ɛLuka 11:54 - ɛWee ne ìTsɛm iHywas

⁵⁴ nibhɛ i ten ɛbhɛ, nibhɛ sim te ɛ sɛ maa shii byente ɛdɛ byobyol la tɛ nibhɛ wum ɛbhɛ.

ɛLuka 11:54 ပူးပေါင်းရင်းမြစ်များ

ɛMarakus 12:13

Kaa ne tom nidɛng niFarisawa na nɛ ninyi ɛHyiridus sa tɛ nibhɛ bhɛ wum ɛYɛso yegha daa ne idɛ ibol ɛbhɛ.

ɛMacu 22:35

Ɛdɛng ndɔ nibhɛ wo, ne ɛ so ɛhaa ne kpɛl ɛShara ne yaa ten ɛYɛso yegha. Ne ɛ phom ɛYɛso yegha, ɛ yaak ɛbhɛ:

ɛMacu 22:15

Kɛ ne so ɛnggyɛ wo, niFarisawa na ne bhɛ bol lenɛ ɛli nɛ nibhɛ yaa ten ɛYɛso yegha daa ne ivol ɛbhɛ.

ɛLuka 20:20

iPhɛ ɛlɛy yang nibhɛ ne i tɔk nkpiinɛ yɛ. Nibhɛ ne ji tal nidɛng ninyi na ijam tɛ nibhɛ luk wu i so ninyi niyɛnɛng. Nibhɛ ne ji tom ninyi yɛnaa nggyɛ ɛlɔ ɛYɛso gha tɛ nibhɛ bhɛ ten ɛbhɛ ndɔ ne iphomos ivol nibhɛ ne wum ɛbhɛ nibhɛ ji nang igbɔm ne iRooma da.

ɛMarakus 3:2

Nidɛng niFarisawa na kaa ne ma so ɛnggyɛ wo nɛ nibhɛ kaa ku ten ɛYɛso yegha. Ninyi yɛnaa nggyɛ wo ne sit ɛYɛso yegha ne irwisɛ, nibhɛ wɛɛ hang aa yung te ɛnyi gha ɛken ɛtuk ne wɛsɛ gha yoo.

ɛMacu 22:18

ɛYɛso gha ne ku yɛɛ idal nibhɛ de, ne ɛ yaak nibhɛ, “Nyinɛn niluk en! iKyee iphɛ kɛ te ˆɛ ten ɛn mɛɛn noo?

ɛLuka 11:53

Kɛ ne sɛ ɛYɛso gha kɛ tek ɛlɔ yɛghaa nggyɛ wo nang, niFarisawa na nɛ Ninaa ne Kpɛl ɛShara gha ne yaa tak ɛbhɛ iyɔm, nibhɛ phomos ɛbhɛ nikɔn gbom,

ɛLuka 20:26

Sɔng nibhɛ ne yɛɛ ne wum ɛYɛso yegha daa ne ibol de ne ɛ kɛ boote kpas so nang. Nibhɛ ne yaang ɛkɔn ne kparat daa ne ibol de ne ɛ kɛ kyii nibhɛ nɛ wo, nibhɛ ne te nggbyak.

ɛTomɛ 23:21

Sɔng ˆɛ sim nibhɛ nɛ nang, daa ɛli nɛ ninyi na phyin nzuwubɔ nwaas nɛ nibhɛ tɔk tɛ nibhɛ sɛɛ phoo ɛBulus segha. Nibhɛ kɛ ku lɛlɛm ihywa nibhɛ bo wu hang n yaa re ɛkɔn, wu hang n yaa ta sɔ ɛkɔn sɛ nkɛ phoo ɛBulus se. Nibhɛ kɛ ne ku ryɔng en nibhɛ kɛ taal, nibhɛ hyep pɛ te ɛ sim ɛroo nibhɛ gha.”