iKɔlɔsi 3:8 - ɛWee ne ìTsɛm iHywas

⁸ ɛLyilyɛghaa wo, iphɛ ne so ngbingbing ɛ hosop ɛn nyini ne ihywee ne ishwɛɛ yɛdaa wo. Hosop ɛn nyini ne njenjek, ne ɛndok, ne rop ɛnyi ne irway, ne ibees irywɛɛk, gbik ne ivol ikpɛɛ ɛnu mon na.

iKɔlɔsi 3:8 ပူးပေါင်းရင်းမြစ်များ

iFisus 4:29

Sɔng ivol ikpɛɛ wuru ndɔ ɛnu mon nang, yang bol ɛn ivol iywɛnɛng, ivaa ne ifɛ yaa phyik ne lɔl ninyi daa ɛkɔn na nɛ nibhɛ i tɔk. ɛLɛ wo ne ivol mon da yaa ne phyik ninaa nɛ nibhɛ i tenes nyini wo.

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iFisus 5:4

Sɔng ne ta phok ivol ikpɛɛ, ne iwamang gbik ne iyɔm ncwa ndɔ mon no nang, daa ɛli ne sɔng nikɔn nɛnaa wo so kancɛng ne ishwɛɛ ninaa ɛTaanggbey da nang. Yang i tɔɔsel ɛn ɛTaanggbey yegha irway ihwala.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

iFisus 4:26

Wu ˆɛ kɛ te ɛn njenjek, sɔng ne ˆɛ mɔn ɛn ɛfɔt nang. Sɔng ne ˆɛ te ɛn njenjek ko iroy phyii bhɛ hooy nang.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

iKɔlɔsi 3:9

Sɔng ˆɛ wul ɛn irywɛɛk ndɔ mon nang, daa ɛli ne ˆɛ kɛ ku tek ɛn nikɔn nitɛl la gbik ne ɛtomɛ nibhɛ gha.

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

1 iKɔrɔntos 3:3

daa ɛli ne ɛ tɔ shɛɛ ɛn tɛ ninyi nɛ nibhɛ roos icwas ɛten ɛsii nɛ. Wu ɛnkyis sa ne ishisim be tɔ ndɔ mon no, iphɛ kɛ ne tɔɔrek wu ɛ tɔ roos ɛn icwas ɛten ɛsii nɛ, ɛ shɛɛ ɛn ɛli ne ɛzay ya sim.

ɛMacu 5:22

Mee wo nzi ne bok nyini, ɛnyi gha ne kɛ te njenjek ne ɛgwaa ɛbhɛ gha, sɛ ne bol ɛbhɛ ɛshara. ɛHiha ɛnyi gha ne ɛ bol ivol ivebhe da ɛgwaa ɛbhɛ gha, itɔrɔng ngge sɛ ne soosek ɛbhɛ ɛnu ɛyisɛ. ɛHiha ɛnyi ne ɛ kɛ ne ta yaak ɛgwaa ɛbhɛ wu ɛ soye ɛwamang, ɛ sɛ ne bhɛ lel ne ijwee ne igboo.

iGalatiya 5:15

Wu ɛ kɛ ne yaa lɛng ɛn nyini te inyam ɛhay de, ne ɛ wɛɛ ɛn nyini yɛnɛng, ɛlɔ ne aa bees ɛn nyini.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

ɛYahuza 1:8

Ɛlɛy nɛ ninaa ne mɔn ibebhe na ne bo wu kɛ tɔɔl en ndɔ nibok, nibhɛ ne jii bees ibek nibhɛ, nibhɛ mbaray tang roos ibol ne igbɔm, nibhɛ ta i bol ivol ne bɛɛs daa nikɔn niken ɛdaa ne irywa ne kɛ tul kang.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

ɛYakub 2:7

Nzi bo nibhɛ bhɛ ta bol ivol ne bɛɛs da daa ne irywɛɛk iywɛnɛng ngo ne i yɛɛ nyini ne nɛ wo nang?

1 ɛTimɔti 1:20

Ndɔ nibhɛ wo, ɛHyimaniyus sonɛ, ɛLɛzɛnda ne ta sonɛ. Nggɛ ne ku nang ɛShɛtan ne ihwet daa nibhɛ. ɛBɛ wo yaa ne mɛmɛ nibhɛ nɛ ɛli nɛ nibhɛ yaa kɔɔng nge bɛɛs ɛTaanggbey yegha.

1 ɛTimɔti 1:13

Gbik ɛli ne nggaa so ɛhaa ne bol ivol ne bɛɛs ɛTaanggbey yegha, ne ɛhaa ne baasek ninaa ne roos ɛbhɛ na nggbang ngga, ne ɛhaa ne towos ɛTaanggbey yegha, kaa ne tɔɔrek me isan iyɔm. Daa ɛli ne nggaa mɔn nikɔn nɛnaa wo daa ne yɔm ne iyɛɛ gbik ne yɔm ìnang ne itin.

iGalatiya 5:26

Sɔng njwɛɛn tɔɔk ito nang, sɔng njwɛɛn sim hɔ irywen nang, sɔng njwɛɛn ta boos ɛnkyis sa nɛ nigwaa na nang.

iGalatiya 5:20

ne re nikɔn nɛ nibhɛ sang iken ntsong, ne re nkut, ne mbray nigwaa, hɔ irywen, ne waa irway, ne njenjek, ne sim ito, ne ishishim, ne ihosobhe,

ɛMarakus 7:22

sim ito, boos ɛnyi ne irway, iluk, ihyop, irisɛ, irywɛɛk, tɔɔsek ito, gbik ne irway iwamang.

Nikɔn ne kɛ Phaal 16:9

ɛKpikpiy yo ne rarat ninyi na gbom, nibhɛ bol ivol ne bɛɛs irywɛɛk ɛTaanggbey ne ɛbhɛ ɛ bok igbɔm nikɔn ne nggbang ngɛdaa wo. Gbik ne iphɛ ɛlɛy, sɔng nibhɛ ne san ɛbɔk, nibhɛ nang ɛTaanggbey yegha ne ndiinday nang.

ɛYahuza 1:13

Nibhɛ sos te igbugbung inɛn, nikɔn ncwa nibhɛ na ne so te ifurum mɛ ne ifɛ i phele ifɛ kyi ifɛ phu, ifɛ birit. Nibhɛ so tɛ niyuyɔrɔ nɛ nibhɛ kaan shwaa, ninaa ne kɛ ku tul ɛlɔ gbyighilik ne inat kang i tek nibhɛ nɛ.

2 ɛBiturus 2:7

ɛTaanggbey ya kaa phɔt ɛLuutu yɛ, ɛnyi ɛcik ne irway ɛbhɛ kaa so righitik daa ne ihywee ne ishwɛɛ ivebhe ninyi ne iSɔdɔm ba nɛ nibhɛ sang roos ikpii da.

iFisus 4:25

iPhɛ ɛlɛy yang, ne ˆɛ kɔɔng ɛn irywɛɛk ga! Te ɛrɔngɔ i tɔng ɛhaa ɛcɛcɛk ɛbhɛ itin nɛ daa ɛli ne njwɛɛn so ibap ne ibek idaan nɛ.