ɛLuka 3:3 - ɛWee ne ìTsɛm iHywas

³ ɛYohana gha kaa phɛ ndɔ nigarang nga nɛ nibhɛ tes iHywel ne iWurudun no gyɔɔ wo, ɛɛ tɔng ninyi na ibol ɛTaanggbey de, ɛ bok nibhɛ, “Tek ɛfɔt mon no ɛ san ɛn ɛbɔk, te ne yaak nyini ne ibatisima de, ɛTaanggbey ya yaa ne han nyini ne ɛfɔt mon no.”

ɛLuka 3:3 ပူးပေါင်းရင်းမြစ်များ

ɛMacu 3:11

Nzi yaak nyini ne ibatisima de ne inɛn te i tɔɔrek wu ɛ kɛ san ɛn ɛbɔk ka. Ɛdɛ ɛnyi gha ne yaaso, ɛtsim nge ne ɛ phyin me, sɔng nggɛ ma yung hɔn nzɛɛ boos ɛbhɛ ikpikpangat ɛbhɛ nang. Ɛbhɛ ɛ sɛ ne ji yaak nyini ne ibatisima idee ne iKabyik ɛTaanggbey ne igboo.

ɛLuka 1:16

Ɛ se ne te niSɛrɛla na gbom nibhɛ kyii ndɔ ɛTaanggbey ya.

ɛLuka 1:77

Te ɛ tɔng ninyi ɛbhɛ na ɛ yaak nibhɛ wu sɛ phɔt nibhɛ, nten de ne kɛ hana nibhɛ ne ɛfɔt nibhɛ wo.

ɛLuka 4:1

ɛYɛso gha kaa ne tek iHywel ne iWurudun no ne iKabyik ɛTaanggbey de hyɔrɔ ndɔ ɛbhɛ. iPhɛ ne ji bo ɛbhɛ, iphɛ phɛ nɛ ndɔ ɛhay.

ɛYohana 1:28

Kaa ne mɔn nikɔn nɛnaa wo ɛgarang ne iBɛtani ne ɛ so ne ikpang iHywel ne iWurudun, ɛlɔ gha ne ɛYohana gha kaa Yaak ne iBatisima de.

ɛYohana 3:26

iPhɛ ɛlɛy yang, ninɔn ne icwam ma ne phɛ ɛlɔ ɛYohana gha nibhɛ bhɛ yaak ɛbhɛ, “ɛKyɛɛ ne icwam! ɛNyi gha ne ɛ kɛɛ so ɛn ne ɛbhɛ wo gɔɔ ne ikpang iHywel ne iWurudun no nang; ɛnyi gha ne ɛ kɛɛ mɔng njwii ibol ɛbhɛ de. Ɛ kɛ ma yaa yaak ninyi na ne ibatisima de, ɛrɔngɔ kɛ ne yaa phɛɛs ɛlɔ ɛbhɛ.”

ɛTomɛ 13:24

Ɛli ne ɛYɛso gha kɛ ne tɔ tang yɛɛs so, ɛYohana gha kɛ sanga ninyi niSɛrɛla na gbik ibol ɛTaanggbey de, wu te nibhɛ san ɛbɔk te yɛk nibhɛ ne ibatisima.

ɛTomɛ 19:4

ɛBulus sa ne yaak nibhɛ, “ɛYohana gha kaa yaak ninyi na nɛ nibhɛ kɛ san ɛbɔk ne ibatisima de. Ne ɛ ji yaak ninyi na wu tɛ nibhɛ nang ne itin nɛ ne ɛdɛ ɛnyi gha ne ɛ yaaso ɛtsim ɛbhɛ, kaabi ɛ bo wu ɛYɛso.”

ɛTomɛ 22:16

iKyee ne ɛ tɔɔ hyep bhe? Yilitsik te i yɛk kɛ ne ibatisima de te kuus ɛfɔt mo lenɛ ne yel-le irywɛɛk ɛDaray yo.’