ɛLuka 18:9 - ɛWee ne ìTsɛm iHywas

⁹ ɛYɛso gha ne ta bol daa ne ito ninyi na nɛ nibhɛ tɔɔsek itso nibhɛ da, nibhɛ ta i bɛɛs nigwaa nibhɛ na ndɔ ne ibol ne igɔrɔp pɛdee bɛ,

ɛLuka 18:9 ပူးပေါင်းရင်းမြစ်များ

ɛLuka 16:15

Ne ɛ yaak nibhɛ, “Nyinɛn ɛ bo ɛn tɛ ninyi na ji ton nyini wo nang? ɛTaanggbey ya yɛɛ ɛduk ne irway mon ba gbik. Nikɔn na nɛ ninyi na ji wɛɛ tɛ nibhɛ so ɛkɔn na, nibhɛ ne so ɛkɔn ne ishis ɛnu ɛyisɛ ɛTaanggbey ya.”

iRooma 10:3

Ɛli nɛ nibhɛ doo ɛnkiinɛ wo ne ɛTaanggbey ya say ninyi na nɛ wu nibhɛ so cik ko, nibhɛ ne ji kyangase nɛ tɛ nibhɛ tum ɛwoo nibhɛ ɛnkiinɛ ne yaa say nibhɛ nɛ wu nibhɛ so cik ɛnu ɛyisɛ ɛTaanggbey ya. iBol lɛ kɛ ne te nibhɛ sang nang ito nibhɛ ndɔ ne ɛnkiinɛ wo ne ɛTaanggbey ya i say ninyi na nɛ wu nibhɛ so cik ko.

iRooma 14:10

iGyɛ wo, ikyee iphɛ kɛ te ɛ kɛ hyɛ ɛgwaa mo gha ɛshara ghaa? Hang ikyee iphɛ kɛ te ɛ bɛɛs ɛgwaa mo ghaa? Nzo njwɛɛn no gbik sɛ bhɛ soos ɛnu ɛyisɛ ɛTaanggbey ne ɛbhɛ sɛ bhɛ bol njwɛɛn ɛshara gha.

ɛLuka 7:39

Kɛ ne sɛ ɛFarasii gha ne ɛ kɛ yel-le ɛYɛso yegha kɛ yaang ɛlɛ wo, ne ɛ wungare ndɔ ɛbhɛ ɛ yɔngɔ, “Sɛ yɔng ɛnyi yɛghaa wo so ɛNɛbi gha ɛtsak, ɛ sɛɛ ne seng ihywee de ne ɛ ɛkuk kɛghaa wo so, ne ɛ darat ɛbhɛ wo. Ɛ sɛ ne seng ɛli ne ɛ ku so ɛhaa ne ɛfɔt ta.”

iRooma 7:9

Nggaa so ɛken ɛli ne nggɛ tang seng iMɛmɛ ɛMuusaa da, kɛ ne sɛ nggɛ seng ikpii ne iMɛmɛ da, ɛfɔt to ne yɛk ihwet ndɔ nge de ɛbhɛ yɛɛs me ne iku.

ɛLuka 19:7

Gbik ninyi na nɛ nibhɛ kɛ yaang ɛlɛ wo, nibhɛ ne yaa wunga ndɔ nibhɛ, nibhɛ bo, “Ɛ kɛ lel ndɔ ne ijwee ɛhaa ne ɛfɔt.”

ɛLuka 18:11

“ɛFarasii gha ne kyinak tsik, ɛ tɔɔk ito ɛbhɛ, ɛ boote ne ɛTaanggbey ya ɛ yɔngɔ, ‘ɛTaanggbey, N bok irway ihwala ne igyɛ. Sɔng nzo te ɛbyin ninyi na nang. Sɔng nzi ne hyel ɛyi nang; sɔng nzi ne luk ɛnyi nang. Sɔng nzi ne sang hyel cik ndɔ ne ikpii ne tom ɛyɛl nge nang. Sɔng ne nzo te ɛhaa ne saasel ijam ne ivel lɛghaa nggyɛ wo nang!

ɛTomɛ 22:21

“ɛDaray ɛTaanggbey ya ne yaak me, Yilitsik ɛ hyel, naa tom mɛ kyakyak ɛlɔ ninyi na ne hame nibhɛ so niYahodawa.”

ɛYohana 9:34

Nibhɛ ne kyii nɛ nibhɛ yaak ɛbhɛ, “iGyɛ ne kɛ ma yɛk kɛ ɛ bok ɛfɔt, ɛ phyii hɔn ndɔ ne ɛfɔt to, aa ne mɔn ɛlii ɛ mɛmɛ njwii nɛ nikɔn naa?” Nibhɛ ne tul ɛbhɛ gɔɔ ne izay ne itɔɔy yo.

ɛYohana 9:28

Nibhɛ ne toke ɛbhɛ nibhɛ yɔngɔ, “iGyɛ ɛ so ɛngɔn ne icwam ɛnyi yɛghaa nggyɛ wo, njwi so ninɔn ne icwam ɛMuusaa!

ɛYohana 8:48

niYahodawa na ne yaak ɛYɛso yegha, “Sɔng ibol mos de so itin nɛ ne njwi kaa yɔng wu ɛ soyɛ ɛnyi ne iSamariya gha, ɛphoo gha ta so ndɔ mo de nang nge?”

ɛLuka 15:2

niFarisawa na nɛ Ninaa ne Kpɛl ɛShara gha ne yaa wunga ndɔ nibhɛ, nibhɛ bo, “ɛNyi yɛghaa wo kɛ wum ìtsɛm nɛ ninaa ne ɛfɔt, ɛɛ re ire nɛ nibhɛ.”

ɛLuka 10:29

ɛNyi gha ne jung sim aa tɔɔrek wu i ku so cik, iphɛ ɛlɛy yang, ne ɛ yaak ɛYɛso yegha, “ɛHay ɛbhɛ ne ji so ɛgwaa ngeghaa?”

iRooma 14:3

ɛNyi gha ne ɛɛ re nikɔn na gbik ko, sɔng ne ɛ bɛɛs ɛnyi gha ne ɛ sang re wo nang, ɛlɛy ne ɛnyi gha ne ɛ ne re ivee da, sɔng ne ɛ hyɛ ɛnyi gha ne ɛ re nikɔn na gbik ko ɛshara nang daa ɛli ne ɛTaanggbey kɛ ku say ɛbhɛ.