ɛLuka 22:52 - ɛWee ne ìTsɛm iHywas

⁵² ɛTsim mɛ ɛlɛy yang, ɛYɛso gha ne ji boote nɛ nindiinday nibo ɛTaanggbey ya, nɛ ninaa ne hyep ideng nga, gbik nɛ ninu nikɔɔn na nɛ nibhɛ kɛ yɛɛs ne wum ɛbhɛ wo, ɛ yaak nibhɛ, “Ɛ kɛ bhɛ wuusi ɛn nɛ nibara ne ncwɛng ɛ yaaso ɛn nɛ ɛli te nzo ɛsas lɛɛ?

ɛLuka 22:52 ပူးပေါင်းရင်းမြစ်များ

ɛLuka 22:4

ɛYahuza gha ne bhɛ sɛ nindiinday nibo ɛTaanggbey ya nɛ ninaa ne wɛɛ iDeng nga, nibhɛ ne bol lenɛ ɛli ne aa rɛp nibhɛ ne ɛYɛso gha.

ɛTomɛ 5:26

iPhɛ ɛlɛy ɛndiinday ninaa ne hyep pa nɛ ninaa ne hyep iDeng nga ne bhɛ bo ninɔn ne tom ma nibhɛ yɛɛs nɛ. Sɔng nibhɛ kaa ne bhɛ bo ihwet tang daa ɛli nɛ nibhɛ kaa phok ɛnik ɛlɔ nɛ ninyi na ya yung phengɛ nibhɛ.

ɛYohana 17:12

ɛLi ne nggaa sonɛ nibhɛ wo, nggaa ne kyɛngɛse nibhɛ, ne n wɛɛ nibhɛ yɛnɛng lenɛ ne ihwet da irywɛɛk mo wo ne ɛ kɛ nang me wo bok. Sɔng ɛdɛng kɛ ne birit tang, kang ne ɛhaa ne kaa ku yɔngɔ ɛ sɛ birit to, te shwaak ɛwee ne iBol ɛTaanggbey yo.

ɛMacu 26:55

ɛYɛso gha ne boote ne idira ninyi de, ɛ yaak nibhɛ, “Ɛ kɛ bo ɛn ihywa nɛ nikɔn ne itsom, ɛ yɛɛs ne wum ɛn mɛɛn nɛ te nzo ɛhaa ɛyi naa? Nggɛ shɛɛ ɛbɛ wo nɛ nyinɛn ndɔ ne iDeng ngge cɛcɛɛy nzi mɛmɛ ninyi na nɛ, sɔng ɛ kɛ wum ɛn mɛɛn nang.

ɛMacu 26:47

Kɛ ne sɛ ɛYɛso gha ne tɔ ndɔ ne ivol da, ɛYahuza gha ne ɛ kaa so ɛdaan ndɔ ninɔn ne icwam ɛnduwubɔ nɛ ninyi ifaa ɛYɛso gha ne i tuu ne ɛgbaang ne idira ninyi nibhɛ bok ihywa nɛ nikɔn ne itsom. Nindiinday nibo ne niYahodawa na, nɛ nindiinday ne igbagha nibhɛ bhɛ kaa tom nibhɛ.

ɛLuka 22:37

Nzi ne bok nyini, ibol de ne kɛ ku haa ndɔ ne iwee ne ibol ɛTaanggbey yo i bo, ‘Kɛ byinki ɛbhɛ ndɔ ninaa ne ɛfɔt,’ kɛ ne shwaak ghe daa mee, ɛli ne iphɛ so nggbinggbing i shwaak ɛkɔn na ne kɛ ku haa wo daa me wo.”

ɛLuka 22:51

ɛYɛso gha ne yaak nibhɛ, “Tek ɛn ɛlɛy!” Ne ɛ ji yɛɛn itsoro ɛnyi wo ne kɛ tɛmɛ wo ɛ dad ifɛ ɛ te ifɛ ikpen.

ɛLuka 22:53

Nggɛ shɛɛ ɛbɛ wo nɛ nyinɛn ndɔ ne iDeng ngge cɛcɛɛy, sɔng ɛ kɛ ne ku yɔng aa wum ɛn mɛɛn nang. ɛLyilyɛghaa wo iphɛ ne ji so nten mon, nten de ne igbyik ge iphɛ i re igbɔm ba.”