ɛLuka 17:4 - ɛWee ne ìTsɛm iHywas

⁴ Ɛ sɛ kyi bees sɛ nɛ ɛtuk ɛdaan ɛ tenɛ ɛniitaa, ɛ ma roro yɛ ɛlɛy, hana ɛbhɛ nɛ.”

ɛLuka 17:4 ပူးပေါင်းရင်းမြစ်များ

iRooma 12:20

Yang mɔn ɛli ne ɛWee ne iBol ɛTaanggbey yo i bo, “Wu ɛhaa ne iphup mo gha so ikpyak, nang ɛbhɛ ire. Wu irway ɛbhɛ i has, nang ɛbhɛ inɛn ne sɔ. Wu ɛ kɛ mɔn ɛbhɛ ɛlɛ wo, iphɛ so te ɛ hanas ɛbhɛ ne itseeng ne igboo daa ne ito ɛbhɛ.”

ɛMacu 6:12

Hana njwii ne ɛfɔt mos so, ɛli ne njwi kɛ ma hana ninaa nɛ nibhɛ kɛ mɔn njwi ɛfɔt to nɛ wo.

ɛMacu 18:35

Ɛlɛy, ne ɛKyɛɛ nge gha ne ɛ so daa ne irywa wo yaa ne mɔn gbik ɛnyi gha ne ɛ kɛ mbaray tang hana ɛgwaa ɛbhɛ gha nɛ ndɔ ɛkyikyum ne irway ɛbhɛ gha.”

ɛMacu 18:16

Wu ɛ kɛ ne bhɛ shɛɛ tang phok kɛ, ne ɛ bo ɛnyi ɛdaan, hang ifaa yɔɔ ɛ phɛ nɛ, daa ɛli ne ɛWee ne iBol ɛTaanggbey yo i bo, ‘Wu i lenɛ ne ibol ninyi ifaa, hang itwat yɔɔ ne ryɔng ibol de.’

ɛMacu 5:44

Mee wo nzi ne bok nyini, sim ɛn ninaa ne iphup mon na, te ɛ bol ɛn ne ɛTaanggbey daa ninaa nɛ nibhɛ baasek nyini nggbang ngga.

ɛLuka 17:5

Ninɔn ne tom ma ne yaak ɛDaray yegha, Tɔɔrek Njwii ɛli ne njwi yaa hante ne ìnang ne iTin mos de.