ɛLuka 17:1 - ɛWee ne ìTsɛm iHywas

¹ ɛYɛso gha ne yaak ninɔn ne icwam ɛbhɛ na, “iPhɛ so nggbinggbing nikɔn na nɛ nibhɛ te ɛnyi gha mɔn ɛfɔt to yɛɛs, ne so ɛkɔn ne ɛnik daa ɛnyi gha ne aa te nikɔn nɛnaa wo yɛɛs so.

ɛLuka 17:1 ပူးပေါင်းရင်းမြစ်များ

ɛMacu 18:7

“ɛKɔn ne ɛnik daa ninaa ɛzay ya daa nikɔn na nɛ nibhɛ te ninyi na mɔn ɛfɔt to! iPhɛ ku so nggbinggbing nikɔn ne ɛfɔt ta yɛɛset, ne so ɛhaa ɛkawɛy yaa nggyɛy ne ɛbhɛ ɛ kɛ yɛɛset nɛ nibhɛ!”

1 iKɔrɔntos 8:13

iPhɛ ɛlɛy, wu ire de iphɛ ne te ɛgwaa gha ne ɛ so ɛhaa ne roos sa mɔn ɛfɔt to, sɔng na ne tang re inwam nang, ɛlɔ ne naa yung te ɛdɛ ɛgwaa gha ne ɛ so ɛhaa ne roos sa mɔn ɛfɔt.

iRooma 14:13

iPhɛ ɛlɛy, nɛ njwɛɛn kɔɔng hyɛghɛ nigwaa njwɛɛn na ɛshara gha. Yang ku ryɔng ɛn irway mon ɛli ne hame aa te ɛn ɛnyi gha ɛ kyibhɛ ɛ ta mɔn ɛfɔt.

1 iKɔrɔntos 11:19

iPhɛ so ngbingbing i sɛ ihosop en da ndɔ mon no te sɛ seng ninyi na nɛ nibhɛ kɛ hɔn sɛɛ kyinak daa ne ibol nibhɛ ndɔ mon no.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

ɛMacu 16:23

ɛYɛso gha ne hyereey ne ɛ yaak ɛBiturus segha, “Cwi gɔɔ ɛbɛ wo ɛShɛtan ɔɔy! ˆƐ sim aa teyɛ ikɛɛ ne ɛkɔn ne kyibhɛ nge, sɔng icwas sɛdaa wo le ɛlɔ ɛTaanggbey yang, ifɛ le ɛlɔ ɛten ɛsii.”

1 iKɔrɔntos 10:32

Sɔng ɛ te ɛn nyini ɛkɔn na nɛ niYahodawa na, nɛ ninyi ne hame nibhɛ soye niYahodawa na gbik ne idira ninaa ne roos ɛTaanggbey yegha yaa yaang nibhɛ mɔn ɛfɔt to nang.

Nikɔn ne kɛ Phaal 2:14

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Nidɛng sonɛ ndɔ mon no nɛ nibhɛ kɛ roos ihywee ne imɛmɛ ɛBalamu, ne ɛ kaa mɛmɛ ɛBalak ghe nɛ ɛ te niSɛrɛla na mɔn ɛfɔt, nibhɛ re ire ne kɛ hap igunkyi ne itsanga, nibhɛ ta i ra nzangas.

Nikɔn ne kɛ Phaal 2:20

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Ɛ kɛ sim ibol ɛkuk ge ne i bok ɛbhɛ ɛJɛjɛbhɛl la, ne ɛ yeres ito ɛbhɛ de ɛnɛbi gha. I lenɛ ne imɛmɛ ɛbhɛ ne ɛ dyɛɛl nikpuru nge na nibhɛ ra nzangas, nibhɛ ta hap igunkyi itsanga.

ɛLuka 16:31

“ɛBaraying nga ne yaak ɛbhɛ, wu nigwaa mo na kɛ sang tenes ibol ɛMuusaa de ne idee ninabawa de, sɛɛ ne kyi yɔngɔ ɛnyi gha le ndɔ ne ikpuu da ɛ phɛ wo, sɔng nibhɛ yaa ne jung bhɛ tenes ɛbhɛ nang.”

1 ɛTimɔti 4:1

iKabyik ge kɛ ku mɔng wɛsɛrɛk wu sɛ́ sɛ nten ɛtsim be, nidɛng ninyi na sɛ ne hana ìnang ne itin nibhɛ de nibhɛ roos ikpabyik ne wul irywɛɛk gbik nɛ nikɔn na nɛ niphoo i mɛmɛ nɛ.