ɛLuka 2:7 - ɛWee ne ìTsɛm iHywas

⁷ ne ɛ yɛk ɛngɔn ne ilyilyap ɛbhɛ ɛ ɛras sɛ, ɛ cwamas ɛbhɛ ne ishɛrɛp ne itsura, ɛ ji laasek ɛbhɛ ndɔ ne ikparak ne mɛɛ ᐩigyol lɛ, daa ɛli ne hame nibhɛ kaa sɛ izuk ndɔ ɛlɔ ne say ninaa ne kpoo na.

ɛLuka 2:7 ပူးပေါင်းရင်းမြစ်များ

ɛMacu 1:25

Sɔng ne ɛ ra ne ɛMɛri gha nang, nibhɛ ku shɛɛ ɛlɛ wo ɛMɛri gha phyii yɛk ɛngɔn ɛras ɛbhɛ gha. Kɛ ne sɛ ɛ kɛ yɛk ko, ɛYisifu gha ne ji nang ɛbhɛ irywɛɛk ko ɛ yaak ɛbhɛ ɛYɛso.

ɛMacu 13:55

Sɔng ɛbhɛ ɛ so ɛngɔn ɛhaa ne gangat nikɔn ta nang nge? Sɔng i bok ɛgyinɛ gha ɛMɛri nang? Sɔng ne ɛ so ɛgwaa ɛYakub, ne ɛYisifu, ne ɛSimɔn gbik ne ɛYahuza nang nge?

ɛMacu 8:20

ɛYɛso gha ne yaak ɛbhɛ, “Nikwiy ya bok ivong, ninon ɛdaa ne irywa na ne bok niryee, sɔng ɛNgɔn ɛNyi gha ne ɛ bok ɛlɔ ne aa phɔng ngɛ nang.”

ɛLuka 10:34

Ne ɛ phɛ ɛlɔ ɛbhɛ, ɛ bo inɔɔy ne inɛn ɛnap ɛ yɛk ne inuu ɛnyi de, ɛ rop. Ɛ ji bo ɛbhɛ daa ne ɛjaakyi ɛbhɛ, ɛ phɛɛ nɛ ne ijwee ne saasel ninaa ne kpoo nɛ, ɛbhɛ wɛɛ ɛbhɛ.

ɛLuka 2:6

Kaa ne sɛ nibhɛ so ne iBatalami de nang, nituk ne yɛk ɛMɛri gha ne i tuu,

ɛLuka 2:8

Ne ivel lɛbaa nggyɛ wo nang, nidɛng ninaa ne hyep ᐩigyol la kaa ne so ndɔ ɛhay nibhɛ wɛɛ ᐩigyol nibhɛ, ne ɛtuk.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.