ɛLuka 10:7 - ɛWee ne ìTsɛm iHywas

⁷ Shɛɛ ɛn ne ijwee yɛwoo nggyɛ wo ɛɛ re ɛn, ɛɛ sɔ ɛn gbik ɛkɔn na ne kɛ nang nyini. ɛHaa ɛtomɛ gha kɛ hɔn sɛ tal ɛbhɛ ilong ɛbhɛ. Sɔng ɛ yaa bhɛ kaan ɛn ɛ roos ɛn idee ninyi de nang.

ɛLuka 10:7 ပူးပေါင်းရင်းမြစ်များ

2 ɛTimɔti 2:6

ɛHaa ne hap ihwap ririk ka, iphɛ kɛ jam mɛ ɛbhɛ ɛ sɛ tsa ɛ phɔwɔ ire ne ihwap ɛbhɛ de.

iGalatiya 6:6

Gbik ɛnyi gha ne i kɛ mɛmɛ ɛbhɛ ne bol ɛTaanggbey de, tɛ ne ɛ ma mɔn ɛKyɛɛ ne icwam ɛbhɛ gha ɛkɔn ɛyɛnɛng.

ɛLuka 9:4

Gbik ijwee wo ne kɛ bhɛ say nyini nɛ, shɛɛ ɛn nɛ ndɔ yɛ, ɛ hyep ɛn ɛtuk ka ne aa tek ɛn ɛgarang ngɛghaa nggyɛ wo.

ɛMarakus 6:10

iJwee wo ne kɛ bhɛ say nyini nɛ, shɛɛ ɛn nɛ ndɔ yɛ ɛ hyep ɛn ɛtuk ka ne aa tek ɛn ɛgarang ngɛ.

1 ɛTimɔti 5:13

Sɔng ɛnggyɛ wo zɔng nang, nibhɛ yaa ne ta teye ninaa ne itek nɛ ninaa kaan tsik nibhɛ roos idee-idee. Nibhɛ ne ta teye ninaa ne bol ivol mumuk nɛ ninaa ne ring phɔt nibhɛ ne soos. Nibhɛ bol ivol da ne hame iphɛ kɛ jam mɛ.

ɛTomɛ 16:34

Ne ɛ bo ɛBulus segha ne ɛSila gha ɛ phɛ nɛ ne ijwee ɛbhɛ, ɛbhɛ nang nibhɛ ire. Ɛbhɛ wo ne ijwee ɛbhɛ gbik ne yɛk irway ihwala daa ɛli nɛ nibhɛ kɛ nang ne itin nɛ ne ɛTaanggbey ya.

ɛTomɛ 16:15

Kɛ ne sɛ ɛtsim mɛ ne kɛ yɛk ɛbhɛ ne ibatisima nɛ ninaa ne ijwee ɛbhɛ gbik, ne ɛ roo njwii ɛ yɔngɔ, “Wu ɛ kɛ sim ɛn wu nggɛ te me ɛhaa ne roos ɛDaray yegha ɛtsak, nɛ njwi ɛn ɛbhɛ shɛɛ ɛn ne ijwee nge.” Ne ɛ roro ne njwit, njwi ne roos ɛbhɛ njwi phɛ ne ijwee ɛbhɛ wo.

ɛTomɛ 16:40

Ne sɛ ɛBulus sa ne ɛSila gha kɛ wuru ndɔ ne ijwee ne nyang ngo nibhɛ ne phɛ ne ijwee ɛLidiya. Kɛ ne sɛ ɛtsim mɛ nɛ niBulus se na kɛ bhɛ yaang nigwaa ninaa ne roos sa, nibhɛ ne te nibhɛ itsɔngɔl gɛgɛy nibhɛ ji hyel.

ɛLuka 10:6

Wu ɛhaa ne sim ncaang so ɛnggyɛ wo, ikyili mon da yaa ne soos daa ɛbhɛ; wu ne ɛ sang ngɛ ikyili mon da yaa ne kyii ɛlɔ mon.