ɛLuka 7:16 - ɛWee ne ìTsɛm iHywas

¹⁶ Ninyi na ne wum ɛnik gbom, nibhɛ ne ho ne dɛp ɛTaanggbey ye, nibhɛ bo, “ɛDɛ ɛgbaang ɛnɛbi wo kɛ yɛɛs ndɔ njwɛɛn! ɛTaanggbey ya yɛɛs ne phɔt ninyi ɛbhɛ na.”

ɛLuka 7:16 ပူးပေါင်းရင်းမြစ်များ

ɛLuka 7:39

Kɛ ne sɛ ɛFarasii gha ne ɛ kɛ yel-le ɛYɛso yegha kɛ yaang ɛlɛ wo, ne ɛ wungare ndɔ ɛbhɛ ɛ yɔngɔ, “Sɛ yɔng ɛnyi yɛghaa wo so ɛNɛbi gha ɛtsak, ɛ sɛɛ ne seng ihywee de ne ɛ ɛkuk kɛghaa wo so, ne ɛ darat ɛbhɛ wo. Ɛ sɛ ne seng ɛli ne ɛ ku so ɛhaa ne ɛfɔt ta.”

ɛMacu 9:8

Kɛ ne sɛ idira ninyi de kɛ yaang ɛlɛ wo, nibhɛ ne wum ɛnu zii. Nibhɛ ne ji dɛp ɛTaanggbey ye ne ɛbhɛ kɛ nang ninyi na ihywee ne igbɔm mɛdaa nggyɛ wo.

ɛLuka 1:68

Te dɛp ɛDaray ye ne ɛ so ɛTaanggbey niSɛrɛla. Ɛ kɛ yɛɛs te ɛ phyik ninyi ɛbhɛ ɛ phɔt nibhɛ.

ɛLuka 5:26

Ninyi na gbik ne yaang ɛkɔn ne kparat, nibhɛ ne yaa dɛp ɛTaanggbey yegha nibhɛ bo, “Ya kuk! Njwi kɛ yaang ɛgbaang ɛkɔn izenge wo!”

ɛLuka 2:20

Ninaa ne hyep pa ne kyii ne iywel, nibhɛ dɛp ɛTaanggbey ye, daa ne ibol de nɛ nibhɛ kɛɛ phok ko, nibhɛ ta bhɛ yaang ngo.

ɛLuka 1:65

ɛNik ne wum ninaa ɛcɛcɛk ka gbik. iBol lɛdee wo ne shwalat ndɔ ne nigyigyaarang nga nɛ nibhɛ so ne igol ne iYahudiya da gbik.

ɛMacu 21:11

iDira ninyi de ne kyii nɛ, nibhɛ yɔngɔ, “ɛYɛso ghaa wo ne ɛ so ɛnɛbi ne ɛ le ne iNazarat ne iGalili.”

ɛMacu 15:31

Kɛ ne sɛ ninyi na kɛ yaang ɛli nɛ ningkpɔy ya kɛ yaa bol lo, nigyamil la yaa hyel tsik ko, nilɔɔm ma yaa hyel lo, niwil la ne yaa wɛɛ wo, nibhɛ ne wum ɛnu zii. Nibhɛ ne yaa dɛp ɛTaanggbey niSɛrɛla yegha.

iGalatiya 1:24

Nibhɛ ne nang ɛTaanggbey ye ne ndiinday daa ɛkɔn na ne ɛ kɛ mɔn ne me wo.

ɛTomɛ 5:5

Ne sɛ ɛHananiya gha kɛ phok ɛlɛ wo, ne ɛ ho ɛ ku. ɛGbaang ɛnik ne wum ninyi na nɛ nibhɛ kɛɛ phok ibol lɛ wo.

ɛYohana 9:17

Nibhɛ ne kyii ta phom ɛnyi gha ne ɛ kaa bok iwil da dɔng nibhɛ yɔngɔ, “Aa ne ji yɔng ikyee daa ɛbhɛ, ne ɛbhɛ ɛ kɛ phaal lɛ irwisɛ daa?” ɛNyi gha ne kyii nɛ ɛ yɔngɔ, “Ɛ so ɛnɛbi.”

ɛYohana 6:14

Kɛ ne sɛ ninyi na kɛ yaang ɛkɔn ne kparat ta ne ɛYɛso gha kɛ mɔn no, nibhɛ ne yɔngɔ, “ɛTsak, ɛNyi yɛghaa wo ɛbhɛ ɛ so ɛNɛbi gha ne ɛMuusaa gha kaa yɔng ɛ sɛ yɛɛs ndɔ ɛzay ya.”

