɛ so ne ivel ne iYahudiya, ne ɛ kaa ne soye ɛgarang ɛgɔm ɛDoda. ɛYisifu gha kaa ne phɛ ɛnggyɛ daa ɛli ne ɛ kaa so ɛhaa ne ijwee ɛDoda gha.

ɛMacu 28:5

ɛMalɛka gha ne yaak nikuk ka, “Sɔng ɛ phok ɛn ɛnik kang, nzi yɛɛ ɛ tɔk ɛn ɛYɛso ye ne kɛ gangat ɛbhɛ.

ɛMacu 2:22

Kɛ ne sɛ ɛYisifu gha kɛ phok wu ɛCɛlos ɛbhɛ kɛ re igbɔm ɛkyɛɛ ɛbhɛ ɛHyiridus sa ne iYahudiya de, ne ɛ wum ɛnik ne phɛ ɛnggyɛ wo. Ne kyii te kpɛng ɛbhɛ ndɔ nibok ka dɔng, iphɛ ɛlɛy, ne ɛ phɛ ne ivel ne iGalili.

ɛMacu 2:13

Kɛ ne sɛ ninaa ne ishweng niYiyɔrɔ na yek en, ɛmalɛka ɛDaray ya ne bhɛ wuru ɛYisifu yegha ndɔ nibok, ɛ yaak ɛbhɛ, “Bo ɛngɔn na ne ɛgyinɛ gha, ɛ tel lɛ ɛ phɛ nɛ ne iMasad. Cwi ɛbhɛ shɛɛ ɛn ɛnggyɛ wo, ɛ hyep ɛn ɛkɔn na ne naa mɔng nyini, daa ɛli ne ɛHyiridus sa i tɔk ɛngɔn na ɛ sim aa phoo ɛbhɛ.”

ɛMacu 2:12

Nibhɛ ne kyii nibhɛ roos ɛhak ɛnkiinɛ nibhɛ hyil en, daa ɛli ne ɛTaanggbey kɛɛ kpɛng nibhɛ ndɔ nibok wu hang nibhɛ kyii ta roos ɛlɔ ɛHyiridus sa.

ɛMacu 27:19

Kaa ne sɛ nten de ne ɛBilatus sa kɛ soos ɛlɔ ne soos ɛ bol ɛshara gha, ɛkuk ɛbhɛ ne tom ɛbhɛ nɛ ɛ yɔngɔ, “Sɔng ɛ mɔn ɛnyi yɛghaa nggyɛ wo ne ɛ kɛ sang mɔn ɛkɔn na ne ɛkɔn nang. Nibok kɛ tak me iyɔm gbom daa ɛbhɛ ne ɛtuk.”

ɛTomɛ 5:19

Ne sɛ ɛtuk, ɛmalɛka ɛTaanggbey ne yɛɛs ɛ phaasel ninu ne izuk ne ijwee ne nyang nga, ɛ tul ninɔn ne tom ma ne izay, ɛ yaak nibhɛ,

Nikɔn ne kɛ Phaal 19:7

Te njwɛɛn yɛk irway ihwala! Njwɛɛn yɛk izinɛ ne ishwɛ te njwɛɛn nang ɛbhɛ ne ndiinday! Daa ɛli ne nten nɛ kɛ tuu, nten ɛwɛrɛ ɛNgɔn ne ɛpharak ge. ɛYɛl ɛbhɛ wo kɛ ne ku ryɔng nge gbik.