iKɔlɔsi 3:4 - ɛWee ne ìTsɛm iHywas

⁴ Sɛ ne sɛ ɛKiriti gha ne ɛbhɛ ɛ soye iken mon de kɛ tɔɔl le, ˆɛ sɛ ne ma tɔɔl nyini ne ɛbhɛ ndɔ ne ito-ndiinday ɛbhɛ de.

iKɔlɔsi 3:4 ပူးပေါင်းရင်းမြစ်များ

ɛYohana 11:25

ɛYɛso gha ne yaak ɛbhɛ, “Mee nzo iyiisik ne ikpuu da gbik ne iken de, ɛhiha ɛnyi ne ɛ kɛ nang ne itin nɛ ne mee, ɛ sɛɛ kyi ku, aa ne shɛɛ ɛken;

1 ɛYohana 3:2

Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

iFilibi 3:21

Ɛbhɛ ɛ bok ihwet ne kyii nɛ nikɔn na gbik ndɔ ne igbɔm ɛbhɛ. Sɛ ne lenɛ ne ihwet ɛbhɛ yɛdaa nggyɛ wo, ɛ hyere ibek ne taasek njwɛɛn nɛdee wo iphɛ teye idee ne ito-ndiinday te idee ɛbhɛ.

ɛYohana 17:24

“ɛTaa! Ɛ kɛ nang me nibhɛ, nzi ne sim tɛ nibhɛ sɛ ɛbhɛ so ne mee ɛlɔ gha ne nzo nɛ wo, tɛ nibhɛ yaang ito-ndiinday nge idee ne ɛ kɛ nang me wo daa ɛli ne ɛ kaa ku sim me tang ryɔng ɛzay ya.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

1 ɛYohana 2:28

ɛLyilyɛghaa wo nyinɛn ninɔn nge ne nzi sim, ne ˆɛ shɛɛ ɛn ndɔ ɛKiriti gha te sɛ ne sɛ ɛtuk ka ne ɛ sɛ tɔɔl le wo, njwɛɛn kyinak ɛnu ɛyisɛ ɛbhɛ tang ɛnik ne ncwa.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

1 iKɔrɔntos 15:43

I rɛɛ ibek ge ndɔ ne ishis, ne yiisik iphɛ ndɔ ne ndiinday. I rɛɛ iphɛ ndɔ ne kyɔkyɔt, ne ji yiisik iphɛ ndɔ ne ihwet.

Nikɔn ne kɛ Phaal 22:1

ɛTsim mɛ ɛlɛy ɛMalɛka gha ne tɔɔrek me ihywel ne ifɛ bok inɛn ne nang iken, ne mpɛ i tol nggyɛnggyɛl te ɛmɔdɔbi. Mpɛ le ɛcuruu ne igbɔm ɛTaanggbey ya, ne ɛNgɔn ne ɛpharak ka.

ɛYahuza 1:24

Te ne dɛp ɛTaanggbey yegha ne ɛbhɛ ɛ bok ihwet ne aa phyik njwɛɛn ɛlɔ ne njwɛɛn yaa yung ho wo, ɛ yɛɛs ne njwɛɛn ɛlɔ ɛbhɛ gha, wɛlɛng ɛkɔn ne tok ka, ɛnu ɛyisɛ ne ito-ndiinday ɛbhɛ de ne irway ihwala da gbom mo.

1 ɛYohana 5:12

Gbik ɛnyi gha ne ɛ bok ɛNgɔn ɛTaanggbey ya ne ɛ bok iken, ɛnyi gha ne ɛ sang bok ɛNgɔn ɛTaanggbey ya, sɔng ne ɛ bok iken nang.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

ɛMacu 13:43

Ninyi ne icik ka sɛ ne jii tol te iroy ndɔ ne igbɔm ɛKyɛɛ nibhɛ da. ɛNyi gha ne ɛ bok itoro ne tenes te ne ɛ phok.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 14:3

Yaa ne sɛ nggɛ phɛ, nggɛ bhɛ ryɔng nyini ɛlɔ gha, naa ne ji bhɛ kyii n bo nyini te ˆɛ maa shɛɛ ɛn ɛlɔ gha ne nzo nɛ wo.

2 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne icwas ɛTaanggbey. Kɛ tom me te n tɔng ninyi ibol ne iken ne ɛYɛso ɛKiriti kɛ sim-mɛ ndɔ ne ìtsɛm ne ɛbhɛ.

1 iTasɔlɔnika 4:17

ɛTsim mɛ ɛlɛy, njwɛɛn no ne sɛ́ ne tɔ niken na, ne kɛ mak ndɔ ɛzay ya, sɛ́ ne ma ji bo njwɛɛn ndɔ ne inɔp i bhɛ sɛme en ne ɛDaray ya daa ɛphiri ne irywa. Njwɛɛn sɛ́ ne bhɛ shɛɛ ne ɛDaray ɛYɛso gha ishwɛɛ ne inat.

1 iKɔrɔntos 1:7

iPhɛ ɛlɛy, sɔng ɛ kɛ ne wɔs ɛn ɛdɛ ɛwɛng ne ikabyik ka ɛli ne ɛ kɛ sit ɛn irwisɛ ɛ hyep ɛn ibhɛ kyii ɛDaray njwɛɛn ɛYɛso ɛKiriti yegha nang.

ɛYohana 20:31

Kɛ ne haa ninaa wo te ɛ nang ɛn ne itin wu ɛYɛso gha ɛbhɛ soye ɛKiriti gha, ɛNgɔn ɛTaanggbey ya. Te ne ji lenɛ ne itin de ne ɛ kɛ nang ɛn ne ɛbhɛ wo, ɛ sɛ ɛn iken ndɔ ne irywɛɛk ɛbhɛ wo.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

1 ɛTimɔti 6:14

Nzi bok kɛ te ˆɛ roos ikpii ne ivol lɛdaa wo gbyak tang ɛkɔn ne tok ne irwirwik, ɛDaray njwɛɛn ɛYɛso ɛKiriti gha phyii bhɛ kyii.

ɛTomɛ 3:15

Ɛ kaa phoo ɛn ɛHaa ne ɛ nang iken, ɛbhɛ ne ɛTaanggbey ya kɛ ne yiisik ɛbhɛ tsik ndɔ ne ikpuu da. Njwi kaa yaang ɛli nɛ nikɔn nɛnaa wo kɛ tes.

ɛLuka 17:30

ɛLɛy ne iphɛ sɛ ne so ɛtuk ka ne ɛNgɔn ɛNyi gha sɛ tɔɔl le wo.

iRooma 8:18

Nggɛ wɛɛ nggɛ ne seng sɔng ya ten nggbang ngga ne njwɛɛn i sɔ ɛlyilyɛghaa wo ne ndiinday de ne sɛ tɔɔrek njwɛɛn no nang.

iRooma 8:19

Gbik nikɔn na ne kɛ ryɔng ngo i has irway nibhɛ hyep ɛli ne ɛTaanggbey ya yaa tɔɔrek ninɔn ɛbhɛ na wɛsɛrɛk ɛzay ya.