ɛLuka 2:11 - ɛWee ne ìTsɛm iHywas

¹¹ iZenge wo ndɔ ɛgarang ɛgɔm ɛDoda gha, kɛ yɛk nyini ɛhaa ne phɔt ɛzay. Ɛbhɛ soye ɛDaray ɛKiriti gha.

ɛLuka 2:11 ပူးပေါင်းရင်းမြစ်များ

ɛMacu 1:21

Aa ne yɛk ɛngɔn ɛras, ɛ sɛ ne yaak ɛngɔn nɛ ɛYɛso, daa ɛli ne ɛbhɛ sɛ phɔt ninyi ɛbhɛ na ndɔ ne ɛfɔt nibhɛ wo.”

ɛTomɛ 2:36

“iPhɛ ɛlɛy, tɛ niSɛrɛla na gbik ne seng ncɛncɛng, ɛTaanggbey ya kɛ yɛk ɛYɛso yɛghaa wo nɛ ne ɛ kaa gangat ɛn no ɛbhɛ teye ɛDaray ya ne ɛKiriti gha.”

ɛMacu 16:16

ɛSimɔn ɛBiturus sa ne kyii nɛ ɛ yɔngɔ, “iGyɛ ɛ soyɛ ɛKiriti, ɛNgɔn ɛTaanggbey ne iken.”

ɛLuka 1:43

iKyee iphɛ kɛ te nggɛ ji sɛ ndiinday yɛdee wo, ne ɛgyinɛ ɛDaray nge gha yaa yɛɛs ɛlɔ ngeghaa?

1 ɛYohana 5:1

Gbik ɛnyi gha ne ɛ kɛ nang ne itin nɛ wu ɛYɛso gha ɛbhɛ ɛ soye ɛKiriti gha, ɛnyi yɛghaa nggyɛ wo ne soye ɛngɔn ɛTaanggbey. Gbik ɛnyi gha ne ɛ ne sim ɛTaa yegha, ɛ ne ma sim ɛNgɔn na.

iFilibi 2:11

Tɛ ilwem ba gbik nang ishɛɛda wu, ɛYɛso ɛKiriti gha ɛbhɛ ɛ soye ɛDaray ya. Te ne nang ɛTaanggbey ye ne ɛ soye ɛTaa ne ndiinday.

ɛYohana 4:42

nibhɛ ne yaak ɛkuk ka, Sɔng njwi kɛ nang ne itin nɛ wo daa ɛkɔn na ne ɛ kɛ mɔng njwii wo nang, njwi kɛ nang ne itin nɛ daa ɛli njwit ne ito mos, njwi kɛ phok ɛbhɛ, njwi kɛ ne ji seng ɛtsak ɛbhɛ ɛ soye ɛHaa ne Phɔt ɛZay ya.

ɛLuka 2:4

ɛYisifu gha kaa ne ma bo nikɔn ne iNazarat ne ɛ so ne ivel ne iGalili, ɛ phɛ ne iBatalami ne ɛ so ne ivel ne iYahudiya, ne ɛ kaa ne soye ɛgarang ɛgɔm ɛDoda. ɛYisifu gha kaa ne phɛ ɛnggyɛ daa ɛli ne ɛ kaa so ɛhaa ne ijwee ɛDoda gha.

ɛMacu 1:16

ɛYakub pa ne yɛk ɛYisifu ye, ɛYisifu gha ne ɛ so ɛ̀ras ɛMɛri gha ne ɛbhɛ so ɛgyinɛ ɛYɛso gha ne i bok ɛbhɛ ɛKiriti gha.

1 iKɔrɔntos 15:47

Ɛnyi ɛyisɛ gha kaa le ɛzay yeghaa, kaa ne ryɔng ɛbhɛ ne ne ivel. ɛHaa ne ifaa gha kaa ne le daa ne irywa.

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

ɛYohana 20:31

Kɛ ne haa ninaa wo te ɛ nang ɛn ne itin wu ɛYɛso gha ɛbhɛ soye ɛKiriti gha, ɛNgɔn ɛTaanggbey ya. Te ne ji lenɛ ne itin de ne ɛ kɛ nang ɛn ne ɛbhɛ wo, ɛ sɛ ɛn iken ndɔ ne irywɛɛk ɛbhɛ wo.

