ɛLuka 11:2 - ɛWee ne ìTsɛm iHywas

² ɛYɛso gha ne yaak nibhɛ, “Yaa sɛ aa boote ɛn ne ɛTaanggbey ya, te nɛ yɔngɔ ɛn, ‘ɛTaa mos daa ne irywa, te nang irywɛɛk mo wo ne ndiinday, te igbɔm mo da yɛɛs ndɔ ɛzay ya.

ɛLuka 11:2 ပူးပေါင်းရင်းမြစ်များ

Nikɔn ne kɛ Phaal 15:4

ɛDaray, ɛhay ɛbhɛ yaa sang phok ɛnik mo woo? ɛHay ɛbhɛ aa sang nang ngɛ ne ndiinday ye? iGyɛ zɔng ɛ so kang. iGbagha wo gbik yaa ne yɛɛs, nibhɛ re yɛ ntsong, daa ɛli ne kɛ phaal ɛshara ɛcik mo gha.”

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

iFilibi 4:20

Te ne nang ɛTaanggbey njwɛɛn na ne ɛKyɛɛ njwɛɛn na ne ndiinday ne ishay-ishay. Ɛɛy.

iFilibi 1:2

Te ɛTaanggbey ne ɛ soye ɛTaa njwɛɛn, ne ɛDaray ɛYɛso ɛKiriti nang nyini izɛɛng gbik ne irway ne laal.

iFisus 1:2

Te ɛTaanggbey ne ɛ soye ɛTaa njwɛɛn ne ɛDaray ɛYɛso ɛKiriti nang nyini izɛɛng gbik ne irway ne laal.

2 iKɔrɔntos 1:2

Te ɛTaanggbey ya ne ɛ so ɛKyɛɛ njwɛɛn na, ne ɛDaray ɛYɛso ɛKiriti gha nang nyini izɛɛng ne irway ne laal.

1 iKɔrɔntos 1:3

Te ɛTaanggbey ne ɛ so ɛTaa njwɛɛn ne ɛDaray ɛYɛso ɛKiriti nang nyini izɛɛng gbik ne irway ne laal.

Nikɔn ne kɛ Phaal 19:6

ɛTsim mɛ ɛlɛy ne n da phok ɛdɛ ɛkɔn na te izok ninyi maa, te izok ɛyuus inɛn ne ɛ tel, te irywa ne tɛɛ. Ne n phok izɔlɔs sɛ bo, “Dɛp ɛn ɛTaanggbey ye! Daa ɛli ne ɛDaray ɛTaanggbey njwɛɛn na ɛbhɛ ɛ soye ɛHaa ne iTo gbik, ɛbhɛ ɛ soye ɛhaa ne re igbɔm!

Nikɔn ne kɛ Phaal 11:15

ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”

1 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ idira ninaa ne roos ne iTasɔlɔnika nɛ nibhɛ soye ninaa ɛTaanggbey ne ɛ so ɛTaa, nibhɛ ta soye ninaa ɛDaray ɛYɛso ɛKiriti. Te izɛɛng ne irway ne laal shɛɛ ne nyinɛn.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

iKɔlɔsi 1:2

Ɛbhɛ phɛɛs ɛlɔ ninyi ɛTaanggbey nɛ nibhɛ so ne iKɔlɔsi, nigwaa mos ndɔ ɛKiriti, nɛ nibhɛ so sɛ kyinak daa ne ibol nibhɛ. Te izɛɛng ɛKyɛɛ njwɛɛn ɛTaanggbey gbik ne irway ne laal ɛbhɛ shɛɛ ne nyinɛn.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

ɛMacu 10:32

“ɛHiha ɛnyi ne ɛ kɛ tɔɔl wu i soye ɛhaa nge gha ɛnu ɛyisɛ ninyi na, nzɛ ne ma bhɛ tɔɔl wu nzo ɛhaa ɛbhɛ ɛnu ɛyisɛ ɛKyɛɛ nge gha daa ne irywa wo.

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛMacu 3:2

ɛ bo, “San ɛn ɛbɔk daa ɛli ne igbɔm ɛTaanggbey da yek cɛcɛk.”

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

ɛLuka 11:1

Kaa ne sɛ ɛdɛ ɛtuk kɛ, ɛYɛso gha ne i bol ne ɛTaanggbey ɛdɛ ɛlɔ gha. Kɛ ne sɛ ɛ kɛ taal, ɛdɛ ɛngɔn ne icwam ɛbhɛ gha ne yaak ɛbhɛ, “ɛKyɛɛ ne iCwam, ma mɛmɛ njwi ne ɛroo gha te ɛli ne ɛYohana gha kaa mɛmɛ ninɔn ne icwam ɛbhɛ na nɛ wo.”