iKɔlɔsi 3:3 - ɛWee ne ìTsɛm iHywas

³ Daa ɛli ne ˆɛ kɛ ku ku ɛn, kɛ ne rɛɛ iken mon de ne ɛKiriti gha ndɔ ɛTaanggbey.

iKɔlɔsi 3:3 ပူးပေါင်းရင်းမြစ်များ

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iRooma 6:2

Kwa! Kɛ hosop njwɛɛn ne ɛfɔt to te ɛli ne kɛ hosop ikom ne iken, yaa ne ta mɔn ɛli njwɛɛn tɔɔ shɛɛ niken na nɛ ndɔ yɛwoo?

iKɔlɔsi 2:20

ˆƐ kɛ ku ɛn ne ɛKiriti gha, kɛ ne phɔt nyini ndɔ ne ihwet ne ikpabyik ɛzay yɛdaa wo. iKyee iphɛ kɛ ne te ˆɛ shɛɛ ɛn te ˆɛ tɔɔ ɛn nyini ninaa ɛzay yaa? iKyee iphɛ kɛ te ˆɛ kɛ nang ɛn itso mon da daa ne ikpii ɛzay yɛdaa woo?

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

iRooma 5:10

Kaa kyii ryɔng njwɛɛn ne ɛTaanggbey ya nten de ne njwɛɛn kaa tɔ ninaa ne iphup ɛbhɛ lenɛ ne iku ɛNgɔn ɛbhɛ. ɛLyilyɛghaa wo, njwɛɛn kɛ ne ji teye nitaay ɛbhɛ, njwɛɛn sɛ ne phɔrɔt lenɛ ne iken ɛNgɔn ɛbhɛ de!

2 iKɔrɔntos 5:14

Gbik ɛkɔn na ne njwii mɔn, njwi mɔn ɛbhɛ daa ɛli ne ishwim ɛKiriti bok igbɔm daa mos. Daa ɛli ne njwii kɛ nang ne itin nɛ wu ɛKiriti gha kɛ ku ɛlɔ ninyi na gbik, iphɛ ɛlɛy ninyi na gbik kɛ ne ma kus ndɔ ɛbhɛ.

ɛYohana 5:21

ɛLi ne ɛKyɛɛ gha kyii tes ninyi na nɛ nibhɛ kɛ kus niken na, ɛlɛy ne ɛNgɔn na yaa ne tes ninyi na nɛ nibhɛ kɛ kus so niken ne mang.

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

ɛYohana 14:19

Yaa phyɔngɔle ncɛt sɔng ɛzay ya yaa ne tɔ yaang me nang. Aa ne i yaang ɛn mɛɛn daa ɛli ne nzo ɛken, aa ne ma shɛɛ ɛn niken na.

1 ɛBiturus 3:4

Te izel lɛ yang teye izee ne irway, kaabi izel ne ihywɛɛ gbik ne ìyak ne ihywɛ sang bees se, ihywɛ so ɛkɔn ne dɛp ɛlɔ ɛTaanggbey.

ɛMacu 11:25

Nten nɛ de nggyɛ wo, ɛYɛso gha kaa boote ɛ yɔngɔ, “ɛTaa, ɛDaray ɛdaa ne irywa ne ɛzay gbik, n bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga, nɛ ninaa ishweng nga ibol mo de, ɛ ji tɔɔrek ninɔn mo iphɛ.

iKɔlɔsi 3:4

Sɛ ne sɛ ɛKiriti gha ne ɛbhɛ ɛ soye iken mon de kɛ tɔɔl le, ˆɛ sɛ ne ma tɔɔl nyini ne ɛbhɛ ndɔ ne ito-ndiinday ɛbhɛ de.

iBirani 7:25

iPhɛ ɛlɛy, aa ne yɛɛ ne phɔt ninyi na wɛlɛng ɛgak. Ninyi na nɛ nibhɛ kɛ yɛɛs ɛlɔ ɛTaanggbey ya lenɛ ne ɛbhɛ wo, daa ɛli ne ɛ ku so ɛken, ɛɛ bol ne ɛTaanggbey ya ɛlɔ nibhɛ cɛcɛɛy.

iKɔlɔsi 2:3

Ndɔ ɛbhɛ ne kɛ rɛɛ ne iyɛnɛng ne ntsɛntsɛng ge ne ishweng ga gbik.