1 ɛYohana 4:14

Njwi kaa ne yaang njwi ne tɔng ninyi wu ɛTaanggbey ya kɛ tom ɛNgɔn ɛbhɛ te ɛ teye ɛHaa ne Phɔt ɛzay ya.

ɛYohana 1:45

ɛFilibus sa ne bhɛ sɛ ɛNatanyɛl le ɛ yaak ɛbhɛ, “Njwi kɛ sɛ ɛnyi gha ne ɛMuusaa gha kaa haa ibol ɛbhɛ de ndɔ ɛShara gha niNabawa na ma ta haa wo, ɛYɛso ne iNazarat ta ne ɛ soye ɛngɔn ɛYisifu gha.”

ɛTomɛ 17:3

Ɛ kpɛl nibhɛ nɛ, ɛ tɔɔsel nibhɛ ɛli ne phɛ ku so nggbinggbing ɛKiriti gha sɔ nggbang ngga ɛ kyi ta yilitsik ne ikpuu da. Ne ɛ ta yaak nibhɛ, “ɛYɛso yeghaa wo ne nzi tɔng nyini ibol ɛbhɛ de, ɛbhɛ so ɛKiriti gha.”

ɛTomɛ 5:31

ɛTaanggbey ya ne nang ɛbhɛ ne nindiinday, ɛ tek ɛbhɛ ne iwɔ ne irwye ɛbhɛ, ɛ teye ɛndiinday ne ɛhaa ne phɔt, te ne lenɛ ɛlɛy niSɛrɛla na san ɛbɔk i hana nibhɛ ne ɛfɔt nibhɛ wo.

ɛYohana 6:69

Njwi kɛ ne nang ne itin nɛ, njwii ne ta yɛɛ wu igyɛ soyɛ ɛNyi ɛTaanggbey ne kɛ Tul Kang.”

ɛYohana 1:41

ɛNdarawus sa ne bhɛ sɛ ɛgwaa ɛbhɛ ɛSimɔn ne ɛ yaak ɛbhɛ, “Njwi kɛ ji sɛ ɛKiriti yegha,” ne i ta bok ɛbhɛ, “ɛMɛsaya gha.”

ɛMacu 16:20

ɛYɛso gha ne kpɛng ninɔn ne icwam ɛbhɛ na wu hang nibhɛ mɔng ɛnyi wu iyee i soye ɛKiriti gha.

iKɔlɔsi 2:6

ɛLi ne ˆɛ kɛ ku say ɛn ɛYɛso ɛKiriti yegha wu ɛ soye ɛDaray mon na, ne ˆɛ re ɛn ɛnu ɛyisɛ ne shɛɛ ndɔ ɛbhɛ.

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,

ɛYohana 11:27

ɛMata gha ne kyii nɛ ɛ yɔngɔ, “Ɛɛy ɛDaray yɔɔy, nggɛ nang ne itin nɛ, igyɛ ɛ soyɛ ɛKiriti gha, ɛNgɔn ɛTaanggbey ya ne njwi ku hyep iyɛɛs ɛbhɛ da.”

ɛYohana 7:41

Nidɛng ne yɔngɔ, “Ɛbhɛ so ɛKiriti gha.” Nidɛng ne kyii ta yɔngɔ, “ɛKiriti gha yaa mɔn ɛli ɛ le ne iGalili dee?”

ɛLuka 2:26

iKabyik ɛTaanggbey de kaa ne ku tɔɔl ɛbhɛ, wu hang ɛ sɛ ku tang yaang ɛKiriti yegha ne ɛDaray ya kaa ku sim-mɛ wo.

ɛLuka 1:69

Ɛ kɛ ne nang njwɛɛn ɛgbaang ɛnyi ne phɔt, ne ɛ le ne icwaang ɛkpuru ɛbhɛ ɛDoda.

ɛYohana 4:25

ɛKuk ka ne yɔngɔ, “Nzi yɛɛ ɛMɛsaya gha ne i ta bok ɛbhɛ ɛKiriti, sɛ yɛɛs. Sɛ́ ne sɛ ɛ kɛ yɛɛs so, ɛ sɛ ne i tɔng njwii nikɔn na gbik.”

ɛTomɛ 13:23

“Ndɔ ne ihywee ɛDoda de ne ɛTaanggbey ya kɛ ne yɛɛs niSɛrɛla na ne ɛhaa ne phɔt ta, ɛYɛso gha, ɛli ne ɛ kaa ku sim-mɛ wo.