ɛLuka 8:1 - ɛWee ne ìTsɛm iHywas

¹ ɛTsim mɛ ɛlɛy, ɛYɛso gha ne leesel ndɔ nigarang nga nɛ nigyigyaarang ɛ tɔng ibol iYɛnɛng ne igbɔm ɛTaanggbey de. Ninɔn ne icwam ɛbhɛ ɛnduwubɔ nɛ ninyi ifaa na kaa ne i kungus ɛbhɛ,

ɛLuka 8:1 ပူးပေါင်းရင်းမြစ်များ

ɛMacu 4:23

ɛYɛso gha ne kaan ne ivel ne iGalili da gbik, ɛ mɛmɛ ninyi na nɛ ndɔ ne idee ne itsɔɔy niYahodawa na, ɛ tɔng nibhɛ ibol iyɛnɛng ne igbɔm ɛTaanggbey da, ɛ ta tes nishwa nɛ ninaa ne irɔ niken.

iRooma 10:15

Yaa ne ta mɔn ɛli ninaa ne sanga ibol la bhɛ sanga ibol de wu kɛ sang tom nibhɛ woo? Te ɛli ne kɛ haa ndɔ ne ɛWee ne iBol ɛTaanggbey yo i bo, “iYɛɛs ninaa ne sanga ibol iyɛnɛng ngge kɛ jam gbom!”

ɛTomɛ 13:32

“Njwii tɔng nyini ibol iyɛnɛng ngge ne ɛTaanggbey ya kaa ku sim nikyɛɛ-nikyɛɛ njwɛɛn na nɛ wo.

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.

ɛLuka 4:18

“iKabyik ɛDaray de so daa mee, daa ɛli ne ɛbhɛ kɛ kasa me, te n tɔng nihala ninyi ibol iyɛnɛng ngge. Ɛ kɛ ne tom me te n yaak ninyi na ne kɛ robhos so, wu yaa biisi nibhɛ. Wu yaa ne phaasel niwil la irwisɛ. Te n phyik ninyi na ne i kɛ nggbɛɛt to.

ɛMarakus 1:39

iPhɛ ɛlɛy yang ɛYɛso gha ne roos nigarang nga nɛ nibhɛ so ndɔ ne ivel ne iGalili ba gbik, ɛ leesel ndɔ ne idee ne itɔɔy nibhɛ ba gbik, ɛ tɔng nibhɛ ibol iyɛnɛng ngge. Ɛ ta phyii tuul niphoo na nɛ nibhɛ sos ndɔ ninyi na dɔng.

ɛMacu 13:19

Nidɛng ninyi na sonɛ ne i sɛ nɛ nibhɛ kɛ phok ibol ne igbɔm ɛTaanggbey de sɔng nibhɛ ne seng iphɛ nang, ɛShɛtan na ne yɛɛs ɛ phɔt ɛkɔn na ne kɛ tup ndɔ ne irway nibhɛ da. Nibhɛ bhɛ ne so te ihywee de ne ihywɛ kɛ ho nkiinɛ wo.

ɛMacu 11:1

Kɛ ne sɛ ɛYɛso gha kɛ taal ivol lɛdaa wo nɛ ninɔn ne icwam ɛbhɛ ɛnduwubɔ nɛ nibhɛ ifaa na, ne ɛ tek ɛlɔ yɛghaa nggyɛ wo, ɛ phɛ ndɔ nigarang nga nɛ nibhɛ so cɛcɛk ɛnggyɛ ɛbhɛ mɛmɛ ninyi na nɛ, ɛ ta sanga ibol iyɛnɛng ngge.

ɛMacu 9:35

ɛYɛso gha roos nigarang ne ndiinday ya nɛ nishɛɛrɛng ngɛ gbik, ɛ leesel ne idee ne itsɔɔy da, ɛɛ mɛmɛ nibhɛ nɛ, ɛ tɔng ibol iyɛnɛng ne igbɔm be, ɛ ta tes ninaa nɛ nibhɛ bok ishwa de ihywee-ihywee niken gbik.

ɛLuka 1:80

ɛNgɔn na ne i raras, ne ɛ ta i hɔnɔs ne ibek, gbik ne ikabyik. Ne ɛɛ shɛɛ ndɔ ɛhay ɛɛ hyep ɛtuk ka ne ɛ kaa bhɛ wuru ndɔ niSɛrɛla de.

ɛLuka 9:6

iPhɛ ɛlɛy, nibhɛ ne roos nigarang nga gbik, nibhɛ tɔng ibol iyɛnɛng ngge, nibhɛ ne ta i tes nishwa na niken ndɔ nilɔ na nɛ nibhɛ kɛ roos so gbik.

ɛLuka 20:1

Kaa ne sɛ ɛdɛ ɛtuk kɛ, ɛYɛso gha so ndɔ ne ɛsaa ne ideng nga ɛ mɛmɛ ninyi na nɛ ɛ ta i tɔng nibhɛ ibol iyɛnɛng ngge, nindiinday nibo ɛTaanggbey ya nɛ ninaa ne Kpɛl ɛShara gha gbik nɛ Ninu niKɔɔn ɛgarang nga ne bhɛ sɛ ɛbhɛ,