ɛLuka 5:1 - ɛWee ne ìTsɛm iHywas

¹ ɛDɛ ɛtuk ka, ɛYɛso gha kaa bhɛ kyinak ɛnu ɛRenes ne iJɛnasarɛt, idira ninyi de ne ma bhɛ tumɛy yɛ nibhɛ tenes ibol ɛTaanggbey de.

ɛLuka 5:1 ပူးပေါင်းရင်းမြစ်များ

ɛMarakus 3:9

Kɛ ne sɛ ɛYɛso gha yaang ɛli ne idira ninyi de kɛ kat ɛlɛ wo nang, ne ɛ yaak ninɔn ne icwam ɛbhɛ na wu te nibhɛ nang nge ɛkparak te lel nɛ ndɔ yɛ. Ɛ kaa mɔn ɛlɛ wo daa ɛli nɛ ninyi na kaa yaa phyii ɛbhɛ.

ɛMacu 14:34

Kɛ ne sɛ nibhɛ kɛ berey ɛrenes sa, nibhɛ ne tek nikɔn ne ivel ne iJɛnasarɛt.

ɛMarakus 6:53

ɛTsim mɛ ɛlɛy yang, nibhɛ ne bere ɛrenes sa nibhɛ phɛ ne idɛ ivel ba ne bok ifɛ iJɛnasarɛt, nibhɛ ji rop ɛkparak nibhɛ wo ɛnggyɛ yo.

ɛMacu 11:12

Kaa ne ku nten ɛYohana ne Yaak ne iBatisima de i phyii hɔn izenge wo, igbɔm ɛTaanggbey da i ne sɔ nggbang, ninaa ne baasek nggbang ngga nibhɛ bhɛ tɔk tɛ nibhɛ sɛɛ phɔt igbɔm ɛTaanggbey da ne ihwet.

ɛLuka 12:1

Kɛ ne sɛ idira ninyi de kɛ tumɛy gbom, nibhɛ phyii en, ɛYɛso gha ne tsa ɛ boote nɛ ninɔn ne icwam ɛbhɛ na, ɛ yaak nibhɛ, “Wɛɛ ɛn nyini yɛnɛng daa ne iyis niFarisawa de ne iphɛ so iluk ga.

ɛMarakus 5:24

ɛYɛso gha ne bo nikɔn ɛ kungus ɛnyi gha. Ninyi na gbom ne ma roos nibhɛ, nibhɛ ne phyii en.

ɛLuka 8:45

ɛYɛso gha ne phom, ɛ yɔngɔ, “ɛHay bhɛ kɛ dat me woo?” ɛRɔngɔ ne yɔng wu hang iyee, ɛBiturus sa ne shii yɔngɔ, “ɛDaray, nzo ninyi na kɛ pham mɛ, nibhɛ pharak kɛ.”

ɛMarakus 4:1

ɛYɛso gha ne ta tsa ɛ yaa mɛmɛ ninyi na nɛ ɛnu ɛLing ne iGalili gha dɔng. iDira ninyi de kaa ne kat gbom nibhɛ te ɛbhɛ ɛ lel ndɔ ne ikparak ɛ tul le kyaam ndɔ inɛn ɛ soos nɛ, ninyi na ne ji sooset ɛnu ne ihywel la.

ɛLuka 5:2

ɛYɛso gha ne yaang ikparak ifaa ɛnu renes sa, nɛ ninaa ne lok izing kɛ tek ngɛ, nibhɛ yung bhɛ kuus ikpara nibhɛ.

ɛLuka 8:22

ɛDɛ ɛtuk ka, ɛYɛso gha ne yaak ninɔn ne icwam ɛbhɛ na, “Njwii ɛn te phɛ gɔɔ ne ihwak ikpang ɛling ngo.” iPhɛ ɛlɛy nibhɛ ne leesel ndɔ ne ikparak, nibhɛ bo nikɔn, nibhɛ phɛɛs.

ɛLuka 8:23

Kɛ ne sɛ nibhɛ so ne ihywel ba, ɛYɛso gha ne wum nwa. ɛDɛ ɛgbaang ne igbil ne shii wuru, ifɛ ne yaa bɛm inɛn ba mpɛ ne i leesel ndɔ ne ikparak ko coroo, ɛbhɛ ne yaa mɔn te ɛbhɛ yaa rene, nibhɛ ne lel ɛnu ne itsenes.

ɛLuka 8:33

niPhoo na ne wuru ndɔ ɛnyi gha, nibhɛ ne bhɛ lel ndɔ ne itsɔɔm ba, iTsɔɔm ba ne tel, dudul, ifɛ bhɛ hoghɛse ndɔ ɛling, ifɛ kus.

ɛYohana 1:40

ɛDɛng ndɔ nyini na nɛ nibhɛ kaa phok ibol ɛYohana de nibhɛ roos ɛYɛso yegha kaa ne so ɛNdarawus, ɛgwaa ɛSimɔn ɛBiturus.

ɛYohana 6:1

Kɛ ne sɛ nituk ka kɛ booy yɛ ncɛt, ɛYɛso ne berey ɛLing ne iGalili gha, ne kaa ta i bok ɛbhɛ ɛLing iTibari sa.

iBirani 13:7

Taate ɛn nɛ nindiinday mon na nɛ nibhɛ kɛ tɔng nyini ibol ɛTaanggbey de. Wɛɛ ɛn ishwɛɛ nibhɛ da, wɛɛ ɛn ɛli nɛ nibhɛ kaa taal. Roos ɛn ihywee ne ìnang ne itin nibhɛ de.