ɛYohana 5:40

Gbik ne iphɛ ɛlɛy, sɔng ɛ kɛ ne sim ɛn ɛ yɛɛs ɛn ɛlɔ nge gha ɛ say ɛn iken inat de nang.

ɛYohana 4:14

Gbik ne iphɛ ɛlɛy, ɛhaa ne ɛ kɛ ne sɔ inɛn da ne naa nang ngo, sɔng aa ne tang phok irway ne has ba nang. iNɛn da ne naa nang ɛbhɛ wo yaa te te ɛncincɛk ndɔ ɛbhɛ wo, mpɛ ne ji naas iken ne inat.”

Nikɔn ne kɛ Phaal 2:17

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, naa ne nang ɛbhɛ idɛng ndɔ ne imana de ne kɛ rɛɛ wo. Naa ne ta nang ɛbhɛ ikɛɛ ihala ne kɛ haa ne irywɛɛk ifas ne hame ɛnyi iyɛɛ kang ne ɛnyi gha ne ɛ kɛ say iphɛ wo.

1 ɛYohana 3:2

Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.

iFilibi 4:7

Yaa ne lenɛ ɛlɛ wo ɛTaanggbey ya ne nang nyini irway ne laal ɛbhɛ ne ifɛ phyin icwas ɛten ɛsii gbik. iPhɛ yaa ne boos irway mon ne icwas mon ndɔ ɛYɛso ɛKiriti gha.

1 iKɔrɔntos 15:45

ɛLɛy ne kɛ haa ndɔ ne ɛWee ne iBol ɛTaanggbey i bo, “ɛDɛmu gha ne ɛ kaa so ɛnyi ɛyisɛ gha, kaa ryɔng ɛbhɛ i nang ɛbhɛ iken.” ɛDɛmu ɛtsim ma ne soye ikabyik ne iphɛ nang iken.

1 iKɔrɔntos 2:14

ɛNyi gha ne iKabyik ge i sang hyel ɛbhɛ wo, sɔng aa ne say nikɔn na nɛ nibhɛ le ne iKabyik ɛTaanggbey de nang daa ɛli nɛ nibhɛ so te iwamang ɛlɔ ɛbhɛ gha, sɔng aa ma yung seng nibhɛ nang, daa ɛli ne i seng nibhɛ lenɛ ne iKabyik ge.

iRooma 5:21

Kaabi i bo wu ɛli ne ɛfɔt to kaa bok ihwet daa ninyi gbom daa ɛli ne ɛbhɛ yɛɛs ne iku de, ɛlɛy ne izɛɛng ɛTaanggbey de ne bok ihwet daa ne ninyi na daa ɛli ne ihywɛ te i say nibhɛ wu nibhɛ so cik ɛnu ɛyisɛ ɛTaanggbey. iCik ge ne iphɛ nang iken ne inat lenɛ ne ɛYɛso ɛKiriti gha.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

2 iKɔrɔntos 5:7

Daa ɛli ne ishwɛɛ njwɛɛn da soye ivaa ne ìnang ne itin nɛ, sɔng ivaa nikɔn ne i yaang ne irwisɛ nang.

iRooma 6:11

ɛLɛy ne mang, nɛ ma bo ɛn ito mon de te ikom ne kɛ hosop iphɛ ne iken daa ne ihwet ne ɛfɔt da, kaabi ɛlɛy ne ɛ so ɛn niken ndɔ ɛTaanggbey lenɛ ne ɛYɛso ɛKiriti.

iFisus 3:9

Te n da phaal ninyi na nɛ gbik icwas ne ibol igying ɛTaanggbey de, idee ne iphɛ ku so igying izam-izam be. iBol igying ɛTaanggbey de ne ɛbhɛ ɛ kɛ ryɔng nikɔn na gbik ko.

1 ɛBiturus 4:2

iPhɛ ɛlɛy, nggbinggbing ɛ yaa shɛɛ ɛbyin ne ishwɛɛ ɛbhɛ gha ndɔ ɛzay yɛghaa wo ɛɛ roos ɛkɔn na ne ɛ so icwas ɛTaanggbey, sɔng ɛkɔn na ibek i sim nang.