ɛLuka 7:13 - ɛWee ne ìTsɛm iHywas

¹³ Kɛ ne sɛ ɛDaray ya kɛ yaang ɛkusang nga, ne ɛ yaa san iyɔm ɛbhɛ gbom. Ne ɛ ji yaak ɛbhɛ, “Sɔng ɛ san no nang.”

ɛLuka 7:13 ပူးပေါင်းရင်းမြစ်များ

iBirani 4:15

Sɔng ɛGɔm Nibo njwɛɛn na ne so ɛnyi ne ɛ sang tas itaasek njwɛɛn da nang. Ɛ yang so ɛnyi ne kɛ ma ku tɛɛsek ɛbhɛ ndɔ nikɔn na gbik te njwɛɛn no, gbik ne iphɛ ɛlɛy sɔng ne ɛ mɔn ɛfɔt nang.

ɛLuka 8:52

ɛLɛy ninyi na gbik ne jung san ɛngɔn na, nibhɛ banga ikpun. ɛYɛso gha ne yaak nibhɛ, “Sɔng ɛ san ɛn no nang; sɔng ɛngɔn na kɛ ku nang, ɛ so nwa.”

iBirani 2:17

iPhɛ ɛlɛy, iphɛ ne so nggbinggbing i ma te ɛbhɛ ɛ te tɛ nigwaa ɛbhɛ na ndɔ nikɔn na gbik, te ɛ teye ɛgɔm nibo ɛTaanggbey, ɛhaa ne ɛ so sɛ kyinak daa ne ibol ɛbhɛ, ɛhaa ne san iyɔm ndɔ ɛtomɛ gha ne ɛ mɔn ɛTaanggbey yegha nɛ wo, te ɛ teye ɛkɔn ne hap itsanga te ɛTaanggbey ya han ninyi ne ɛfɔt.

ɛYohana 20:15

ɛYɛso gha ne phom ɛbhɛ ɛ yɔngɔ, “ɛGyinɛ ɛNgɔn, ikyee ne ɛ san nɛ woo? ɛHay ne ɛ tɔk koo?” ɛMɛri gha ne yaa wɛɛ te ɛnyi yɛ ɛbhɛ so ɛhaa ne hyep ikpuu ba, ne ɛ yaak ɛbhɛ, ɛNdiinday, wu igyɛ ɛ kɛ bo ɛbhɛ, ne ɛ mɔng me ɛlɔ gha ne ɛ kɛ bhɛ tek ɛbhɛ nɛ, te mbɛ bo ɛbhɛ.

ɛMarakus 8:2

“Nzi san iyɔm ninyi yɛdee wo. Nibhɛ kɛ hɔn nituk itwat nibhɛ so ɛbɛ wo, sɔng nibhɛ ne tɔ ne ire nɛ nibhɛ yaa re nang.

ɛYohana 11:2

ɛMɛri yɛghaa nggyɛ wo ɛbhɛ kaa sit ɛDaray yegha ne inɔɔy da ne ita de, ɛ ji yes ne itsotso ne ito ɛbhɛ da. ɛLaazaru gha ne ɛ kaa ne so shwa wo kaa ne so ɛgwaa ɛbhɛ.

ɛLuka 24:34

nibhɛ bol nibhɛ bo, “ɛTsak ne ɛYɛso gha kɛ yilitsik ndɔ ne ikpuu ba! Ɛ kɛ bhɛ wuru ɛSimɔn ne!”

ɛLuka 17:5

Ninɔn ne tom ma ne yaak ɛDaray yegha, Tɔɔrek Njwii ɛli ne njwi yaa hante ne ìnang ne iTin mos de.

1 iKɔrɔntos 7:30

Tɛ ninaa ne ishwin na te te hame nibhɛ san, te ninaa ne irway ihwala na ne te hame nibhɛ bok irway ihwala, tɛ ninaa ne saasel nikɔn na te hame nibhɛ bok ɛkɔn,

ɛYohana 20:13

Nibhɛ ne phom ɛbhɛ nibhɛ yɔngɔ, “ɛGyinɛ ɛNgɔn, ikyee phɛ kɛ te ɛ san noo?” ɛMɛri gha ne kyii nɛ ɛ yɔngɔ, “Nibhɛ kɛ bo ɛDaray nge, sɔng nzi ne yɛɛ ɛlɔ gha nɛ nibhɛ kɛ bhɛ tek ne ɛbhɛ nang.”

ɛLuka 13:15

ɛDaray ya ne kyii nɛ, ɛ yɔngɔ, “Nyinɛn niluk ghe, ɛrɔngɔ yaa tul ᐩigyol ɛbhɛ ne ɛjaakyi ɛbhɛ, ɛbhɛ nang ɛbhɛ inɛn ɛtuk ne iwɛsɛ gha.

ɛLuka 10:1

ɛTsim mɛ ɛlɛy yang, ɛYɛso gha ne karase ninyi na, nzuwubɔ ɛniitaa nɛ ninyi ifaa, ɛ tom nibhɛ; wu tɛ nibhɛ ho ɛyisɛ, nibhɛ hyel ifaa-ifaa, nibhɛ bhɛ leesel ndɔ nigarang nga ne ɛ phɛɛs so.

ɛLuka 7:19

ɛ tom nibhɛ ɛlɔ ɛDaray ya, wu tɛ nibhɛ bhɛ yaak ɛbhɛ, “iGyɛ ɛ soyɛ ɛnyi gha ne kaa yaak njwii ɛ sɛ yɛɛs so, hang njwi hyep ɛhak?”

