iKɔlɔsi 4:3 - ɛWee ne ìTsɛm iHywas

³ Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

iKɔlɔsi 4:3 ပူးပေါင်းရင်းမြစ်များ

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

iRooma 16:25

Te ne nang ɛTaanggbey yegha ne ndiinday cɛcɛɛy. Aa yɛɛ ne te nyini ɛ kyinak ɛn gɛgɛy ndɔ ne ìnang ne itin mon de lenɛ ne iBol iYɛnɛng ɛYɛso ɛKiriti de ne nzi sanga wo. iShay de kɛ ne hɔn maa ne kaa rɛɛ iBol iYɛnɛng ngɛdee wo,

1 iKɔrɔntos 16:9

Daa ɛli ne kɛ phaal me nkpiinɛ nitomɛ na gbom ndɔ ne iFisus de, ninaa ne iphup ne ma jung sonɛ gbom.

1 iKɔrɔntos 4:1

iPhɛ ɛlɛy, bo ɛn njwii njwi soye nikpuru ɛKiriti, ninaa ne ɛTaanggbey ya kɛ tek ɛtomɛ ne kpɛl itin ne ibol igying ɛbhɛ ndɔ ne iwɔ mos.

2 iKɔrɔntos 2:12

Kaa ne sɛ nggɛ phɛ ne iTurasa te mbɛ sanga iBol iYɛnɛng ɛKiriti de, nggaa ne bhɛ sɛ ɛDaray ya kɛ ku ryɔng me ɛlɔ yɛ.

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

iFisus 3:3

kaabi ɛTaanggbey ya kɛ phaal me ɛkɔn ɛbhɛ ne ɛ so gying, ɛ tɔɔl me ɛli ne nggɛ ne ma ku haal ncɛt to.

iFisus 3:4

Yaa ne sɛ ˆɛ kɛ tɔng ɛn ɛkɔn na ne nggɛ haa wo, ˆaa ne seng ɛn ɛkɔn na ne nzi yɛɛ daa ɛkɔn ɛgying ɛKiriti gha.

iFisus 3:9

Te n da phaal ninyi na nɛ gbik icwas ne ibol igying ɛTaanggbey de, idee ne iphɛ ku so igying izam-izam be. iBol igying ɛTaanggbey de ne ɛbhɛ ɛ kɛ ryɔng nikɔn na gbik ko.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFilibi 1:19

daa ɛli ne nzi yɛɛ yaa lenɛ ne ivol da ne ˆɛ bol ɛn ne ɛTaanggbey ya daa me wo, ne iphyik ne iKabyik ɛYɛso ɛKiriti de, ne i tul me ne inyang nge.

iFilibi 1:7

Gbik mon no ˆɛ so ɛn ne irway nge. iPhɛ kɛ ne jam mɛ nzi tas nɛ nyinɛn ɛlɛ wo, daa ɛli ne ˆɛ kɛ byinki ɛn ito ne mee ndɔ ne izɛɛng ɛTaanggbey de nten de ne kɛ gangke me ndɔ ne ijwee ne inyang ngo, ˆɛ phyik ɛn mɛɛn nten de ne nggɛ kyinak ne ihwet daa ne itin ne iBol iYɛnɛng ngge ɛnu ɛyisɛ ninaa nɛ nibhɛ mbaray yo.

iKɔlɔsi 1:26

iBol lɛdee wo kaa so gying ɛlɔ ninyi ne izam-izam gbom, ɛLyilyɛghaa wo kɛ ne ji phaal ninyi ɛTaanggbey ya nɛ.

iKɔlɔsi 4:18

Mee ɛBulus, nzi haa kyiisi yɛdaa wo ne iwɔ nge. Sɔng ˆɛ te ɛn bap wu nzo ne nyang ge nang. Te izɛɛng ɛTaanggbey shɛɛ ne nyinɛn. Ɛɛy.

1 iTasɔlɔnika 5:25

Nigwaa en, bol ɛn ne ɛTaanggbey daa ne ito mos.

2 ɛTimɔti 1:16

Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

ɛFilimɔn 1:22

ɛDɛ ɛkɔn nɛghaa bɛ dɔng, nzi sim te ˆɛ sɛɛ ryɔng mɛɛn izuk ne nzɛɛ shɛɛ nɛ, daa ɛli ne nggɛ sit irwisɛ nzi wɛɛ te yaa lenɛ ne ɛroo mon na, ɛTaanggbey ya yaa ne kyii nyini ne mee.