ɛLuka 10:2 - ɛWee ne ìTsɛm iHywas

² Ne ɛ ta yaak nibhɛ, ɛHay ne ire gha ne iphɛ kɛ bel lo so gbom, ninaa ɛtomɛ yɛ ne so ncɛt. iPhɛ ɛlɛy, ne ˆɛ roo ɛn ne ɛhaa ne ihwap pa te ɛ tom ninaa ɛtomɛ na ndɔ ɛhay ɛbhɛ gha.

ɛLuka 10:2 ပူးပေါင်းရင်းမြစ်များ

1 iTasɔlɔnika 5:12

Nigwaa en, njwii roro nɛ nyinɛn, nang ɛn ninaa ne tak iyɔm ne ɛtomɛ gha ndɔ mon ne ndiinday. Kaabi nindiinday mon na ndɔ ɛDaray ya, nɛ nibhɛ kpɛng nyini wo.

ɛMarakus 16:15

ɛYɛso gha ne yaak nibhɛ, “Cwi ɛn ndɔ ɛzay ya gbigbik, te ɛbhɛ tɔng ɛn igbagha wo gbik ibol ɛyɛnɛng ngge.

2 ɛTimɔti 4:5

iGyɛ ne ɛTimɔti wo nang, wum ito mo ndɔ nikɔn na gbik, rop iku ndɔ ne nggbang ngga, mɔn ɛtomɛ ɛhaa ne sanga ibol iyɛnɛng ngge, shwaak ɛtomɛ mo gha gbik ɛli ne ɛ so ɛkpuru ɛTaanggbey ya.

2 iTasɔlɔnika 3:1

ɛTsim mɛ gbik nigwaa en, bol ne ɛTaanggbey daa mos, te ibol ɛDaray de sɛ iphɛ shwalat gbom i ta nang iphɛ ne ndiinday te ɛli ne iphɛ kaa so ndɔ mon no.

ɛMarakus 13:34

iPhɛ so te ɛnyi ne ɛ phɛɛs ne ihywel. Ɛ kɛ ne yel-le nikpuru ɛbhɛ ɛ nang ɛrɔngɔ ɛtomɛ ne aa mɔn. Ɛ ma yaak ɛhaa ne hyep ɛbhɛ ɛnu ne izuk wu te ɛ wɛɛ ijwee wo yɛnɛng.

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

ɛTomɛ 22:21

“ɛDaray ɛTaanggbey ya ne yaak me, Yilitsik ɛ hyel, naa tom mɛ kyakyak ɛlɔ ninyi na ne hame nibhɛ so niYahodawa.”

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛTomɛ 13:4

iKabyik ɛTaanggbey de ne yaak ɛBanabas segha ne ɛShawulu gha wu tɛ iphɛ ne iSɛlukiya. Nibhɛ ne ji bhɛ le ɛnggyɛ wo nibhɛ ne lel ne ɛkparak nibhɛ ne phɛ ne ikop ne iKuburus.

ɛTomɛ 13:2

Kɛ ne sɛ nibhɛ re ɛTaanggbey yegha ntsong, nibhɛ kuma iKabyik ɛTaanggbey de ne yaak nibhɛ, “Tul ɛn mɛɛn ɛBanabas se ne ɛShawulu te nibhɛ mɔn ɛtomɛ gha ne nggɛ ku kasa nibhɛ nibhɛ yaa mɔn.”

ɛTomɛ 11:19

Ninaa ne roos sa kaa ne tes en shwaa ɛlɔ ne nggbang ngga ne kaa yaa baasek nibhɛ ɛtsim mɛ ne kɛ phoo ɛSitivin negha, nibhɛ kaa ne bhɛ hɔn iFinikiya, ne iKuburus gbik ne iNtakiya, nibhɛ ne i sanga ibol ɛTaanggbey de ndɔ niYahodawa zɔng.

ɛTomɛ 8:4

Ninyi na ne kɛ ne te nibhɛ shwaa wo ne i sanga ibol iyɛnɛng ngge gbik ɛlɔ gha nɛ nibhɛ kɛ phɛ.