1 iTasɔlɔnika 4:13

Nigwaa en, sɔng njwii sim te ˆɛ sɛ tɔ ɛn gbyik daa ne ibol ninaa nɛ nibhɛ kɛ wum nwa da ndɔ ɛKiriti gha nang, kaabi ninaa nɛ nibhɛ kɛ kus so. Daa ɛli ne ˆaa yung bees ɛn irway tɛ ninaa ne hame nibhɛ kɛ sit irwisɛ da nibhɛ sɛ́ bhɛ shɛɛ ne ɛTaanggbey ya.

ɛLuka 22:61

ɛYɛso gha ne hyereey ɛ see ɛBiturus segha ne irwisɛ, ɛNggyɛy yo ne ɛBiturus sa ne ji taate ɛli ne ɛYɛso gha kɛɛ yaak ɛbhɛ, “ɛRom yaa yɔng te tɛpeey ɛdaan izenge, aa ne ton me ɛ te ɛtat.”

ɛLuka 7:12

Kɛ ne sɛ ɛYɛso gha kɛ tuu ɛnu ne izuk ɛgarang nga, ne ɛ sɛ nidɛng ninyi na bok ikom, nibhɛ wuusi nɛ ɛgarang nga. iKom be kaa ne so idee ɛdɛ ɛngɔn ɛphas de ne ɛbhɛ kaa ku soye ɛngɔn ɛdaan ɛgyinɛ. ɛGyinɛ gha kaa ne soyɛ ɛkusang. iDira ninyi de kaa ne so gbom nɛ nibhɛ kungus ikom be.

ɛLuka 7:14

ɛYɛso gha ne hyeete ɛbhɛ dat ifɛlɛng ngo ne ikom be sonɛ wo, ninyi na nɛ nibhɛ kɛ tɔɔk ikom be ne shii kyinak yak. Ne ɛ ji boote ne ikom be, ɛ yɔngɔ, “ɛNgɔn ɛphas! Nzi bokɛ, yilitsik.”

ɛLuka 11:1

Kaa ne sɛ ɛdɛ ɛtuk kɛ, ɛYɛso gha ne i bol ne ɛTaanggbey ɛdɛ ɛlɔ gha. Kɛ ne sɛ ɛ kɛ taal, ɛdɛ ɛngɔn ne icwam ɛbhɛ gha ne yaak ɛbhɛ, “ɛKyɛɛ ne iCwam, ma mɛmɛ njwi ne ɛroo gha te ɛli ne ɛYohana gha kaa mɛmɛ ninɔn ne icwam ɛbhɛ na nɛ wo.”

ɛLuka 11:39

iPhɛ ɛlɛy, ɛYɛso gha ne yaak ɛbhɛ, “Nyinɛn niFarisawa na, ɛ kuus ɛn ɛtsim ne ihyihyangas mon na gbik nɛ nikyee yɛ, ndɔ ne irway mon da ne ku bok sim ito ne ibebhe.

ɛLuka 12:42

ɛDaray ya ne kyii nɛ, ɛ yɔngɔ, “ɛHay ɛbhɛ so ɛkpuru ne itin na, ɛhaa ne ntsɛntsɛng ngaa? Ɛbhɛ soye ɛhaa ne ɛkyɛɛ ne ijwee ɛbhɛ gha kɛ nang ɛbhɛ irighitik ne wɛɛ ijwee, ɛ ji nang ɛbyin nikpuru na ɛkɔn ne re nibhɛ nten de ne yaa nang nibhɛ nɛ.

ɛLuka 17:6

ɛYɛso gha ne kyii nɛ, ɛ yaak nibhɛ, Ɛ sɛ kyi bok ɛn ìnang ne itin de ncɛncɛt te itsarak ɛ imɔsita, ɛ sɛ ne yaak ɛn gbaang ɛhon nɛwoo, “Yinɛ yɛ, ɛbhɛ see yɛ ndɔ ɛling, ɛ sɛ ne roos nyini nɛ.”

ɛLuka 18:6

ɛDaray ya ne ji yaak nibhɛ, “Yung phok ɛn ivol ɛhaa ne bol ɛshara gha ne ɛ sang bok ɛnik ɛTaanggbey yo ɛli lɛɛ!

ɛLuka 19:8

ɛZaka gha ne yilitsik ɛ yaak ɛDaray yegha, “Yaang ɛDaray! Naa hobhose iryat nge de ɛphaa, ne n bo ihop idaan n hosop nihala. Kang ne ɛlɛy gbik ɛnyi gha ne nggɛ phɔt ɛkɔn ɛbhɛ, naa ne tal ɛbhɛ, n da hante ɛbhɛ ne ɛte ɛnaas daa ɛkɔn na ne nggaa phɔt ɛlɔ ɛbhɛ gha.”

ɛLuka 24:3

Nibhɛ ne lel ndɔ ne ikpuu ba, sɔng nibhɛ ne yaang ikom ɛDaray ɛYɛso de nang.

ɛYohana 4:1

niFarisawa na ne kaa phok wu ɛYɛso gha sɛɛs ninyi ɛ ta i yaak nibhɛ ne ibatisima ɛ phyin ɛYohana yegha.

ɛYohana 6:23

iHwak ikparak ne le ɛgarang ne iTibari ifɛ kyinak cɛcɛk ɛlɔ gha ne ɛDaray ya kaa tɔɔrek ɛTaanggbey yegha irway da, daa ne ibɛrɛdi de ɛ ji nang idira ninyi de nibhɛ re wo.

ɛYohana 11:3

iPhɛ ɛlɛy yang, nigwaa ɛbhɛ na ne tom ɛYɛso yegha nɛ, nibhɛ yɔngɔ, “ɛDaray, ɛnyi mo gha ne ɛ sim mo ɛ so shwa.”