ɛLuka 11:1 - ɛWee ne ìTsɛm iHywas

¹ Kaa ne sɛ ɛdɛ ɛtuk kɛ, ɛYɛso gha ne i bol ne ɛTaanggbey ɛdɛ ɛlɔ gha. Kɛ ne sɛ ɛ kɛ taal, ɛdɛ ɛngɔn ne icwam ɛbhɛ gha ne yaak ɛbhɛ, “ɛKyɛɛ ne iCwam, ma mɛmɛ njwi ne ɛroo gha te ɛli ne ɛYohana gha kaa mɛmɛ ninɔn ne icwam ɛbhɛ na nɛ wo.”

ɛLuka 11:1 ပူးပေါင်းရင်းမြစ်များ

ɛYahuza 1:20

Nyinɛn no nigwaa nge ne nzi sim, te ɛrɔngɔ ne phyik ɛrɔngɔ te ˆɛ lɔl ɛn itso mon daa ne ɛtum ne ìnang ne itin mon de ne kɛ tul kang i shɛs so. Bol ɛn ne ɛTaanggbey ya ndɔ ne ihwet ne iKabyik ɛbhɛ de.

ɛLuka 6:12

Ndɔ nituk kɛnaa nggyɛ wo nang, ɛYɛso gha ne bhɛ wara daa ne idɛ igol aa bhɛ boote ne ɛTaanggbey, ne ɛbhɛ bol ne ɛTaanggbey ihwɛlɛ phyii wuru.

ɛLuka 9:18

Kaa ne sɛ ɛdɛ ɛtuk kɛ ne ɛYɛso gha kɛ bhɛ tul le nggenggerey, ɛɛ roro ne ɛTaanggbey, ninɔn ne icwam ɛbhɛ na ne phɛ ɛlɔ ɛbhɛ. ɛYɛso gha ne phom nibhɛ, ɛ yaak nibhɛ, “iDira ninyi de jung bo wu nzo ɛhay lɛɛ?”

iBirani 5:7

Nten de ne ɛYɛso gha kaa ne so ndɔ ɛzay ya, ɛ kaa ne bol ne ɛTaanggbey ya ne ɛbhɛ ɛ so ɛhaa ne aa yɛɛ ne phɔt ɛbhɛ ɛlɔ ne iku de. Ɛ kaa ne bol, ɛɛ roro ne ishwin gbom nɛ niyilis. ɛTaanggbey ya kaa ne phok ɛbhɛ daa ɛli ne ɛ so ɛhaa ne nang ɛTaanggbey ye ne ndiinday, ɛɛ roos ɛbhɛ nɛ.

ɛLuka 9:28

Kɛ ne sɛ ɛtsim nituk ɛnaras ne ɛYɛso gha kɛ bol ɛlɛ wo, ne ɛ bo ɛBiturus se, ne ɛYohana, gbik ne ɛYakub, nibhɛ bhɛ wara daa ne igol tɛ nibhɛ bhɛ boote ne ɛTaanggbey.

ɛLuka 7:13

Kɛ ne sɛ ɛDaray ya kɛ yaang ɛkusang nga, ne ɛ yaa san iyɔm ɛbhɛ gbom. Ne ɛ ji yaak ɛbhɛ, “Sɔng ɛ san no nang.”

ɛLuka 7:19

ɛ tom nibhɛ ɛlɔ ɛDaray ya, wu tɛ nibhɛ bhɛ yaak ɛbhɛ, “iGyɛ ɛ soyɛ ɛnyi gha ne kaa yaak njwii ɛ sɛ yɛɛs so, hang njwi hyep ɛhak?”

ɛLuka 10:42

ɛKɔn ɛdaan ne i sim zɔng. Ɛbhɛ ne ɛMɛri gha kɛ ne kasa. Sɔng yaa ne tang phɔt iphɛ ɛlɔ ɛbhɛ gha nang.”

ɛLuka 11:2

ɛYɛso gha ne yaak nibhɛ, “Yaa sɛ aa boote ɛn ne ɛTaanggbey ya, te nɛ yɔngɔ ɛn, ‘ɛTaa mos daa ne irywa, te nang irywɛɛk mo wo ne ndiinday, te igbɔm mo da yɛɛs ndɔ ɛzay ya.