iKɔlɔsi 4:6 - ɛWee ne ìTsɛm iHywas

⁶ Te ivol mon da jam byirik ɛli ne yaa phok iyɛnɛng ngɛ, te ne ˆɛ yɛɛ ɛn ɛli ne aa kyii ɛn ɛrɔngɔ ne ibol de ne kɛ phom nyini.

iKɔlɔsi 4:6 ပူးပေါင်းရင်းမြစ်များ

ɛMacu 5:13

“Ɛ so ɛn nyini ngkal ɛzay da, wu ngkal da kɛ ne te ntaghalak ko, yaa ne tang mɔn mpɛ ɛli mpɛ kyii ta teye ngkal daa? Sɔng tang ta mɔn mpɛ ne ɛkɔn nang, yaa lok mpɛ ninyi sɛng ne ita.

ɛMarakus 9:50

“Ngkal ba kɛ jam, yaa ne sɛ mpɛ kɛ bees se yaa ne tang ryɔng mpɛ ne ikyee? Ne ɛ boos ɛn ìtsɛm be ne ihywɛ so nggɔnggɔɔt te ngkal ndɔ mon no. Ne ɛ shɛɛ ɛn ncaang nɛ nigwaa mon na.”

ɛLuka 4:22

Ninyi na ne phok iyɛnɛng ɛbhɛ, nibhɛ yaang ɛkɔn ne kparat daa ne ivol iywɛnɛng ngga ne ɛ bol lo. Nibhɛ ne yaa phomos en nibhɛ bo, “Sɔng ɛngɔn ɛYisifu yeghaa wo nang nge?”

iFisus 4:29

Sɔng ivol ikpɛɛ wuru ndɔ ɛnu mon nang, yang bol ɛn ivol iywɛnɛng, ivaa ne ifɛ yaa phyik ne lɔl ninyi daa ɛkɔn na nɛ nibhɛ i tɔk. ɛLɛ wo ne ivol mon da yaa ne phyik ninaa nɛ nibhɛ i tenes nyini wo.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

1 ɛBiturus 3:15

Yang nang ɛn ɛKiriti yegha ne ndiinday ndɔ ne irway mon da daa ɛli ne ɛbhɛ ɛ so ɛDaray. Shɛɛ ɛn ɛkanang cɛcɛɛy ɛli ne aa kyii ɛn ɛnyi gha nɛ ne ɛ kɛ phom nyini ɛkɔn na ne ɛ kɛ te ɛ kɛ yɛk ɛn irway mon daa ne roos ɛKiriti yegha. Gbik ne iphɛ ɛlɛy, ne ɛ mɔn ɛlɛ wo ndɔ ne ihywɛɛ, ne ìnang ne ndiinday.