ɛLuka 10:9 - ɛWee ne ìTsɛm iHywas

⁹ Tes ɛn ninaa nisha ɛgarang ngɛ niken; ɛ yaak ɛn ninaa ɛgarang, ‘iGbɔm ɛTaanggbey ba so cɛcɛk ne nyinɛn.’

ɛLuka 10:9 ပူးပေါင်းရင်းမြစ်များ

ɛMacu 3:2

ɛ bo, “San ɛn ɛbɔk daa ɛli ne igbɔm ɛTaanggbey da yek cɛcɛk.”

ɛYohana 3:5

ɛYɛso gha ne kyii nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi ndɔ inɛn gbik ne iKabyik, sɔng ɛ sɛ ne bhɛ lel ne igbɔm ɛTaanggbey da nang.

ɛLuka 10:11

‘Ɛbung ɛgarang mon na ne ɛ kɛ baghat ne ita mos de, njwi kɛ te nyini nɛ kokok. Gbik ne iphɛ ɛlɛy, ne ˆɛ seng ɛn igbɔm ɛTaanggbey ba so cɛcɛk ne nyinɛn.’

ɛTomɛ 28:31

Sɔng kaa ne i ring ɛbhɛ ne sanga ibol ɛTaanggbey de nang, iphɛ ɛlɛy ne ɛɛ sanga ibol ne igbɔm ɛTaanggbey da, ɛ mɛmɛ ninyi na ne ibol ɛDaray ɛYɛso ɛKiriti de wɛlɛng ɛnik.

ɛLuka 9:2

Ɛ ji tom nibhɛ, tɛ nibhɛ bhɛ tɔng ibol ne iGbɔm ɛTaanggbey ba, nibhɛ ta bhɛ tes nishwa na niken.

ɛTomɛ 28:28

“iPhɛ ɛlɛy nzi ne sim te ɛ sɛ seng ɛn, ɛTaanggbey ya kɛ tom ninyi na ne hame nibhɛ so niYahodawa ne ibol ne iphɔrɔt de, nibhɛ yaa ne tenes.”

ɛYohana 3:3

ɛYɛso gha ne kyii ɛbhɛ nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi gha dɔng, sɔng ɛ sɛ ne bhɛ yaang igbɔm ɛTaanggbey da nang.”

ɛMarakus 6:13

Nibhɛ ne tuul niphoo na ndɔ ninyi na, nibhɛ ne ta sirit ninaa ne ishwa na ne nɔɔy nibhɛ tes nibhɛ niken.

ɛMarakus 4:30

ɛYɛso gha ne ta yɔngɔ, “Yaa ne ta ten igbɔm ɛTaanggbey ba ne kyee daa mɛɛ? Yang ibol ne yaa ne ten iphɛ nɛ dɔng daa mɛɛ?

ɛMacu 4:17

Ne lenɛ nten nɛdee nggyɛ wo ne ɛYɛso gha ne tsa sanga ibol ɛbhɛ de ɛ bo, “San ɛn ɛbɔk, daa ɛli ne igbɔm ɛdaa ne irywa da yek cɛcɛk.”

ɛLuka 10:10

ɛHiha ɛgarang ne kɛ bhɛ mbaray nyini nɛ, ne ɛ wuru ɛn, ɛ roos ɛn nkpiinɛ ɛgarang ngɛ, ɛ yaak ɛn nibhɛ,