iKɔlɔsi 4:5 - ɛWee ne ìTsɛm iHywas

⁵ Te ɛn ntsɛntsɛng ɛli ne ˆaa shɛɛ ɛn nɛ ninyi na ne hame nibhɛ so ɛn ninaa ne iroos sa. Gbik nten de ne ɛ kɛ sɛ ɛn, mɔn ɛn ɛtomɛ ne iphɛ.

iKɔlɔsi 4:5 ပူးပေါင်းရင်းမြစ်များ

1 iTasɔlɔnika 4:12

Wu ˆɛ kɛ mɔn ɛn ɛlɛ wo, ˆaa ne te ɛn ninyi na ne hame nibhɛ soye ninaa ne iroos sa nang nyini ne ndiinday. Sɔng ˆaa ne tɔk ɛn ɛkɔn ɛlɔ ɛnyi nang.

ɛYakub 3:13

ɛHay ɛbhɛ bok ntsɛntsɛng gbik ne ishweng ndɔ mon noo? Te ne ɛ tɔɔrek iphɛ daa ne ishwɛɛ iywɛnɛng gbik nɛ nitomɛ niyɛnɛng ne ɛ mɔn ne irway ilyaak ne i sɛ lenɛ ne ntsɛntsɛng ngge.

iRooma 16:19

Gbik ninyi kɛ ku phok ɛli ne ɛ roos ɛn ibol iyɛnɛng ngge, iphɛ ɛlɛy ne n bok irway ihwala daa ne ibol mon de. Gbik ne iphɛ ɛlɛy, nzi ne sim te ɛ sɛɛ te ɛn ntsɛntsɛng daa ɛkɔn na ne ɛ so ɛyɛnɛng ngɛ, tɛ nyini ninaa nɛ nibhɛ sang sim nibhɛ sɛɛ yaang ibebhe.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

ɛMacu 10:16

“Phok ɛn, nggɛ tom nyini te ᐩigyol ntsabhak ne ihywɛ phɛɛs ɛlɔ nibabu ne izaram. Nɛ te ɛn ntsɛntsɛng te izɔ, te ɛn hywɛɛ te ihywihywaa.

1 ɛTimɔti 3:7

Kang nɛ nikɔn nɛnaa wo, iphɛ so nggbinggbing ɛndiinday ya soye ɛnyi ne ɛ bok ishɛɛda iyɛnɛng ndɔ ninyi, daa ɛli ne aa yung ɛ ho ndɔ ne irwa ɛShɛtan ɛ teye ɛkɔn ncwa.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

ɛMarakus 4:11

ɛYɛso gha ne kyii nɛ ɛ yaak nibhɛ, “Nyinɛn ne kɛ nang nyini ɛduk ne igbɔm ɛTaanggbey ya. Ninaa ne hame nibhɛ ne so ndɔ mon no nang, yaa ne i bol nɛ nibhɛ ndɔ ivol ne igɔrɔp.

ɛYakub 1:5

Wu ɛdɛ mon ne sang ntsɛntsɛng, te ne ɛ roo ɛTaanggbey ye ne ɛbhɛ ɛ so ɛhaa ne nang izɛɛng ngge walala tang kyii bol ivol ne ɛdak kɛ, ɛTaanggbey ya yaa ne nang ɛbhɛ.

1 ɛBiturus 3:1

ɛLɛy ne mang, nyinɛn nikuk ko, roos ɛn ibol niras mon de. Daa ɛli ne wu nidɛng niras sa sonɛ nɛ nibhɛ kɛ sang nang ne itin nɛ ne ibol ɛTaanggbey, sɛɛ ne yɛɛ ne lenɛ ne ihywɛɛ nikuk nibhɛ de nɛ nibhɛ kɛ tɔɔrek ko i hɔwɔ nibhɛ ma yung tɔ tang ku mɔng nibhɛ ibol.