ɛMacu 1:1 - ɛWee ne ìTsɛm iHywas

¹ iRɛɛk ninaa ne icwaang ɛYɛso ɛKiriti yɛdee bɛ; ɛYɛso ɛKiriti gha kaa so ɛNgɔn ɛDoda, ɛDoda gha ne so ɛNgɔn ɛBaraying.

ɛMacu 1:1 ပူးပေါင်းရင်းမြစ်များ

ɛMacu 1:18

iBol ne iyɛk ɛYɛso ɛKiriti de kaa so ɛlɛ: ɛGyinɛ ɛbhɛ ɛMɛri gha kaa soye ɛyɛl ɛYisifu, ɛMɛri gha kaa ne tɔ tang hyili ne ɛ say isik lenɛ iKabyik ɛTaanggbey.

ɛMacu 1:2

ɛBaraying nga ne so ɛkyɛɛ ɛShaaku. ɛShaaku gha ne so ɛkyɛɛ ɛYakub. ɛYakub pa ne so ɛkyɛɛ ɛYahoda gbik nɛ nigwaa ɛbhɛ.

ɛMacu 15:22

ɛDɛ ɛkuk ne iKaana gha ne ɛ so ɛlɔ yɛghaa nggyɛ wo, ne wuru ne ishwin ɛ bo, “ɛDaray, ɛNgɔn ɛDoda, san iyɔm nge, ɛlap nge so shasha, ikabyik ibebhe bok ɛbhɛ.”

ɛMacu 3:16

Ne sɛ kɛ shii yɛk ɛYɛso yegha ne ibatisima, ɛ kɛ wuru ne ndɔ inɛn da, nɛ nten nɛ irywa wo ne phaal le, ne ɛ ji yaang iKabyik ɛTaanggbey de kɛ tɔm daa ɛbhɛ te ihywihywaa.

ɛMacu 9:27

Kɛ ne sɛ ɛYɛso gha kɛ tek ɛlɔ yɛghaa nggyɛ wo ɛ hyel, nidɛng ninaa ne iwil la ifaa ne kungus ɛbhɛ, nibhɛ bol ne ɛgbaang ne izɔlɔs nibhɛ bo, “San iyɔm mos igyɛ ne ɛNgɔn ɛDoda!”

ɛLuka 1:33

Ɛbhɛ sɛ ne teye ɛgɔm ne ijwee ɛYakub pa ishay-ishay. Sɔng igbɔm ɛbhɛ da sɛ ne taal le nang.

ɛYohana 7:42

ɛWee ne iBol ɛTaanggbey yo bo ɛKiriti gha sɛ le ne icwaang ɛGɔm ɛDoda, wu sɛ ne yɛk ɛbhɛ ne iBatalami, ɛgarang nga ne ɛDoda gha kaa sonɛ.

ɛTomɛ 2:30

ɛDoda gha kaa so ɛNɛbi, ɛ kaa ne ku i yɛɛ ɛTaanggbey ya kɛ sim-mɛ, ɛ lɛlɛm ihywa wu ɛdɛ ɛhaa ne icwaang ɛDoda gha sɛ re igbɔm ɛbhɛ da.

iRooma 1:3

iBol iYɛnɛng ngge kaa ne so daa ɛNgɔn ɛbhɛ, ɛhaa ne ndɔ ne ibol ne ibek ɛten ɛsii, i kɛ yɛk ɛbhɛ ndɔ ne icwaang ɛDoda.

iRooma 4:13

ɛTaanggbey ya kɛ rop ìtsɛm ne ɛBaraying nga gbik ne icwaang ɛbhɛ wu sɛ nang ɛbhɛ ɛzay, sɔng daa ɛli ne ɛ kɛ roos ibol ɛshara nang, iphɛ kaa yang le daa ne ìnang ne itin nɛ ne ɛbhɛ ɛTaanggbey ya kɛ bo ɛbhɛ wu ɛ so cik.

iRooma 9:5

Nibhɛ so ihywee nikyɛɛ-nikyɛɛ niYahodawa na ne i yɛɛ nibhɛ gbom. ɛKiriti gha ne so ihywee nibhɛ ndɔ ne iyɛk ne ibek. Te ne dɛp ɛTaanggbey ye ne ɛbhɛ ɛ bok igbɔm nikɔn na gbik wɛlɛng ɛgak. Ɛɛy.

iGalatiya 3:16

ɛTaanggbey ya kaa sim-mɛ ne ɛBaraying nga ne ɛngɔn ɛbhɛ. Sɔng ɛWee bo “Ninɔn,” ne i bo ninyi gbarang nang. Ɛbhɛ bo icwaang, te so i bo ɛnyi ɛdaan, ɛbhɛ soye ɛKiriti gha.

1 ɛTimɔti 2:5

Daa ɛli ne ɛTaanggbey ya so ɛdaan, ɛhaa ne ɛ so ɛceree ninyi na ne ɛTaanggbey ya ne ma so ɛdaan, kaabi ɛnyi yɛghaa wo, ɛbhɛ ɛYɛso ɛKiriti gha.

2 ɛTimɔti 2:8

Taate ne ɛYɛso ɛKiriti gha ne kɛ yiisik ɛbhɛ ne ikpuu da. Ɛbhɛ wo ne ɛ le ne icwaang ɛDoda wo ɛli ne kɛ mɛmɛ nɛ ndɔ iBol iYɛnɛng ngge ne nzi tɔng ngo.

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”