ɛYohana 4:19

ɛKuk ka ne yɔngɔ, “ɛNdiinday, nzi yaang ɛ soyɛ ɛnɛbi.

ɛYohana 1:25

ne phom ɛYohana yegha nibhɛ yɔngɔ, “Wu ɛ sang soyɛ ɛKiriti gha, ɛ ta sang soyɛ ɛLiya gha, ɛ kyii ta sang soyɛ ɛNɛbi gha, ikyee iphɛ kɛ ne te ɛ yaak ninyi na ibatisima dee?”

ɛYohana 1:21

Nibhɛ kaa ne phom ɛbhɛ nibhɛ yɔngɔ, “Nɛ soyɛ ɛhay? Ɛ soyɛ ɛLya ye?” Ne ɛ kyii nɛ ɛ yɔngɔ, “Kwa. Sɔng nzo ɛLiya nang.” Nibhɛ ne ta yaak ɛbhɛ, “Ne ɛ soyɛ ɛNɛbi ghaa?” Ne ɛ kyii nɛ ɛ yɔngɔ, “Kwa.”

ɛLuka 24:19

ɛYɛso gha ne phom ɛ yɔngɔ, “ɛYakɔn ɛbhɛ ɛ tes lɛɛ?” Nibhɛ ne kyii nɛ, nibhɛ yɔngɔ, “Nikɔn na nɛ nibhɛ kɛ tes ne ɛYɛso ne iNazarat ta. Ɛ kaa so ɛNɛbi ne ɛ bok ito daa ne nikɔn na ne ɛ bol ɛ ta i mɔn ɛnu ɛyisɛ ɛTaanggbey ya gbik nɛ ninyi na,

ɛLuka 9:19

Nibhɛ ne kyii nɛ, nibhɛ yaak ɛbhɛ, “ɛByin nɛ bo wu ɛ so ɛYohana ne Yaak ne iBatisima; ɛbyin nɛ ne bo wu ɛ so ɛLiya. ɛByin nɛ ne ta bo wu ɛdɛ ɛnɛbi ne le gha ɛbhɛ kɛ bhɛ kyii.”

ɛLuka 8:37

Ninyi ɛgarang ne iGɛrɛsa gha gbik ne yaak ɛYɛso yegha wu te ɛ tek en ɛgarang nen na, daa ɛli nɛ nibhɛ kaa wum ɛnik gbom. ɛYɛso gha ne lel ndɔ ne ikparak ko, ɛ bo nikɔn.

ɛLuka 5:8

Kɛ ne sɛ ɛSimɔn na, ne i bok ɛbhɛ ɛBiturus sa, kɛ yaang ɛlɛ wo, ne ɛbhɛ ho ɛYɛso yegha, nggbuk, ne iphanta ɛ yaak ɛbhɛ, “Hyel ɛ tek me ɛDaray yɔɔy. Nzo me ɛhaa ne ɛfɔt!”

ɛMacu 28:8

Nikuk ka ne shii bo nikɔn dodooy ɛlɔ ne ikpuu gha ne ɛnik, ne ɛgbaang ne irway ihwala, nibhɛ tel nibhɛ bhɛ mɔng ninɔn ne icwam ma.

ɛTomɛ 7:37

Ne ta so ɛMuusaa ɛdaan kɛgha wo ne ɛ kaa yaak ninyi niSɛrɛla na, ‘ɛTaanggbey ya sɛ tom nyini ne ɛdɛ ɛNɛbi gha te mee wo, ɛ sɛ ne so ɛdɛ ɛnyi mon na.

ɛLuka 19:44

Nibhɛ sɛ phobho nyini, nibhɛ bunga ɛgarang mon na gbigbik. Sɔng nibhɛ sɛ ne tek idɛ ikɛɛ ne idee mon de daa ne ihak nang, daa ɛli ne ɛ kɛ mbaray nyini tang seng ɛn nten de ne ɛTaanggbey ya kɛ yɛɛs ne phɔt nyini wo.”

ɛLuka 7:15

ɛNgɔn na ne ɛ kɛ ku wo, ne yilitsik, ɛ soos, ɛ yaa bol. ɛYɛso gha ne ji nang ɛgyinɛ gha ɛbhɛ.