ɛLuka 9:1

ɛYɛso gha ne yel-le ninɔn ne icwam ɛbhɛ ɛnduwubɔ nɛ ninyi ifaa na ɛlɔ ɛdaan, ɛ nang nibhɛ ito-ndiinday gbik ne igbɔm ne tuul niphoo, tɛ nibhɛ ta tes ninyi niken.

ɛMarakus 16:20

Ninɔn ne icwam ɛYɛso na ne wuusi nibhɛ leesel ndɔ nilɔ na gbarang, nibhɛ bhɛ sanga ɛnu ne ibol iyɛnɛng nga. ɛDaray ya ne i mɔn ɛtomɛ nɛ nibhɛ. Ne ɛ nang nibhɛ ito ne mɔn nikɔn ne kparat gbom te hante ibol nibhɛ de ne ihwet, te i seng wu iphɛ le daa ɛlɔ ɛTaanggbey.]

ɛMacu 20:1

“Yaa ne ten igbɔm ɛdaa ne irywa da ne ɛkyɛɛ ne ijwee ne ɛ kɛ wuru ne ihwɛlɛ ɛ phɛɛs ne tɔk ninaa ɛtomɛ nɛ nibhɛ yaa mɔn ɛbhɛ ɛtomɛ gha ne ihwap ɛnap ɛbhɛ.

iFilibi 2:25

Nzi ne yaang iphɛ kɛ jam mɛ nggyi tom nyini ne ɛBafaratus se ne ɛ so ɛgwaa nge, ɛtaay ɛtomɛ nge, ɛsooja te me ne ˆɛ kɛ tom ɛn ɛbhɛ te ɛ phyik me wo.

iFilibi 2:21

ɛByin ninyi na ku tas nikɔn nɛ nibhɛ yaa phyik nibhɛ zɔng, sɔng ninaa nɛ nibhɛ soye ninaa ɛYɛso ɛKiriti nang.

1 iKɔrɔntos 12:28

Ndɔ idira ninaa ne roos de, ɛTaanggbey ya kɛ nang ɛrɔngɔ ɛtomɛ ɛbhɛ. Ninaa ɛyisɛ yɛ ne so ninɔn ne tom, ne ji kungus nɛ ninabawa, ne kungus nɛ nikyɛɛ ne icwam, ne kungus nɛ ninaa ne mɔn nikɔn ne kparat. Sɛ ninaa ne tes nisha niken, nɛ ninaa ne iphyik, nɛ ninaa ne wɛɛ ɛtomɛ ne idira ninaa ne roos, nɛ ninaa ne bol ne ilwem kang-ka-kang.

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

iFilibi 2:30

Daa ɛli ne ɛ kɛ phyii ne ku ɛlɔ ɛtomɛ ɛKiriti gha. Ɛ kɛ ne ta nang ito ɛbhɛ te ɛ phyik me ne ɛkɔn na ne hame ˆɛ kɛ yɛɛ ne phyik ɛn mɛɛn nɛ.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

ɛFilimɔn 1:1

ɛWee yɛwoo wo le ɛlɔ ɛBulus, ne kɛ rop ɛbhɛ ne nyang ɛlɔ ne mɔn ɛtomɛ ɛYɛso ɛKiriti gbik ne ɛgwaa njwɛɛn ɛTimɔti. Ɛbhɛ phɛɛs ɛlɔ ɛFilimɔn, ɛtaay ɛtomɛ mos ne njwii sim,

Nikɔn ne kɛ Phaal 2:1

“Haa ɛmalɛka ne idira ninaa ne roos ne iFisus nɛ te ɛ yaak nibhɛ,” “iBol lɛdee bɛ ne iphɛ lɛ ɛlɔ ɛnyi gha ne ɛ bok niyuyɔrɔ ɛniitaa na ne iwɔ ne irwye ɛbhɛ wo, ɛnyi gha ne ɛɛ hyel ndɔ ɛceree ne ncwɛng ne izinariya ɛniitaa da ne i tes ne ifitila da shak ko.