ɛLuka 12:4 - ɛWee ne ìTsɛm iHywas

⁴ “Nzi tɔng nyini, nisaa nge, sɔng ˆɛ phok ɛn ɛnik ɛnyi wo ne aa phoo ibek ge ɛ sang tang yɛɛ ne mɔn ɛkɔn na ne ɛ phyin ɛlɛ wo nang.

ɛLuka 12:4 ပူးပေါင်းရင်းမြစ်များ

ɛMacu 10:28

Sɔng ne ɛ phok ɛn ɛnik ninyi wo nɛ nibhɛ sɛ phoo ibek ge, nibhɛ sang ji yɛɛ ne phoo iken de nang. Yang phok ɛn ɛnik ɛnyi ne aa yɛɛ ne bees ibek ge gbik ne iken de ndɔ ne ijwee ne igboo wo.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

iFilibi 1:28

Sɔng ˆɛ phok ɛn ɛnik ninaa ne iphup mon na nang, yang kyinak ɛn ne irway nviit. ɛBɛ wo kɛ tɔɔrek ncɛncɛng wu nibhɛ ne sɛ bees so, i ji phɔt nyini wo daa ɛli ne ɛTaanggbey ya ɛbhɛ so ɛhaa ne nang ɛwɛng nga.

1 ɛBiturus 3:14

Gbik ne iphɛ ɛlɛy, wu ɛ kɛ sɔ ɛn nggbang ngga daa ɛli ne ɛ so ɛn cik ko, aa ne sɛ ɛn ɛwɛng. iPhɛ ɛlɛy, sɔng ne ɛ phok ɛn ɛnik ko nang, sɔng ne ɛ sap ɛn ɛkɔn nang.

ɛYakub 2:23

ɛBɛ wo ne kɛ ne shwaak ɛWee ne iBol ɛTaanggbey yo ne iphɛ bo, “Daa ɛli ne ɛBaraying nga kaa nang ne itin nɛ ne ɛTaanggbey, ɛTaanggbey ya ne say ɛbhɛ wu ɛ so cik.” iPhɛ ne te i yel-le ɛbhɛ ɛtaay ɛTaanggbey.

ɛTomɛ 20:24

Gbik ne iphɛ ɛlɛy, sɔng nggɛ ne bo iken nge ɛnu ɛkɔn nang wu naa yang yɛɛ ne taal ɛtomɛ gha ne ɛDaray ɛYɛso gha kɛ yɛk me nɛ wo, ɛtomɛ ne tɔng ninyi na ibol iyɛnɛng ne izɛɛng ɛTaanggbey de.

ɛTomɛ 4:13

iTɔrɔng ngge ne yaang irway nviit ɛBiturus da ne ɛYohana gha, nibhɛ ne ta yɛɛ ɛli nɛ nibhɛ so ninyi nihala, sɔng nibhɛ kɛ bol icwam, nibhɛ ne wum en zii, nibhɛ ne ji seng wu ninyi yɛnaa kaa so en nitaay ɛYɛso.

ɛYohana 15:13

iShwim ba ne ifɛ shɛɛ so ne ɛnyi yaa tɔɔrek nitaay ya ifɛ so ɛlɛ; te ɛ nang iken ɛbhɛ ɛlɔ nibhɛ.