ɛMacu 1:16 - ɛWee ne ìTsɛm iHywas

¹⁶ ɛYakub pa ne yɛk ɛYisifu ye, ɛYisifu gha ne ɛ so ɛ̀ras ɛMɛri gha ne ɛbhɛ so ɛgyinɛ ɛYɛso gha ne i bok ɛbhɛ ɛKiriti gha.

ɛMacu 1:16 ပူးပေါင်းရင်းမြစ်များ

ɛMacu 1:15

ɛLiyut ta ne yɛk ɛLiyaza ye, ɛLiyaza gha ne yɛk ɛMatan ne, ɛMatan na ne yɛk ɛYakub bhe.

ɛMacu 16:16

ɛSimɔn ɛBiturus sa ne kyii nɛ ɛ yɔngɔ, “iGyɛ ɛ soyɛ ɛKiriti, ɛNgɔn ɛTaanggbey ne iken.”

ɛMacu 16:20

ɛYɛso gha ne kpɛng ninɔn ne icwam ɛbhɛ na wu hang nibhɛ mɔng ɛnyi wu iyee i soye ɛKiriti gha.

ɛMacu 2:13

Kɛ ne sɛ ninaa ne ishweng niYiyɔrɔ na yek en, ɛmalɛka ɛDaray ya ne bhɛ wuru ɛYisifu yegha ndɔ nibok, ɛ yaak ɛbhɛ, “Bo ɛngɔn na ne ɛgyinɛ gha, ɛ tel lɛ ɛ phɛ nɛ ne iMasad. Cwi ɛbhɛ shɛɛ ɛn ɛnggyɛ wo, ɛ hyep ɛn ɛkɔn na ne naa mɔng nyini, daa ɛli ne ɛHyiridus sa i tɔk ɛngɔn na ɛ sim aa phoo ɛbhɛ.”

ɛMacu 27:17

Ne sɛ ninyi na kɛ tumɛ ɛn no, ɛBilatus sa ne yaak nibhɛ, “Ɛhay ne ɛ sim en te nzɛ biri nyini ɛbhɛ ndɔ ne inyang ngge? ɛBarabas sa? Hang ɛYɛso gha ne bok ɛbhɛ ɛKiriti gha?”

ɛMacu 27:22

ɛBilatus sa ne yaak nibhɛ, “Ne n ji mɔn ɛYɛso yegha ne i bok ɛbhɛ ɛKiriti gha ne kyee?” Nibhɛ byinkit gbik nibhɛ yɔngɔ, “Te gangat ɛbhɛ!”

ɛMarakus 6:3

Njwii ma bo ɛhaa ne gangat nikɔn nɛnaa wo nang? Ɛbhɛ ɛ so ɛngɔn ɛMɛri gha nang? Ɛbhɛ ma so ɛgwaa niYakub bhe ne ɛYisifu gha, ne ɛYahuza, gbik ne ɛSimɔn na nang? Nigwaa ɛbhɛ nilyilyap pɛ ma so ɛbɛ wo nang?” iPhɛ ɛlɛy yang, nibhɛ ne phu irway ne ɛYɛso gha.

ɛLuka 1:27

ɛlɔ ɛdɛ ɛngɔn ɛlyilyap pa ne bok ɛbhɛ ɛMɛri, ne ɛ kaa so ɛyɛl ɛYisifu, ne ɛ so ɛhaa ne ijwee ɛDoda.

ɛLuka 2:48

Kɛ ne sɛ nikyɛɛ na kɛ yaang ɛbhɛ, nibhɛ wum en zii. ɛGyinɛ gha ne yaak ɛbhɛ, “ɛNyɛn! iKyee ne ɛ kɛ mɔn njwii nɛ ɛlɛ woo? Njwi kɛ tɔk kɛ gbom, njwi kɛ ne yaa sap pɛ.”

ɛLuka 2:7

ne ɛ yɛk ɛngɔn ne ilyilyap ɛbhɛ ɛ ɛras sɛ, ɛ cwamas ɛbhɛ ne ishɛrɛp ne itsura, ɛ ji laasek ɛbhɛ ndɔ ne ikparak ne mɛɛ ᐩigyol lɛ, daa ɛli ne hame nibhɛ kaa sɛ izuk ndɔ ɛlɔ ne say ninaa ne kpoo na.

ɛLuka 3:23

ɛYɛso gha kaa bok ishay de nzuwubɔ icwat ɛ tsa ɛtomɛ ɛbhɛ gha. Ninyi na kaa ne i tas nibhɛ bo wu ɛ soye ɛngɔn ɛYisifu, ne ɛ kaa so ɛngɔn ɛHɛli.

ɛLuka 4:22

Ninyi na ne phok iyɛnɛng ɛbhɛ, nibhɛ yaang ɛkɔn ne kparat daa ne ivol iywɛnɛng ngga ne ɛ bol lo. Nibhɛ ne yaa phomos en nibhɛ bo, “Sɔng ɛngɔn ɛYisifu yeghaa wo nang nge?”

ɛYohana 4:25

ɛKuk ka ne yɔngɔ, “Nzi yɛɛ ɛMɛsaya gha ne i ta bok ɛbhɛ ɛKiriti, sɛ yɛɛs. Sɛ́ ne sɛ ɛ kɛ yɛɛs so, ɛ sɛ ne i tɔng njwii nikɔn na gbik.”